Wb/nia/Yohane/21

< Wb‎ | nia‎ | Yohane
Wb > nia > Yohane > 21

I'oroma'ö ia khö ndra nifahaönia

edit

I. 1 Aefa da'ö, ba ifuli i'oroma'ö ia Yesu ba nifahaönia, ba zinga mbaŵa Diberia andrö. Imane wangoroma'ö ya'ia: 2 Faoma so ira, Simoni Fetero ba Toma, nifotöi si faero, ba Natana'eli, banua Kana, ba Galilaia, ba ono Zebedaio andrö ba darua na nifahaönia bö'ö.[1]

3 Imane khöra Simoni Fetero: Möido mangai i'a.

Lamane khönia: Möiga göi, awöu.

Ba möi ira mitou, ba dundraha, ba lö ahulu ira, ba zi bongi andrö.[2]

4 Ba me moluo sa'ae, ba so Yesu, ba mbewe nidanö. Ba lö'ö sa la'ila nifahaö andrö, wa Yesu da'ö.[3]

5 Ba imane khöra Yesu: Hadia, so göda ma'ifu, ya'ami, iraonogu?

6 Lamane khönia: Lö'ö.

Imane khöra: Ba gambölö dundraha milau giri, ba misöndra.

Awena lalua, ba tebai sa'ae lasöbi, ba wa'oya gi'a.[4]

7 Ba imane nifahaö andrö, ni'omasi'ö Yesu, khö Wetero: Tuada!

Ba me irongo Simoni Fetero, Tua, ba molembe ia, lö nukhania, ba itibo'ö ia ba nidanö.[5]

8 Ba ba dundraha la'o'ö nifahaö bö'ö andrö; lö'ö sa aröu danö, ha mato dua ngaotu hela: lasöbi gi'a no mege, ba giri.

9 Ba me möi ira baene, ba la'ila mbo galitö, tou ba danö, ba no so bawu gi'a, awö roti.

10 Imane khöra Yesu: Mi'ohe gi'a andrö, sawena mihalö, ösa.

11 Ba möi yaŵa Zimoni Fetero, isöbi baene giri, no afönu i'a sebua, otu a lima wulu a tölu rozi. Ba he si manö wa'oya, ba lö'ö zui atika giri.[6]

12 Imane khöra Yesu: Mi'aine, milau manga.

Ba dozi alaŵö ndra nifahaö, wanofu khönia: Ha niha ndra'ugö? Me no la'ila, wa So'aya.

13 So Yesu, ihalö roti no mege, ibe'e khöra, ba si manö göi gi'a andrö.[7]

14 Medölu sa'ae, möi da'ö, i'oroma'ö ia Yesu ba nifahaönia, me no aefa maoso ia, moroi ba ngai zi mate.[8]

Huhuonia khö Wetero

edit

II. 15 Ba me aefa manga ira, ba imane Yesu khö Zimoni Fetero: He Simoni, ono Yohane, hadia, abölö omasi'ö ndra'o, moroi ba wa'omasi da'e ndra'o?

Imane khönia: E Tua, ö'ila, omasido ndra'ugö.

Imane khönia; Kubaloi nono mbiri-biri khögu.[9]

16 Ba ifuli imane khönia: He Simoni, ono Yohane, hadia, omasi'ö ndra'o?

Imane khönia: E Tua, ö'ila, omasido ndra'ugö.

Ba imane khönia: Kubaloi mbiri-birigu.[10]

17 Ifuli imane khönia, no medölu: He Simoni, ono Yohane, hadia, omasi'ö ndra'o?

Abu dödö Wetero, me ifuli imane khönia no medölu: Hadia, omasi'ö ndra'o? ba imane khönia: E Tua, fefu hadia ia ö'ila, ba no aboto ba dödöu, omasido ndra'ugö.

Ba imane khönia: Kubaloi mbiri-birigu.[11] 18 Si ndruhu-ndruhu niŵa'ögu khöu, me ono matua ndra'ugö, ba no ya'ugö zamakhai böbö talumö, ba möi'ö heza zomasi'ö; ba na atua ndra'ugö, ba ö'oro'ö dangau, ba niha bö'ö zamakhai böbö talumö, ba i'ohe'ö ba zi lö omasi'ö.[12] 19 Ba wangombakha he wisa wa'amatenia dania ba wamolakhömi Lowalangi, iŵa'ö da'ö.

Ba me aefa iŵa'ö da'ö, ba imane khönia: O'ö ndra'o.[13]

20 Ba me ibali'ö ia furi Fetero, ba i'ila, molo'ö nifahaö andrö, ni'omasi'ö Yesu, sidadao göi ba ngai Yesu, ba wemanga no, sanofu no: He Tua, ha niha zi manga mböliu?[14] 21 Ba me i'ila da'ö Fetero, ba imane khö Yesu: Ba hana da'e, Tua?

22 Imane khönia Yesu: Na omasido, lö tebulö ia, irege sodo, ba hana wa öhalö khöu? Ya'ugö, o'ö ndra'o.[15]

23 Da'ö mböröta, wa laŵa'ö-ŵa'ö ba dalifusö andrö: Lö mate nifahaö andrö. Ba lö niŵa'ö Yesu khönia, lö mate, imane: Na omasido, lö tebulö ia, irege sodo.

24 Da'ö nifahaö andrö, samaduhu'ö da'e, sanura göi da'e, ba no ta'ila, wa no si duhu wamaduhu'önia.[16] 25 Ba oya na sa mbö'önia, nilau Yesu, ba na lazara-zara wananö ba zura ena'ö, ba ba dödögu, ba lö itaha uli danö ma'asagörö zura andrö, nitanö ya'ia.[17]

Famotokhi ba gahe

edit
  1. Faigi 1:46
  2. Luk 5:5
  3. Faigi 20:14
  4. Luk 5:6
  5. Mat 14:28 b.t.
  6. Mat 13:47–41
  7. HalZin 10:41
  8. Faigi 20:19–26
  9. Faigi 13:37
  10. Luk 22:32
  11. Faigi 16:30; 2:25; HalZin 20; 28
  12. FetI 5:1; HalZin 21:11; FetII 1:14
  13. Faigi 13:36; FetI 4:16
  14. Faigi 13:25
  15. Fam 1:7–9 b.t.
  16. Faigi 16:35; Fam 1:2
  17. Faigi 20:30

Fabaliŵa lala

edit

Olayama Zura Yohane: 123456789101112131415161718192021

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö