Wb/nia/Moze I/6

I. Itugu lö sökhi niha. Ifeta'u ira Lowalangi ihuku ira

1 Ba me no ibörötaigö ato niha ba guli danö, me tumbu-tumbu khöra nono alawe, 2 ba la'ila ono matua khö Lowalangi, wa no si sökhi sibai nono alawe ba niha, ba lahalö zomasi ira.

3 Ba imane Yehowa: Lö tola sa'ae Ehehagu zamatörö tödö niha, ösi niha ira, ba wa'elungura andrö; famonosogu ya'ira na, ba ya hatö 120 fakhe.

4 Ba me luo da'ö ba so ba guli danö niha sebua sibai boto; ba meno orudu nono matua khö Lowalangi ba nono alawe ba niha, ba me mo'ono ira khöra — ba da'ö niha sabölö andrö, sebua sibai turia ba götö föna andrö.

5 Ba me i'ila Yehowa, wa no ebua sibai zi lö sökhi ba niha ba guli danö, wa no si lö sökhi manö gera-erara, awö nikhoi dödöra, si lö mamalö-malö, 6 ba mangesa dödö Yehowa, wa no ifazökhi niha ba guli danö, ibusi sibai tödönia. 7 Ba imane Yehowa: Da'uhori ba guli danö niha andrö nifazökhigu, he niha ba he uriföra ba he kuö-kuö andrö ba he fofo ba dalu mbanua; mangesa sa'ae dödögu, wa no ufazökhi ira. 8 Ba Noakhi andrö, ba falukha wa'ebolo dödö Lowalangi.

II. Ono Noakhi

9 Da'e nga'ötö No'akhi: No'akhi andrö, ba no niha satulö tödö, si lö sinegu, ba götönia andrö; lö aefa-aefa khönia Lowalangi ba lalania. 10 Ba tölu nono No'akhi: Semi ba Khamo ba Yafeti. 11 Ba no tekiko guli danö föna Lowalangi, anönö danö horö. 12 Ba i'ila Lowalangi, wa no tekiko sibai guli danö, noa sa tefuyu lala nösi guli danö fefu.

Fofo andrö, ngawa-ngawalö, ba urifö niha ngawa-ngawalö ba sanana-nana ba guli danö fefu, ngawa-ngawalö ba dua-dua möi khöu ba nowo yaŵa, ena'ö te'orifi.

II. Oroisa Lowalangi khö Noakhi ba wamazökhi owo

13 Ba imane Lowalangi khö Noakhi: No so ba duduma hörögu wozu nösi guli danö fefu: noa sa anönö danö horö, nifazökhira; ba da'uhori ira ba guli danö. 14 Fazökhi khöu nowo, naru'u geunia, ba öfobate'e ba ögalö-galöni sulumou, tanö bakha ba tanö baero. 15 Ba ömane wamazökhi ya'ia: 300 hela wa'anau nowo andrö ba 50 hela wa'ebolo ba 30 hela wa'alaŵa. 16 Ba öfosandrela nowo, yaŵa, ba dete, sahela wa'alaŵa öbe'e. Ba bawandruhö nowo, ba ba ngai öbe'e; öfotölu nga'ötö ba oi bate'e öbe'e. 17 Lö ara tö sa dania ba anönö danö idanö ube'e, ba wangohori fefu nösi guli danö, si so noso, barö mbanua, si yaŵa; fefu zi so ba guli danö ba si tekiko ube'e. 18 Ba ba khöu, ba fawu'u li ndra'o, ba si möi ba nowo ndra'ugö ya'ugö ba onou matua andrö ba fo'omou ba umönöu andrö, awöu. 19 Ba ba zi so noso fefu, ba nösi guli danö ma'afefu, ba dua-dua geu, dombu-dombua ö'ohe yaŵa ba nowo, ba wangorifi ya'ira, awöu; sara zi matua ba sara zi alawe. 20 Fofo andrö, ngawa-ngawalö, ba urifö niha ngawa-ngawalö ba sanana-nana ba guli danö fefu, ngawa-ngawalö ba dua-dua möi khöu ba nowo yaŵa, ena'ö te'orifi. 21 Ba ya'ugö, ba faigi khöu ngawalö gö fefu, ni'aga-aga, ba höna khöu, öu dania ba öra. 22 Ba i'o'ö sibai Noakhi, dali niwa'ö Lowalangi khönia.

Famotokhi ba gahe

Fabaliŵa lala

Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö