I. Mandru Yosefo ha nomo Wotifa edit
1 Ba me no la'ohe ba danö Miserayi Yosefo, ba i'öli ia Fotifa, Dawa Miserayi, mandru yomo khö Wara'o, högö wazuri, ihöli ba Ndraono Zima'eli andrö, solohe ya'ia misi tou ba da'ö.[1]
2 Ba itolo Yosefo Yehowa, tobali mofozu fefu hadia ia khönia, ba ba nomo Ndrawa Miserayi andrö, sokhö ya'ia soso ia.
3 Ba me i'ila sokhö ya'ia, itolo ia Yehowa, awö wa mofozu fefu hadia ia halöŵönia, ibe'e Yehowa, 4 ba ebua sibai dödönia khö Yosefo, ba ihalö ia ngoni-ngoninia ba ifataro ia mandru yomo khönia, ba ibe'e ba dangania fefu hadia ia nibaya-bayania. 5 Ba i'otarai da'ö, me no ifataro ia mandru yomo khönia ba samaigi-maigi nibaya-bayania fefu, ba ifahowu'ö Yehowa nomo Ndrawa Miserayi andrö, börö Yosefo, ba howu-howu Yehowa manö ba zi so khönia, fefu, he yomo, ba he baero. 6 Ba ibe'e manö ba danga Yosefo gombayasö dangania fefu; lö ba dödönia hadia ia, ba ngai Yosefo, baero gönia, ni'a.
II. Lö i'o'ö me ifaelungu ia ena'ö fo'omo Wotifa andrö ba tekuru ia edit
7 Ba no si sökhi sibai mboto Yosefo ba si sökhi göi mbawania. Ba lö ara sibai, ba ileke'ö Yosefo fo'omo zokhö ya'ia ba imane khönia: Förö ba ngaigu!
8 Ba itimba, imane khö wo'omo zokhö ya'ia: Törö tödö, wa lö ba dödö zokhö ya'odo hadia ia, ba ngaigu, awö wa no ibe'e ba dangagu nibaya-bayania fefu. 9 Tenga sebua moroi khögu ia yomo ba da'e, ba lö hadia ia zi lö ibe'e ba dangagu, hatö ya'ugö, me no fo'omonia ndra'ugö. Ba hadia, ulau zi lö atulö andrö, sabölö-bölö sibai, wamazökhi horö ba Lowalangi?
10 Ba he ŵa'ae ero ma'ökhö iforege khö Yosefo, ba lö i'o'ö khönia, fa orudu mena'ö ia khönia, fa mörö-mörö ba ngainia.
11 Ba samuza ma'ökhö, me möi yomo Yosefo mangai halöŵö, me ha si'aikö lö niha bö'ö yomo, 12 ba ira'u mbarunia, imane: Förö ba ngaigu!
Ba iröi ba dangania mbaru, ilau moloi, isaŵa baero.
13 Ba me i'ila [alawe andrö], no iröi ba dangania mbarunia ba no moloi, 14 ba humede ia ba zi so yomo ba imane khöra: Hiza, mifaigi, no i'ohe khöda niha Heberaio andrö, ena'ö i'o'aya ita! No möi ia khögu si bakha, ba wemörö ba ngaigu; ba mu'ira-ira ndra'o. 15 Ba me irongo, mu'ira-irado, ba iröi mbarunia khögu ba da'e, ba ilau moloi, isaŵa baero. 16 Ba ibe'e ba ngainia mbaru Yosefo, irege so zokhö ya'ia.
17 Ba imanö göi wangombakha khönia, imane: So zawuyu andrö, niha Heberaio andrö, ni'oheu khöda, möi ia si bakha khögu, ba wango'aya ya'odo. 18 Ba me mu'ira-ira ndra'o, ba iröi furi khögu mbarunia, moloi ia, isaŵa baero.
19 Ba me irongo sokhö ya'ia ni'ombakha'ö wo'omonia khönia, me imane: Da'ö nilau zawuyumö andrö khögu! ba mofönu sibai ia. 20 Ba ifara'u'ö Yosefo sokhö ya'ia, ifabe'e'ö ba gurunga, ba zi so nifakuru'ö razo, ba soso ia ba da'ö ba gurunga.[2]
21 Ba itolo Yosefo Yehowa, ibe'e la'omasi'ö ia niha bö'ö ba ebua dödö högö mandru ba gurunga khönia. 22 Ba ibe'e barö mbawa Yosefo nikuru andrö högö mandru, fefu zi so ba gurunga, ba fefu hadia ia nilau ba da'ö, ba balazi ya'ia manguma'ö. 23 Lö ifaigi-faigi högö mandru ba gurunga hadia ia nilau Yosefo, me itolo ia Yehowa. Fefu hadia ia nilaunia, ba mofozu ibe'e Yehowa.
Famotokhi ba gahe edit
Fabaliŵa lala edit
Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö