Wp/isv/Švecija

Švecija, služebno Kraljevstvo Švecija, jest država v Sěvernoj Evropě. Graniči s Norvegijeju na zapadu i sěveru i Finlandijeju na iztoku, a takože imaje most do Danije. S površinoju v 450295 km² Švecija jest najvelika država Sěvernoj Evropy, 3. najvelika država v Evropejskom sojuzu i 5. najvelika država v Evropě. V Šveciji živut 10.4 milionov ljudij, 87% iz ktoryh živut v gradah glavno v centralnoj i južnoj čestah državy. Glavny i najljudny grad jest Stokholm.

Država

Wp/isv/Švecija

šved.: Sverige
Horugva
Gerb
Obča informacija
Polna nazva	Kraljevstvo Švecija (šved.: Konungariket Sverige)
Himn	"Jesi stara, jesi svobodna"
Glavny i najbolši grad	Stokholm
Služebne jezyky	švedsky jezyk
Državna forma	unitarna parlamentska konstitucijna monarhija
Statistika
Plošča	450 295 km² (55.)
Naseljeńje	Ocenka (2021): 10 402 070 ljudij (89.)
Valuta	švedska krona (SEK)
Časova zona	UTC+1 (CET) lětom: UTC+2 (CEST)
Kod ISO 3166	SE
<mapframe> problems: Attribute "latitude" has an invalid value Attribute "longitude" has an invalid value
Koordinaty: Template:Wp/isv/Coord

Germanske plemena žili v Šveciji od dohistoričnogo časa. Prvymi znanymi plemenami iz Švecije byli gjoti i švedi, i oni v Srědnevečju byli čestju vikingov. Nezaležno švedsko kraljevstvo bylo osnovano v početku 12. stolětja. Poslě Črnoj smrti, ktora umtrvila tretinu skandinavskogo ljudstva, prěvaga Hanzskoj ligy in Sěvernoj Evropě počela zagrožati Skandinavije ekonomično i politično. To privedlo do formovańja skandinavskoj Kalmarskoj unije v 1397 godu, iz ktoroj Švecija izošla v 1523 godu. Kogdy Švecija stala čestju Tridesetlětnej vojny na straně protestantov, jej ozemje silno razširili se i byla osnovana Švedska imperija. Ona byla jednoju iz glavnyh močij Evropy do početka 18. stolětja, kogdy Švecija proigrala vojnu Rosije. Švecija utratila ozemje vně Skandinavskogo poluostrova v 18. i 19. stolětjah, konečno s aneksijeju sovrěmennoj Finlandije Rosijeju v 1809 godu. Poslědnjeju vojnoju Švecije byla vojna s Norvegijeju za uniju v 1814 godu. Uniju s Norvegijeju mirno razpustili v 1905 godu. Švecija ne učestvovala v Prvoj i Drugoj světovyh vojnah i služebno shranjaje politiku nevtralnosti.

Švecija jest unitarna parlamentska monarhija. Valuta Švecije jest švedska krona.

Administrativno děljeńje

Švecija děli se na 21 krajin:

1. Blekinge (šved.: Blekinge län)
2. Dalarna (šved.: Dalarnas län)
3. Gotland (šved.: Gotlands län)
4. Jevleborg (šved.: Gävleborgs län)
5. Halland (šved.: Hallands län)
6. Jemtland (šved.: Jämtlands län)
7. Jončoping (šved.: Jönköpings län)
8. Kalmar (šved.: Kalmar län)
9. Kronoberg (šved.: Kronobergs län)
10. Norboten (šved.: Norrbottens län)
11. Skone (šved.: Skåne län)
12. Stokholm (šved.: Stockholms län)
13. Sjodermanland (šved.: Södermanlands län)
14. Upsala (šved.: Uppsala län)
15. Vermland (šved.: Värmlands län)
16. Vesterboten (šved.: Västerbottens län)
17. Vesternorland (šved.: Västernorrlands län)
18. Vestmanland (šved.: Västmanlands län)
19. Vestra-Gjotaland (šved.: Västra Götalands län)
20. Orebro (šved.: Örebro län)
21. Ostergjotland (šved.: Östergötlands län)

Vněšnje linky

• Tutoj članok imaje prěvod iz članka "Sweden" v Vikipediji na anglijskom (spis avtorov; dozvoljeńje CC BY-SA 4.0).