میر مهراب خان بلوچ یکی شه کلاتئ شاهین دولتئ خانان ات که ای منطقه مروچین روچا به پاکستانئ بلوچستانی مربوط ئه بیت.[1] آ شه سال ۱۶۹۵ تا ۱۶۹۷ میلادیا کلات خان ات.
وھدیکہ کہ میراحمدخان 1695 میلادی سالءَ بیران بوت، بلوچ قبایلاں کلاتءِ فرمانءِ سرا میرمھراب خانءَ وتی خان گچیں کت ـ میرمھراب خان میراحمدخانءِ مستریں بچ ات و آییءِ ولیعھد اَت ـ میرمھراب خان وتی پتءِ وڑا بھادر و شیرمردے اَت و باروزئیانی ھبدھمی جنگا گوں وتی پتءَ گون اَت ـ بلوچانی راجدپترءِ تھا آیی مزنین نامے واھند بوت، بلے اپسوز کہ زندا گون آیی ھمراھی نہ کت و سال 1697 ءَ داؤد محمد و نورمحمد کلھوڑ جنگا و کرخءِ دمگا بیران بوت.[2]
ملک باروزئیءِ جنگ edit
1697 ءَ داؤد محمد کلھوڑ ملک باروزئیءَ سانگ لوٹ اِت کہ آیی پہ وتی جنکا زامات بکنت ـ بلے پہ اے ھاترا کہ ملکءِ براتءِ بچ پہ ملکءِ جنکا زامات اَت، نہ زرتی ـ بلے داؤد محمد چہ وتی حکومتی زور و تمردیءَ، یک روچے ملکءِ جنکا پہ زور چست کت و بُرت ـ ملک جھہ اِت و شت ملتان وتی پریاتی پہ شاہ زادہ معزالدین رسینت ـ اے روچاں معزالدین چہ اورنگ زیب عالمگیرءِ نیمگا ماں ملتان آییءِ نمایندہ اَت ـ توری محمد داؤد معزالدینءِ نزیکیں دوستے اَت، بلے چہ معزالدینءِ ترسءَ ملکءِ پریاتی گوش کت و نبشتی پہ محمد داؤد کہ ملکءِ جنکا پچ ترّایں ـ محمد داؤد آییءِ ھبرا گوش نداشت ـ ملک باروزئی چہ اورنگ زیب ناامیت بوت، دھلی شت و چہ اؤدا محمد داؤدءِ مرکءِ جوازی پہ شاہ زادہ معزالدین گپت ـ شاہ زادہ معزالدین پہ داؤد محمد کلوڑءِ جنگ و تمنہ کنگا لشکر زرت و آییءِ سرا حملہ کت ـ داؤد محمد و نورمحمد کلور وتی کساسءَ گوں معزالدینءِ لشکرا دیم پہ دیم بوت اَنت، بلے جنگءِ تھا پروشش وارت و چہ کھیرترّ تتک اَنت و کلاتءِ حکومتیءِ حد و حدودءَ مان بوت اَنت.[3]
کرخءِ جنگ edit
شاہ زادہ معزالدین کاگدے پہ میرمھراب خان بلوچ نبشت و دستبندی کت کہ داؤدخان و نورمحمد کلوڑءَ کہ چہ ھندوستانءِ دربارا سرپیچی اِش کتگ و کلاتءِ حکومتیءِ دمگا گوستگ اَنت، بگر و جُپت بنداِش بکن و ملتان راہ اِش بدءِ ـ میرمھراب خانءِ جندا لشکرے زرت و پہ آیانی دزگیر کنگا چست بوت ـ کلوڑاں چکوءِ “جالاون” دمگا گوں میرمھراب خانءِ لشکرا دیم پہ دیم بوت اَنت ـ اے جنگءِ تھا میرمھراب خانءَ پہ ردی چہ وتی لشکرءِ نیمگا تیری بوت و چہ اَپسءِ سرا جھل کپت ـ بلے پدا ھم کلوڑاں پروش وارت و داؤد محمد و نورمحمد کلوڑ دزگیر کنگ بوت اَنت .[4]
گیپتجاه edit
- ↑ Baluchistan - Imperial Gazetteer of India, v. 6, p. 277.
- ↑ بلوچستانءِ تاریخ نبیسوک: میرگل خان نصیر مترجم: ناصر محتشمی اولی میراحمدخان
- ↑ بلوچستانءِ تاریخ نبیسوک: میرگل خان نصیر مترجم: ناصر محتشمی اولی میراحمدخان
- ↑ بلوچستانءِ تاریخ نبیسوک: میرگل خان نصیر مترجم: ناصر محتشمی اولی میراحمدخان
| دیمین خان: میر احمد خان اول |
میر مهراب خان | پدین خان: سمندر خان |
| کلات خانان | ||
|
میر احمد خان | میر مهراب خان | سمندرخان | میر احمد دوم | میر عبدالله | میر محبت | محمد نصیر خان اول | محمود خان اول | میر مهراب خان | میر شهنواز خان |میر نصیر خان دوم| میر خداداد خان | میر شیردل خان | میر محمود خان دوم | محمد عظم جان خان | میر احمد یار خان | | ||