Šengensky prostor ili Šengenska zona (ang.: Schengen Area) jest prostor, ktory skladajut 27 evropejskyh krajev, ktore služebno odvrgnuli vse pasportne i ine tipy pograničnoj kontroly na svojih občih granicah. Prostor glavno funkcionuje kak jedina jurisdikcija dlja medžunarodnyh putovanij so svojeju politikoju viz. Nazva zony jest od grada Šengen v Luksemburgu, kde byl podpisany v 1985 godu Šengensky dogovor.
Iz 27 držav Evropejskogo sojuza (ES) 23 sut čest Šengenskogo prostora. 3 iz 4 nečlenov Šengenskogo prostora v ES, Bulgarija, Kipr i Rumunija, sut povinne pristupiti do njego v budučnosti. Irlandija, 4. nečlen Šengenskogo prostora, imaje možlivost ne pristupati do prostora. V Šengenskom prostoru takože sut 4 državy, ktori ne sut členy Evropejskogo sojuza: Islandija, Lihtenštejn, Norvegija i Švejcarija. Vsego v Šengenskom prostoru sut 27 držav-členov. Faktično Šengensky prostor vključaje takože 3 evropejskyh državy: Monako, San-Marino i Vatikan.
Šengensky prostor imaje plošču v 4312099 km².
Členstvo
editŠengensky prostor skladaje se iz 27 držav, vključajuči 3 člena, ktore ne sut čest Evropejskogo sojuza.
| Država | Data podpisa | Data prvogo vključeńja |
|---|---|---|
| Avstrija | 28 aprilja 1995 | 1 decembra 1997 |
| Belgija | 14 junija 1985 | 26 marca 1995 |
| Čehija | 16 aprilja 2003 | 21 decembra 2007 |
| Danija (ne vključajuči Grenlandiju i Farerske ostrova) | 19 decembra 1996 | 25 marca 2001 |
| Estonija | 16 aprilja 2003 | 21 decembra 2007 |
| Finlandija | 19 decembra 1996 | 25 marca 2001 |
| Francija (ne vključajuči zamorske ozemje) | 14 junija 1985 | 26 marca 1995 |
| Grecija | 6 novembra 1992 | 1 januara 2000 |
| Hrvatija | 9 decembra 2011 | 1 januara 2023 |
| Islandija | 19 decembra 1996 | 25 marca 2001 |
| Išpanija | 25 junija 1991 | 26 marca 1995 |
| Italija | 27 novembra 1990 | 26 oktobra 1997 |
| Latvija | 16 aprilja 2003 | 21 decembra 2007 |
| Lihtenštejn | 28 fevruara 2008 | 19 decembra 2011 |
| Litva | 16 aprilja 2003 | 21 decembra 2007 |
| Luksemburg | 14 junija 1985 | 26 marca 1995 |
| Madjarija | 16 aprilja 2003 | 21 decembra 2007 |
| Malta | 16 aprilja 2003 | 21 decembra 2007 |
| Němcija | 14 junija 1985 | 26 marca 1995 |
| Niderlandy (ne vključajuči ozemje v Karibskom morju) | 14 junija 1985 | 26 marca 1995 |
| Norvegija (ne vključajuči Svalbard) | 19 decembra 1996 | 25 marca 2001 |
| Poljska | 16 aprilja 2003 | 21 decembra 2007 |
| Portugalija | 25 junija 1991 | 26 marca 1995 |
| Slovakija | 16 aprilja 2003 | 21 decembra 2007 |
| Slovenija | 16 aprilja 2003 | 21 decembra 2007 |
| Švecija | 19 decembra 1996 | 25 marca 2001 |
| Švejcarija | 26 oktobra 2004 | 12 decembra 2008 |
3 minidržavy ne sut členy Šengenskogo prostora, no imajut odvorjene granice s njim:
Vněšnje linky
edit- Tutoj članok imaje prěvod iz članka «Schengen Area» v Vikipediji na anglijskom (spis avtorov; dozvoljeńje CC BY-SA 4.0).