Wp/mag/मागधी प्राकृत

मागधीप्राकृत
	मागधी
	ब्राह्मी: 𑀫𑀸𑀕𑀥𑀻
बोलेके स्थान	भारत
बिलुप्त	पूरुबी हिन्द-आर्यभाषामे बिकसित
भाषापरिवार	भारोपीय हिन्द-इरानी हिन्द-आर्य मागधीप्राकृत; ; ;
भाषासङ्केत
आइएसओ ६३९-३	–
	Lua error in Module:Wp/mag/Location_map at line 403: देशान्तरला कौनो मान प्रयोग नै कैल गेल.

मागधी ऊ प्राकृतभाषाके नाम हे जे प्राचीनकालमे मगध प्रदेसमे प्रचलित हल । ई भाषाके उल्लेख महावीर आउ बुद्धके कालसे भेँटहे । जैन आगमके अनुसार तीर्थकर महावीरके उपदेश इहे भाषा अथवा एकरे रूपान्तर अर्धमागधी प्राकृतमे होवहल । पालि त्रिपिटकोमे भगवान् बुद्धके उपदेशके भाषाके मागधी कहल गेलहे ।

विशेषता

प्राकृत व्याकरणके अनुसार मागधी प्राकृतके तीन विशेष लक्षण हल--

(१) र के स्थाने ल के उच्चारण, जैसे राजा > लाजा ;
(२) स श ष ई तीनोके स्थाने श के उच्चारण, जैसे परुष > पुलिश, दासी > दाशी, यासि > याशि ;
(३) अकारान्त शब्दके कर्ताकारक एकवचनके विभक्ति 'ए', जैसे नर > नले ।
नाटकीय भाषाके उदाहरण; कधं अपावे चालुदत्ते वावादीअदि । हगे णिअलेण शामिणा बंधिदे । भोदु आक्कंडामी । शुणध ,अय्या ,शुणध । अस्ति दाणिं मए पावेण पवहण – पडिवत्तेण पुप्फ –कलंडय– यिण्णुय्याणं वशंतशेणा णीदा ।।

सम्राट अशोकके पूर्वय प्रदेशवर्ती कालसी आउ जौगढ़के धर्मलिपियोंमे पूर्वोक्त तीन लक्षणमे से प्रथम आउ तृतीय ई दूगो लक्षण प्रचुरतासे पाएल जाहे, किन्तु दोसरा न । जैनागम मे तीसरा प्रवृत्ति बहुलतासे पाएल जाहे, तथा प्रथम प्रवृति अल्पमात्रामे; दोसरा प्रवृत्ति हिँयो नै हे । इही चलते विद्वान अशोकके पूर्व प्रादेशीय लिपिके भाषाके जैन आगमके समान अर्धमागधी मानेके पक्षमे हथ । कुछ प्राचीनलेखमे, जैसे रागढ़ पर्वतश्रेणीके जोगीमारा गुफाके लेखमे, मागधीके उक्त तीनो प्रवृत्ति पर्याप्त रूपसे पाएल जाहे । किन्तु जौन पालि त्रिपिटकमे भगवान् बुद्धके उपदेशके भाषाके मागधी कहल गेलहे, ऊसभ ग्रन्थमे स्वयं कुछ अपवादके छोड़के मागधीके उक्त तीन लक्षणमे से कौनो नै भेँटै । एहिला पालिग्रन्थके आधारभूत भाषाके मागधी न मानके शौरसेनी माने दन्ने विद्वानके झुकाव हे ।

मगधीप्राकृतमे लिखल कौनो स्वतन्त्र साहित्य उपलब्ध नै हे, किन्तु खण्डश: ओकर उदाहरण हमनीके प्राकृत व्याकरण आउ सन्स्कृत नाटक जैसे शकुतन्ला, मुद्राराक्षस, मृच्छकटिक आदिमे भेँटहे । भरत नाट्यशास्त्रके अनुसार गङ्गासागर अर्थात्‌ गङ्गासे लेके समुद्र तकके पूर्वीय प्रदेसमे एकारबहुल भाषाके प्रयोग कैल जायेके चाहि । ऊ कहलन हे कि राजाके अन्त:पुर निवासी मागधी बोलथन, तथा राजपुत्र सेठ चेट अर्धमागधी । मृच्छकटिकमे शकार, वसन्तसेना आउ चारुदत्त ई तीनोके चेटक, तथा संवाहक, भिक्षु आउ चारुदत्तके पुत्त ई छौ पात्र मागधी बोलहथ ।

सन्दर्भ ग्रन्थ

पिशल कृत ग्रन्थ का हिन्दी अनुवाद--प्राकृत भाषाओं का व्याकरण;
दिनेशचन्द्र सरकार : ग्रामर ऑफ् द प्राकृत लॅङ्ग्वेज्;
वूलवर् : इण्ट्रोडक्शन् टु प्राकृत

एहो देखी

बाहरी कड़ी

Magadhi at The Rosetta Project

Archived 2008-05-07 at the वेबैक मशीन

Jain Agams

Archived 2015-02-14 at the वेबैक मशीन