Wb/nia/Heinrich Sundermann

< Wb‎ | nia
Wb > nia > Heinrich Sundermann

Heinrich Sundermann (* 29 Oktober 1849 ba Ladbergen-Overbeck; † April 1919 ba Göttingen) no samösa falito Protestan moroi ba Jerman si möi mamazaewe Taroma Li Lowalangi ba Danö Niha me 1875. Toröi ia ba Danö Niha irugi 1910. Baero duho halöŵönia ihalö göi ginötö ba wama'anö kamus ba amakhoita li Niha awö wamo'eluaha Zura Ni'amoni'ö ba li Niha.

Uli Zura Ni'amoni'ö nifa'anö Heinrich Sundermann
Uli kamus Nias-Jerman nifa'anö Heinrich Sundermann

Aefa i'awalisi wamaha'ö ba teologi fao Heinrich tobali awö ba Rheinische Missionsgesellschaft, sama'ohe'ö falito ba mbanua saröu. Me 1875 lafatenge ia ba Danö Niha ba mohalöŵö ia ba da'ö irugi 1910. Baero halöŵö fanuriagö Taroma Li Lowalangi, no göi ihalö halöŵö sebua ba wo'ali Zura Ni'amoni'ö ba Li Niha awö ba wama'anö goi-goi Li Niha. Me ndröfi 1892 i'awalisi wo'ali Zura Gamabu'ulali Sibohou ba me 1915 i'awalisi göi Zura Gamabu'ulali Siföföna. Laraka ia tobali sambua buku me 1915.

Me 28. Agustus 1911 ibe'e khönia ratu Belanda Wilhelmina töi sebua Orde van Oranje-Nassau. Me April 1919 mate ia ba Göttingen.

Ngawalö mbuku nifa'anönia:

  • Niassische Sprachlehre, 'S-Gravenhage, 1913.
  • Niassisch-Deutsches Wörterbuch, Moers, 1905.
  • Soera Gambaoe'oela Li Si Bohou, Amsterdam, 1892.
  • Soera Gambaoe'oela Li Si Föföna, Amsterdam, 1911.

Umbu

edit
  • "Unser Kreis 1990". Jahrbuch für den Kreis Steinfurt, ISBN 3-926619-11-2
  • Heinrich Sundermann, Die Insel Nias und die Mission daselbst, Rheinische Missionsschriften Nr. 125, Verlag des Missionshauses, Barmen 1905.


Sura andre awena börö zura nasa. Moguna munönö ba mubönökhi nösinia.
Wikibuku no halöŵö nifalului zato.
Tolo Wikibuku khöda ba wanohugö wanura ya'ia, na so khöu onönöta nösi. Saohagölö.