Wikimedia Incubator

Wb/nia/Luka/14

< Wb | nia | Luka
Wb > nia > Luka > 14

Famadöhö wökhö zabao talu

edit

I. 1 Ba me möi ia ba nomo zalaŵa warizaio manga, ba luo sabato, ba so ira göi ba latarogö ia.[1]

2 Ba hiza niha, samösa, sabao talu, fönania.

3 Ba humede Yesu, imane ba zangila amakhoita andrö ba ba warizaio: Hadia, tola lafadöhö wökhö ba luo sabato, ma lö'ö? Ba lö hede-hedera.[2]

4 Ba ibabaya zofökhö andrö, ifadöhö wökhönia, ba ifofanö.

5 Ba humede ia khöra, imane: Ha niha ba khömi, na aekhu ba mba'a nononia, ba ma saŵinia, si lö i'anema'ö manöbi yaŵa ya'ia, na luo sabato?[3]

6 Ba tebai labu'a da'ö.[4]

Fanenaŵa wayaŵasa

edit

II. 7 Ba ilau gamaedola ba nikaoni andrö, me no ifaigi-faigi, wa lafahulö naha tanö si yaŵa, imane khöra:[5]

8 Na so zogaoni ya'ugö ba walöŵa, ba böi dadao ba naha tanö si yaŵa, ma ta'ila so nikaoninia salaŵa moroi khöu,[6] 9 ba na so zogaoni ya'ami, ba imane khöu: Fonaha da'e, ba ibörötaigö aila ndra'ugö wedadao tanö si tou sibai.

10 Na lakaoni ndra'ugö, ba ae dadao ba naha tanö si tou sibai, ena'ö, na so zogaoni ya'ugö, ba imane khöu: Fa'ese'ö miyaŵa le! ba awena tefosumange ndra'ugö föna nawöu ba wemanga fefu.[7]

11 Dozi sa, ha niha zamali'ö salaŵa ya'ia, da'ö ni'ide'i-de'ö, ba ha niha zangide-ide'ö ya'ia, da'ö nibe'e salaŵa.

12 Ba imane göi ba zogaoni ya'ia andrö: Na ökaoni manga niha si hulö wongi, ba ma na owi, ba böi kaoni zi fahuwu khöu, ba ma talifusöu, ba ma si tenga bö'ömi, ba ma banuami so'ana'a, fa böi lakaoni göi ndra'ugö mangawuli, ba ötema zulö.[8]

13 Na fatome ndra'ugö, ba kaoni zi numana ba sagaböda ba sogombuyu-mbuyu ba sagau'a,[9] 14 ba ya'ahowu ndra'ugö, lö'ö sa khöra sulö khöu, ba tesulöni khöu ba wemaoso niha satulö andrö dania.[10]

Amaedola watomesa

edit

III. 15 Ba me irongo da'ö si samösa, awöra ba wemanga, ba imane khönia: Ya'ahowu zi manga ba mbanua Lowalangi andrö.[11]

16 Ba imane khönia: So niha si fatome, owuloa sebua khönia, ato nikaoni.[12] 17 Ba ifatenge zawuyunia, me inötö gowuloa, ba wanguma'ö ba nikaoni andrö: Mi'aine, no awai.

18 Ba labörötaigö la'andrö aefa ira, ha sara dödö manö fefu. Imane khönia si föföna: So ni'öligu benua, ba lö tola lö möido mufaigi, u'andrö khöu, efa'ö ndra'o. 19 Ba imane si samösa: So ni'öligu öröbao, fulu nga'eu, ba möido mutandraigö; u'andrö khöu, efa'ö ndra'o. 20 Ba si samösa, ba imane: No mangowaludo, ba andrö tebai möi ndra'o.[13]

21 Ba ifuli ia sawuyu no mege, i'ombakha'ö da'ö khö zokhö ya'ia. Ba mofönu zatua baomo andrö ba imane khö zawuyunia andrö: Ta'i-ta'i ae ba newali misa, ba mbanua, ba fasao yomo ba da'e zi numana ba sagaböda ba sagau'a ba sogombuyu-mbuyu.

22 Ba imane sawuyu andrö: He Tua, no u'o'ö niŵa'u ba so na naha.

23 Ba imane tua andrö khö zawuyu: Ae ba lala ba ba zinga göli misa, ba farou dödöra ba we'amöi yomo, ena'ö afönu nomogu. 24 Uŵa'ö sa khömi, samösa lö'ö dania si manga ba watomesa andrö khögu, niha si tohöna mukaoni andrö.

Bawa lala khö zolo'ö Yesu

edit

IV. 25 Ba ato zi fao khönia ba lala niha, ba ibali'ö ia, imane khöra:

26 Na so zangondrasi ya'o, ba na tenga si fa'udu khö namania ba khö ninania ba khö wo'omonia ba ba ndraononia ba ba dalifusönia matua ba ba dalifusönia alawe ba ba nosonia na i, ba tebai nifahaögu ia.[14] 27 Ha niha zi lö molu'i röfania, ba wolo'ö ya'o, ba tebai nifahaögu.[15]

28 Ha niha sa ba khömi, sedöna mangotomosi malige, si lö dumadao ua mangerai balazo, na irugi, ba wamalua ya'ia? 29 Fa böi labörötaigö wango'aya ya'ia dozi samaigi, na no ifobörö, ba na tebai i'asiwai dania, fa böi lamane: 30 No ibörötaigö wotomo niha da'ö, ba tebai i'o'ozui.

31 Ma ha niha razo sedöna manuwö razo bö'ö, si lö dumadao ua manguhuhuo'ö, na tola ifaondragö zamaondragö ya'ia, si dua wulu ngahönö niha, na ha fulu ngahönö khönia? 32 Ba na tebai, ba ifatenge zinenge, fatua aröu na zi samösa, i'andrö wangatulö.

33 Ba si manö göi ami fefu, ha niha zi lö mangositengagö fefu hadia ia zi so khönia, ba tebai nifahaögu ia.[16]

34 Si sökhi sa nasio, ba na taya wa'asi-asi nasio göi, ba hadia labe'e fangazökhi.[17] 35 Lö gunania ba danö ba lö'ö goi gunania fangatabö zinanö; tetibo'ö manö ia. Si so tögi dalinga ba wamondrongo, ba yamufondrondrongo!

Famotokhi ba gahe

edit
  1. ↑ Faigi 11:37,54
  2. ↑ Faigi 6:9; Mat 12:10 b.t.
  3. ↑ Faigi 13, 15
  4. ↑ Faigi 13, 17
  5. ↑ Mat 23, 6
  6. ↑ Amaed 25:6,7
  7. ↑ Faigi 18:14; Mat 23:12
  8. ↑ Mat 5:46 b.t.
  9. ↑ Amaed 3:27; Yes 58:7
  10. ↑ Mat 6:4; 25:35 b.t.)
  11. ↑ Faigi 13:29; Fam 19:9
  12. ↑ Mat 22:2 b.t.
  13. ↑ MozV 24:5; KorI 7:29-35
  14. ↑ Faigi 18:29 b.t.; Mat 10:37 b.t.
  15. ↑ Faigi 9, 23
  16. ↑ Mat 13:44
  17. ↑ Mat 9:50; Mat 5:13

Fabaliŵa lala

edit

Olayama Zura Luka: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Luka/14&oldid=6458365"