नेपाली पूरबी पहाड़ीके उपसाखा एगो हिन्द-आर्यभासा हई जे दक्खिन एसियाके हिमालय क्षेत्रके मूलभासा हई। इ नेपालके अधिकारिक, सम्पर्कभासा आउ सबसे ब्यापकरूप से बोलल् जाए बाला भासा हई आउ इ भारतमे २२ अनुसूचितभासामे से एक हई। इ पूरा नेपाल, भारत आउ भूटानमे लगभग एक चौथाई जनसङ्ख्या द्वारा बोलस् जाहई। लगभग १.६ करोड़ देसी बक्ता आउ दूसर भासा बोले बालाके रूपमे अन्न ९० लाखके साथे, नेपाली सबसे अधिक बोले जाए बाला उत्तरी हिन्द-आर्यभासा हई।
इ हिमालय श्रृङ्खलामे सबसे अधिक बोले जाए बाला भासा हई। भारतमे नेपालीभासा आन्दोलनके चलते सिक्किम् राज्ज आउ पच्छिमबङ्गालके गोरखालेण्ड् परदेसिक क्षेत्रमे नेपालीके अधिकारिक दर्जा मिलल् हई। अरुनाचलपरदेस, असम, हिमाचलपरदेस, मनिपुर, मेघालय, मिजोरम् आउ उत्तराखण्ड राज्जमे एकर् बक्ताके एगो महत्वपूर्ण सङ्ख्या हई। इ म्यान्मार् मे बर्मी गोरखो द्वारा बोलल् जाहई आउ मध्धपूरब, ब्रुनेई आउ बिस्वभरमे नेपाली परबासीयो द्वारा बोलल् जाहई।
नेपाली ढेर मनी हिन्द-आर्यभासाके साथे निकटता बिकसित करकई, सबसे महत्वपूर्ण रूपसे अन्न पहाड़ीभासा से। आधुनिक नेपालीभासाके उत्पत्ति जुम्लाके सिञ्जा घाटी से मानल् जाहई। करनालीमे भासाके एक पुराना बोली बोलल् जाहई।