Wp/bgn/محمد نصیر خان اول

میر محمد نصیر خان بلوچ یکی شه کلاتئ شاهی‌ن دولتئ خانان ات که ای منطقه مروچین روچا به پاکستانئ بلوچستانی مربوط ‌ئه بیت. آ شه سال ۱۷۴۹ تا ۱۷۹۴ میلادیا کلات خان ات.

میر محمد نصیر خان بلوچ
Khan of Kalat
1749-1794
میر محبت خان
محمود خان اول
ودی بوتین	کلات
مرک	1794 کلات
دین	اسلام
'نیزامین شوغل'
بی ئه ت	مغلین امپراتوری Durrani Empire
Service/branch	کلات (شاهین دولت)ئ نواب
روتبه	سردار, Plenipotentiary, نواب
جنگ ئان	Third Battle of Panipat

اولی میرنصیرخان میرعبداللہ خانءِ کستریں بچ و میراھلتازخانءِ براس اَت ـ میرمحبت خان چہ دگہ ماتے اَت. سال 1736ءَ وھدیکہ میراھلتازخان پہ نادرشاہءِ حکمء قندھار شت، میرنصیرخانءَ گوں وتی نہ برت. بلے ھمے سالءَ کہ میراھلتازخاں دزگیرکنگ بوت میرمحبت خان گوں نادرشاہءِ حکم خان کلات بوت. گڈا آییءَ میرمراد علی، میرنصیرخان و آییءِ ماتءَ بندی کت و نادرشاہءِ نیمگا قندھار دیم دات و تا سال 1745ءَ کساس نوہ سال میرنصیرخان نادرشاہءِ بندیخانہ بوت ـ زندانی وھدءِ اول سرا میراھلتازخان پہ یک گپےءِ سرا گوں میرنصیرخان، میرنصیرخانءِ دستءَ کشگ بوت ـ نادرشاہ لوٹ اِت میرنصیرخانءَ میراھلتازخانءِ بدلی بکشیت ـ بلے احمدزئی افغان شاھزادگاں نادرشاہءَ پکا کت کہ میار میراھلتازخانءِ بوتگ اَنت ـ میرنصیرخان چہ موتءَ پشت کپت ـ بلے شالکوٹءِ آمدنی کہ پہ میراھلتازخان، میرنصیرخار و آییءِ ماتءِ لاپ و خرجءَ چہ میرمحبت خان پچ گرگ و آیانءَ دئیگ بوتگ اَت، پدا نادرشاہ حکم دات کہ میراھلتازخانء حون بھا میرمحبت خانءَ دئیگ ببیت ـ رند چہ آیی میرنصیرخان و آییءِ مات و مردمانی زند پہ گرانی گوست ـ بلے سالے رند بی بی مریم جرات کت نادرشاہءِ کرّا شت و شالکوٹءِ آمدنی پہ وتی خرجءَ لوٹ اِت ـ نادرشاہ بی بی مریمءِ لوٹ من اِت و شالکوٹءِ آمدنی آیانءَ دئیگ بوت.

وھدیکہ نادرشاہ ھندوستانءِ سرا اوروش کت میرنصیرخان سپاہ نادریءِ ھمراہ اَت ـ اے نوہ سالءَ کہ میرنصیرخان نادرشاہءِ بندی اَت، چہ آییءِ شخصیتءَ میرنصیرخان یک زحمت کش و مستقل مزاجیں انسانے جوڑ بوت ـ اے مدتءَ آییءَ شریں تجربہ اے رست کہ چہ ھمے تجربہءِ برکتءَ آیی ماں بلوچ و بلوچستانءِ تاریخ و راجدپترا شریں نام و ننگے واھند بوت ـ ھما تجربہ اں میرنصیرخان ماں بلوچانی دلا حکومت کنگءِ ترز و تریکہءِ سکین دات و بے مٹیں کامیابیانی واھند بوت ـ ھنچین کہ بلوچانءَ ماں درستیں تاریخءَ نہ رستگ ـ میرنصیر خان ھر بلوچءِ دلءِ تھا جاگاہ کتگ اَت ـ تا ھما ھدا کہ چہ آییءِ تاریخی فتوحات و کامیابیاں کسہ و داستان جوڑ بوت و ھمشی مئی کرّا آییءِ بزرگی و نام اِنت ـ بزرگیءِ بابتءَ گوتہ آلمانی شاعر گشیت: “انسانءِ بزرگی و حقیقت اِشی اِنت کہ آییءَ ماں کسہ و داستاناں ببیت ” میرنصیرخان وتی راجءِ تھا ماں درجہءَ سربوت ـ مروچی ھم آییءِ بلوچانی تاریخءِ تھا رھشون و بھادراِنت زانگ بیت و تا مروچی آیی بلوچانی تھا نصیرخان بزرگ، نصیرخان ولی و نصیرخان نوریءِ صفاتاں مشھور و گشگ بیت.

سال 1745 ءَ وھدیکہ نادرشاہ وتی وسرکزاتکءِ دستا کشگ بوت و آییءِ سپاہ سالارا گرما گرم نادرشاہءِ لاشءِ سرا آییءِ وسرکزاتک بدلی کشت، میرنصیرخان، گوں شاہ ولی خان بامی زئیءِ مدتءَ گوں وتی سنگت و ھمبلاں جست و شیراز شت ـ چہ اوداں ملا مھرعلی داروغہءَ روانی دات قندھار کہ آییءِ ماتءِ ھالءَ بگریت و وت گوں میرکمال خان اھلتازئی، میرسلطان زھرو بنگلزئی و علی دربار چہ مکرانءِ راہءَ گوست و حبءِ کورا (جھالاوان) شت ـ بازیں مدتے ادا باھوٹ چٹہءِ مھمان بوت ـ باھوٹ چٹہ وتی کساسءَ مھمانداری کت ـ مدتے رند میرنصیرخان دیم پہ سند شت و کلوڑانی مھمان بوت، کساس دو سال سند خداآباد کلوڑانی گورا داشتی.

اے وھدا میرمحبت خان گوں بلوچ سرداران ناوش اَت ـ میرنصیرخان چہ آیانی ناوشیءَ فائدہ چست کت و سردار سلطان زھرو بنگلزئیءَ نپر کت و گوں بلوچ سرداراں نامہ و پیغام وڑا گپ و ترانءَ لگ اِت ـ سرداراں کہ چہ میرمحبت خان سک ناوش و بیزاراِتنت زوت گوں میرنصیرخان تپاک بوت اَنت و گوں آییءِ اِش بست.

ھمے دوراں سپہ سالار احمدشاہ ابدالی ماں افغانستان حکومتی کنگا اَت، و شاہ ولی خان بامی زئی کہ میرنصیرخانءِ رھشون اَت و مدام گشتی کہ تو منی بچءِ بدلءِ ، اے وھدا احمدشاہ ابدالیءِ وزیر اَت ـ میرنصیرخان پہ شاہ ولی خان بامی زئی گاگد و کراچ کت و چہ شاہ ولی خانءِ نیمگا احمدشاہ ابدالی میرنصیرخانءَ کمک کت ـ سال 1747 ءَ میرنصیرخان گوں سردارانی تپاکیءَ کاگدے نوشت و قندھار شت و احمدابدالیءَ داتَی، و تا سال 1749 ءَ ماں قندھار جلّ اِت.

سال 1749ءَ احمدشاہ ابدالی میرمحبت خانءَ ماں قندھار دزگیر کت و میرنصیرخان خان کلات کت و تاج سرا دات و گوں بلوچانی ھمراھیءَ دیم پہ کلات روان دات ـ درستین بلوچ سرداراں ماں کلات یکجاہ بوت اَنت و تاج پوشیءِ دود و ربیدگ اِش ادا کت.

میرنصیرخان بلوچانی اولی حکومت اَت کہ جمھوری وڑیں حکومتی ٹھینتی و بلوچانی دود و رسمءِ مطابقءَ آییءَ اصول جرگہ، مالی بنجاہ، راجی و جنگی گل و سازمانءِ بنیاد ایر کت اَنت ـ اے درستین اصول و راجی گل و یا دود و ربیدگ کہ خاص ماں کلاتءَ ھست اَنت، میرنصیرخانءِ جوڑ کتگین اَنت ـ اے دگہ گپے کہ اگر آیانی اصلی دروشم بدل بوتگ ـ پہ میرنصیرخانءِ بلوچی حکومتءَ و جنگي و ملکی زانگءَ گيشتر گپ و تران پکاراِنت ـ پہ اے ھاترا کہ اے بھر و بانگاں گھتر گیشینگ ببنت میرنصیرخانءِ خکومتیءِ دوراں دو بھر بیت ـ اولی بھر جنگی راہ و راھبنداں، جنگان و آییءِ فتوحات گشگ بنت و دومی بھر ملکی گل، راجی و کومی اِتنت.

گیپتجاه

• جنبش دمکراتیک بلوچستان سایت