Čehoslovakija byla državoju v Centralnoj Evropě, ktora istnovala v obdobju od 1918 po 1993 roky. Ozemja Čehoslovakije oddělili se od Avstro-Madjarije poslě Prvoj světovoj vojny. Prva Čehoslovačska republika proglašala svojeju služebnoju ideologijeju čehoslovakizm — koncepciju, po ktoroj čehi i slovaki sut jediny narod.
V 1938-1945 rokah na teritorijah Čehoslovakije istnovali němečsky Protektorat Čehije i Moravije i Prva slovačska republika. Sudečska oblast byla pristupjenjena k Němciji i Južna Slovakija i Podkarpatska Rus — k Madjariji, Tešinsky Slezk — k Poljskě (od 1939 roku — k Němciji).
Poslě Drugoj světovoj vojny graničila s Iztočnoju Němcijeju, Zapadnoju Němcijeju (od 1990 roku — s objedinjenoju Němcijeju), Poljskoju Narodnoju Republikoju, Avstrijeju, Vugrskoju narodnoju republikoju (od 1989 s Madjarijeju) i Sovětskym sojuzom (od 1991 — s Ukrajinoju).
V 1993 roku Čehoslovakija razdělila se na dvě nezaležnyh državy, Čehiju i Slovakiju.
Služebna nazva
edit- 1918—1938 — Čehoslovačska republika (češ.: Československá republika /ČSR/, po 1920 rok Čehoslovačka Republika /ČSR/ (češ.: Česko-Slovenská republika /ČSR/, Republika československá /RČS/).
- 1938—1939 — Čehoslovačska republika /ČSR/ (češ.: Česko-Slovenská republika /ČSR/).
- 1945—1960 — Čehoslovačska republika /ČSR/ (češ.: Československá republika /ČSR/).
- 1960—1990 — Čehoslovačska socialistična republika /ČSSR/ (češ.: Československá socialistická republika /ČSSR/).
- 1990 — Čehoslovačska federativna republika /ČSFR/ (češ.: Československá federativní republika, slovač. Česko-slovenská federatívna republika /ČSFR/).
- 1990—1992 — Česka i slovačska federativna republika /ČSFR/ (češ.: Česká a Slovenská Federativní republika; slovač.: Česká a Slovenská Federatívna Republika ČSFR).