Wb/nia/Moze I/13

I. Ifuli iheta ia ba danö Miserayi Aberamo, no ebua howu-howu

1 Ba möi miyaŵa Gaberamo, moroi ba danö Miserayi, awö wo'omonia, awö fefu hadia ia khönia, ba fao khönia göi Loti, lasaŵa danö si raya no. 2 Ba no ebua sibai gokhöta Gaberamo, he urifö ba he firö ba he ana'a. 3 Ba itohu-tohugö wofanönia, iheta ia si raya, isaŵa Mbetieli, irege zi so osenia no, ba gotaluara Mbetieli Ga'i, 4 irege zi so naha wame'e sumange no, nifa'anönia ba da'ö föna. Ba i'angaröfi li döi Yehowa Aberamo ba da'ö.

II. Fabali ira Gaberamo Loti

5 Ba khö Loti göi, si fao khö Gaberamo, ba so mbiri-biri ba saŵi ba ose. 6 Ba tebai itaha ira tanö, fa orudu-rudu manö ira mena'ö, me no oya sibai guriföra, tebai orudu manö ira.

7 Ba tobali fasoso-soso ira gubalo gurifö Gaberamo gubalo gurifö Loti. Ba so na göi Ndrawa Gana'ana ba danö ba Dawa Weresi, me luo da'ö.

8 Ba imane Aberamo khö Loti: Böi fasoso ita, ba böi fasoso ira gubalo khögu gubalo khöu, noa sa si fatalifusö ita. 9 Tenga no so fönau danö ma'afefu. Sökhi na öheta'ö khögu; na ba gabera zomasi'ö, ba ba gambölö möi ndra'o, ba na ba gambölö öŵa'ö, ba ba gabera ndra'o.

10 Ba ifaöga hörönia Loti, ba i'ila, tanö si lö ambö-ambö idanö ndraso Yoridano andrö ma'asagörö, me lö'ö na nidudugö Lowalangi Sodoma ba Gomora andrö, ba hulö kabu Yehowa, si mane tanö Miserayi, irugi Zoara andrö. 11 Ba ituyu khönia ndraso Yoridano andrö ma'asagörö Loti, ba maoso ia, isaŵa gatumbukha luo, ba tobali fabali ira.

12 Ba danö Gana'ana so Gaberamo, ba Loti, ba ba mbanua ba ndraso i'iagö, ba ifa'eze-eze nosenia, irugi Zodoma. 13 Ba si lö sökhi mbanua Zodoma andrö, fahöna horöra khö Yehowa.

Ba u'oya'ö ma'uwumö, irege fa'oya ngawua nene ba danö, fa tebai la'erai ma'uwumö, si mane fa'atebai wangerai ngawua nene ba danö.

III. Ifuli ifabu'u linia khönia Lowalangi

14 Ba imane Yehowa khö Gaberahamo, me no fabali Loti khönia: Faöga höröu ba faigi danö andrö fefu, i'otarai zi so'ö, miyöu ba miraya ba tanö ba gatumbukha ba tanö ba gaekhula. 15 Fefu danö andrö sa, ni'ilau, ba khöu ba ba ma'uwumö ube'e, si lö tebulö. 16 Ba u'oya'ö ma'uwumö, irege fa'oya ngawua nene ba danö, fa tebai la'erai ma'uwumö, si mane fa'atebai wangerai ngawua nene ba danö. 17 Faoso ba töröi danö, fa'anau ba fa'ebolo, khöu sa ube'e ia, tana khöu.

18 Ba ifa'ese nosenia Aberamo, irugi gatua Mamere ba tebato ia ba da'ö, ba Heberona andrö, ba ifa'anö naha wame'e sumange khö Yehowa.

Famotokhi ba gahe

Fabaliŵa lala

Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö