Wb/nia/Moze I/10

I. Nga'ötö Yafeti

1 Da'e nga'ötö nono Noakhi andrö, Semi ba Khamo ba Yafeti; tumbu-tumbu khöra ndraono, me no aefa wa'atua danö andrö föna.

2 Da'e nono Yafeti andrö: Gomeri ba Magogi ba Madai ba Yawano ba Tubalo ba Mesekhi ba Tirasi. 3 Ba ono Gomeri, ba Asekena ba Rifati ba Togarima. 4 Ba ono Yawano, ba Elisa ba Tarisi ba mado Khiti andrö ba mado Rodani. 5 Ba da'ö fabali zi so ba hulo andrö, niha baero.

Da'ö nono Yafeti andrö, fasambua danöra, ba fasambua lira, fasambua madora, fasambua soi.

II. Nga'ötö Khamo

6 Ba ono Khamo, ba Kusi, ba Miserayi ba Futo ba Kana'ana. 7 Ba ono Gusi, ba Seba ba Hewila ba Sabata ba Ra'ema ba Sabitekha; ba ono Ra'ema, ba Sekheba ba Dedano.

8 Ba ono Gusi ba Nimerodi; ba ibörötaigö sabölö da'ö ba guli danö. 9 Sabölö ba wealu ia, tanö föna Yehowa; andrö wa lawa'öwa'ö: "Sabölö ba wealu, tanö föna Yehowa, si mane Nimerodi." 10 Böröta gamatöröŵania Mbabeli andrö ba Erekhi ba Akadi ba Kalene, ba danö Zineara. 11 Ba da'ö i'otarai wanaŵa tanö Asuri, ba itaru'ö Niniwe andrö ba Rehoboti-Iri ba Kala, 12 ba Reseni andrö ba gotaluara Niniwe Gala — da'ö mbanua sebua andrö.

13 Ba nga'ötö Miserayi andrö, ba mado Ludi ba mado Ganami ba mado Lehabi ba mado Nafetuhi, 14 ba mado Wateruzi ba mado Gaseluhi (böröta Ndrawa Wilisiti andrö) ba mado Gafetori.

15 Ba ono Gana'ana, ba Sidona, ononia si a'a, ba Kheti; 16 ba nga'ötönia na Ndraono Yebusi andrö ba Iraono Gamori ba Iraono Girigasi, 17 ba Iraono Hewi ba Iraono Gariki ba Iraono Zini, 18 ba Iraono Gariwadi ba Iraono Zemari ba Iraono Hamata; ba si manö wa'afabali soi Ndrawa Gana'ana andrö.

19 Ba tanö Ndrawa Gana'ana andrö, ba i'otarai Zidona ba numalö ba Gerara, irege Gasa, ba numalö ba Zodoma ba ba Gomora ba ba Gadama ba ba Zebo'i, irugi Laza. 20 Da'ö ndraono Khamo, soira ba hadia ngawalö lira, tanöra andrö ba madora.

III. Nga'ötö Zemi

21 Ba Semi andrö, furugö ndraono Heberi andrö fefu, ga'a Yafeti, ba mo'ono-ono göi. 22 Ono Zemi ba Elama ba Asuri ba Arafasa ba Ludi ba Aramo.

23 Ba ono Garamo, ba Usi ba Huli ba Geteri ba Masi.

24 Ba ono Garafasa, ba Sela, ba ono Zela, ba Heberi.

25 Ba khö Heberi andrö, ba dombua nono matua; töi zi sambua, ba Felegi, me ba götönia fabali niha ba guli danö. Ba töi dalifusönia andrö, ba Yoketana.

26 Ba ono Yoketana andrö, ba Alimodadi ba Salefi ba Hasamaweti ba Yara, 27 ba Hadoramo ba Usala ba Dikela, 28 ba Obala ba Abimaeli ba Seba ba Ofiri ba Hawila 29 ba Yobabi, oi ono Yoketana da'ö. 30 Ba banuara, ba i'otarai Mesa, numalö ba Zefara, irege hili andrö, tanö ba gatumbukha luo.

31 Da'ö nga'ötö Zemi andrö, soira andrö ba hadia ngawalö lira ba tanöra ba madora andrö.

32 Da'ö nga'öto ndraono Noakhi, iwara andrö ba soira; ba ba khöra fabali soi andrö ba guli danö, me no aefa wa'atua danö andrö föna.

Famotokhi ba gahe

Fabaliŵa lala

Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö