Wb/nia/Yohane/13

< Wb‎ | nia‎ | Yohane
Wb > nia > Yohane > 13

Fanasai ahe edit

I. 1 Ba föna gowasa fasa andrö, me no i'ila Yesu, no irugi inötö, aheta ia ba guli danö andre, möi ia khö Nama, si mane fa'omasinia dana khönia ba guli danö, föna, si manö ŵa'omasinia ira irugi gamozua.[1]

2 Ba me manga ira ena'ö, me no ibe'e ba dödö Yuda andrö, ono Zimoni, banua Kariota wemanga mböli Yesu Afökha[2]3 he ŵa'ae no i'ila Yesu, no ibe'e ba dangania fefu hadia ia Ama, ba he ŵa'ae i'ila, khö Lowalangi i'otarai, ba ba Lowalangi möi ia,[3]4 ba maoso ia ba ngai gö, iheta mbarunia, ihalö lembe, ba i'olembe. 5 Aefa da'ö, ba ilau nidanö ba naha wanasa, ba ibörötaigö isasai gahe ndra nifahaö, ba i'osi lembe andrö, ni'olembenia.

6 Ba irugi Zimoni Fetero, ba imane khönia da'ö: Ya'ugö zanasai ahegu, Tua?

7 Itema linia Yesu, imane khönia: Iada'e ba lö ö'ila hadia nilaugu, ba aboto ba dödöu dania.

8 Imane khönia Fetero: Irugi zi lö aetu, ba lö tola ösasai gahegu.

Itema linia Yesu, imane: Na lö usasai'ö, ba tenga si faböbö khögu ndra'ugö.[4]

9 Imane khönia Simoni Fetero: He Tua, böi ha sambalö ahegu, tanga göi ba högö.

10 Imane khönia Yesu: Akha lö isasai ia si no mondri, noa sa muhaogö nösinia ma'afefu, ba no muhaogö ami, ba lö dozi.[5]

11 Noa sa i'ila zi manga mbölinia, andrö iŵa'ö: Lö dozi muhaogö ami.[6]

12 Ba me aefa isasai gahera ba i'obaru mbarunia ba ifuli mudadao, imane khöra: Hadia, no aboto ba dödömi nilaugu khömi? 13 Mibe'e töigu zamahaö ba So'aya ba si sökhi, na miŵa'ö da'ö, si ndruhu da'ö.[7] 14 Ba na no usasai gahemi, ya'odo andre, So'aya ya'ami, samahaö ya'ami, ba mo'ömö göi ami, wanasai ahe nawömi.[8] 15 Famaedo nibe'egu khömi, ena'ö mi'o'ö nilaugu khömi.[9]16 Si ndruhu-ndruhu niŵa'ögu khömi, tenga sebua, moroi khö zokhö ya'ia, zawuyu, ba tenga sebua, moroi khö zamatenge ya'ia zinenge.[10] 17 Na no mi'ila da'ö, ba ya'ahowu ami, na mi'o'ö, wolau ya'ia.[11]18 Lö dozi ami da'ö, niŵa'ögu; u'ila, ha niha nitutuyugu. Ba ena'ö itörö zi so ba zura andrö: "Awögu ba wemanga andrö, ba no ifazaŵa mbörö sisinia khögu".[12]

19 I'otarai da'e, uŵa'ö khömi, fatua lö alua, ena'ö faduhu dödömi, wa ya'odo, na no alua dania.[13] 20 Si ndruhu-ndruhu niŵa'ögu khömi, samonaha, na so nifatengegu, ba ifonaha ndra'o; ba samonaha ya'o, ba ifonaha zamatenge ya'o andrö.[14]

Fangombakha si manga mböli edit

II. 21 Aefa iŵa'ö da'ö Yesu, ba abu dödönia, ba ifaduhu'ö, imane: Si ndruhu-ndruhu niŵa'ögu khömi, samösa ba khömi zi manga mböligu dania.[15]

22 Ba faoma lafaigi nawöra ira nifahaö, lö la'ila, ha niha niŵa'önia.[16] 23 Ba so zamösa nifahaö, sidadao ba ngai Yesu, ni'omasi'ö Yesu. 24 Da'ö nikhawi Zimoni Fetero tanga, imane khönia: Ombakha'ö khögu, ha niha niŵa'önia.

25 Ba ihole'ö ia ba dötö'a Yesu, imane khönia: He Tua, ha niha?

26 Itema linia Yesu: Da'ö ia, ni'ungugögu ö, sambawa, nibe'egu khönia.

Ba i'ungugö gö, sambawa, ba ibe'e khö Yuda andrö, ono Zimoni, banua Kariota. 27 Ba me aefa itema gö andrö, ba möi ba dödönia Zatana.

Ba imane khönia Yesu: Ta'i-ta'i, lau nilaumö.[17]

28 Ba lö ba nawönia ba wemanga andrö saboto ba dödö da'ö, hana wa iŵa'ö khönia da'ö. 29 So zanguma'ö tödöra, me so khönia naha gefe, iŵa'ö khönia Yesu: Öli hadia zoguna khöda ba gowasa, ba ma ena'ö na ibe'e ba zi numana ma'ifu.[18]

30 Ba me no itema gö andrö, ba i'anema'ö möi ia baero. Ba no bongi.[19]

Oroisa ba wangomasi'ö awö edit

III. 31 Ba me no möi ia baero, ba imane Yesu: Awena tefolakhömi Nono Niha, ba no tefolakhömi Lowalangi ba khönia.[20] 32 Na no tefolakhömi Lowalangi ba khönia, ba ifolakhömi göi ia Lowalangi, ba khönia, ba i'anema'ö ifolakhömi.

33 He iraono, ha ma'ifu tö na sodo khömi. Mi'alui ndra'o dania, ba hulö si mane niŵa'ögu no ba niha Yehuda: Tebai möi ami ba zi möi ndra'o, si manö göi niŵa'ögu khömi iada'e.[21] 34 Oroisa si bohou ube'e khömi, ena'ö mi'omasi'ö nawömi; si mane fa'omasigu ami, ena'ö ya'ami göi, faoma mi'omasi'ö nawömi.[22] 35 Ba da'ö aboto ba dödö niha fefu, wa no nifahaögu ami, na so khömi wa'omasimi nawömi.[23]

Fangombakha fangosilö'ögö Wetero edit

IV. 36 Imane khönia Simoni Fetero: He Tua, heza möi'ö? Itema linia Yesu, imane: Tebai ö'o'ö ndra'o iada'e ba zi möi ndra'o, ba ö'o'ö sa ndra'o na furi.[24]

37 Imane khönia Fetero: He Tua, hana wa lö u'ila u'o'ö ndra'ugö iada'e? Ubelegö nosogu fönau.[25]

Famotokhi ba gahe edit

  1. Mat 26:2; Faigi 16:28
  2. Luk 22:3
  3. Faigi 3:35
  4. KorI 6:11; Fam 1:5
  5. Faigi 15:3; Tit 3:5
  6. Faigi 6:64–70
  7. Mat 23:8–10
  8. Luk 22:26–27
  9. FetI 2:21
  10. Faigi 15:20; Mat 10:24
  11. Mat 7:21–24; Yak 1:25
  12. Sin 41:10; Mat 26:23
  13. Faigi 14:29–16;4
  14. Mat 10:40 b.t.
  15. Mat 26:21 b.t.
  16. Faigi 19:26
  17. Faigi 13:2
  18. Faigi 12:6
  19. Faigi 18:3
  20. Faigi 12:23
  21. Faigi 7:34
  22. Yoh 15:12–13; Efes 5:2; YohI 3:11,14,23
  23. YohI 2:5
  24. Faigi 21:18–19
  25. Luk 22:33 b.t.

Fabaliŵa lala edit

Olayama Zura Yohane: 123456789101112131415161718192021

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö