Wikimedia Incubator

Wb/nia/Yohane/14

< Wb | nia | Yohane
Wb > nia > Yohane > 14

Ifarou dödöra ba wamati

edit

I. 1 Böi abu dödömi. Mi'amati ba Lowalangi ba mi'amati khögu.[1]

2 Oya nahia ba nomo Namagu, ba na tenga si manö mena'ö, ba no uŵa'ö khömi. Möido sa muhaogö naha khömi.[2] 3 Ba na no möido, na no uhaogö naha khömi, ba mangawulido, ba uhalö ami khögu, ena'ö so ami göi ba zi so ya'o.[3]

4 Ba no mi'ila lala ba zi möi ndra'o.

Faoma ira darua ira Amania

edit

II. 5 Imane khönia Toma: He Tua, lö ma'ila, heza möi ndra'ugö, ba he moroi ma'ila lala?

6 Imane khönia Yesu: Ya'odo lala, ya'odo wa'aduhu, ya'odo wa'auri. Lö sondrugi Ama, na lö itörö ndra'o.[4] 7 Na no aboto ba dödömi ndra'o, ba aboto göi ba dödömi Namagu dania. Ba i'otarai da'e, ba aboto ba dödömi ia, ba no mi'ila ia.[5]

8 Imane khönia Filifo: He Tua, oroma'ö khöma Nama, ba ahono dödöma.

9 Imane khönia Yesu: Si manö wa'ara awömi ndra'o, Filifo, ba lö aboto ba dödömi ndra'o? Si no mangila ya'o, ba no i'ila Nama; ba hana wa öŵa'ö: Oroma'ö khöma Nama?[6] 10 Hadia lö faduhu dödöu, wa ba dödö Nama so ndra'o, awö wa ba dödögu so Nama? Taroma li andrö, niŵa'ögu khömi, ba tenga moroi ba khögu uŵa'ö ia. Ba ihalö halöŵönia Ama, si lö tebulö ba dödögu.

11 Mifati khögu, wa ba dödö Nama so ndra'o, awö wa ba dödögu so Nama; ba na lö'ö, ba mi'amati ba halöŵö andrö.[7] 12 Si ndruhu-ndruhu niŵa'ögu khömi, ihalö dania halöŵö andrö, nihalögu, samati khögu, ba sebua moroi andrö ihalö, me khö Nama möi ndra'o,[8] 13 ba hadia ni'andrömi, ba döigu, ba u'o'ö, ena'ö tefolakhömi Nama ba khö Nono.[9] 14 Na so ni'andrömi khögu ba döigu, ba u'o'ö.[10]

Ifabu'u Geheha ni'amoni'ö

edit

III. 15 Na mi'omasi'ö ndra'o, ba mi'o'ö goroisagu.[11]

16 Ba ya'o, ba u'andrö dania khö Nama, ba ibe'e khömi zanolo tanö bö'ö, ena'ö lö aefa ia khömi, irugi zi lö aetu;[12] 17 Eheha si duhu andrö, si tebai latema niha guli danö, me lö la'ila, me lö aboto ba dödöra. Ba dödömi no aboto ia, me lö aefa ia khömi, ba ba dödömi so ia dania.[13]

18 Lö uröi ami, hulö zi lö ama, si lö ina, möido khömi.[14]

19 Ma'ifu tö na, ba lö'ö sa'ae la'ilado niha guli danö, ba ya'ami zangila ya'o, auri sa ndra'o, ba sauri göi ami dania.[15] 20 Na luo da'ö, ba aboto ba dödömi, wa ba dödö Nama so ndra'o, awö wa ba dödögu so ami ba ba dödömi so ndra'o.[16]

21 Si so oroisa andrö khögu, solo'ö ya'ia, da'ö zomasi ya'o. Ba ni'omasi'ö Namagu zomasi ya'o; ba ya'o göi u'omasi'ö ia ba u'oroma'ö ndra'o khönia.[17]

22 Imane khönia Yuda, tenga banua Kariota andrö: He Tua, hadia ia wa ö'oroma'ö ndra'ugö khöma, ba lö ö'oroma'ö ndra'ugö ba niha guli danö?

23 Itema linia Yesu, imane khönia: Na so zomasi ya'o, ba i'o'ö ligu, ba i'omasi'ö Amagu, ba möiga khönia, ba ba khönia ma'iagö.[18] 24 Si lö mangomasi'ö ya'o, ba lö i'o'ö ligu. Ba taroma li andrö, nirongomi, ba tenga khögu, no khö zamatenge ya'o, khö Nama.[19]

25 Da'ö niŵa'ögu khömi, fatua lö ahetado khömi. 26 Ba sanolo andrö, Eheha ni'amoni'ö, nifatenge Namagu dania ba döigu, da'ö zamahaö ya'ami, ba da'ö fefu, ba ahori ifasugi ba dödömi niŵa'ögu khömi.[20]

Famahowu'ö ba fondrara tödö

edit

IV. 27 Uröi khömi wa'ohahau dödö, fa'ohahau dödö khögu ube'e khömi. Bö'ö nibe'e niha guli danö, bö'ö nibe'egu. Böi abu dödömi ba böi ata'u ami.[21]

28 No mirongo, me uŵa'ö khömi: Mofanö ndra'o ba ufulido khömi. Na mi'omasi'ö ndra'o, ba omuso dödömi ena'ö, me khö Nama möido, me no sebua moroi khögu Nama.[22] 29 Ba noa sa uŵa'ö khömi, fatua lö alua, ena'ö faduhu dödömi, na alua dania.[23]

30 Lö'ö sa'ae oya huhuogu khömi, so sa'ae zalaŵa guli danö andrö, ba lö isöndra hadia ia khögu;[24] 31 ba ena'ö aboto ba dödö niha guli danö, omasido Nama ba u'o'ö hadia niŵa'ö Nama khögu, ba mifaoso, taheta ita ba da'e![25]

Famotokhi ba gahe

edit
  1. ↑ Mar 11:22; Faigi 12:44
  2. ↑ KorII 5:1
  3. ↑ Faigi 17:24
  4. ↑ Heb 10:19
  5. ↑ Faigi 8:19
  6. ↑ Faigi 12:45; Kol 1:15; Heb 1:3; KorII 4:4-6
  7. ↑ Faigi 10:38
  8. ↑ Mat 17:20; HalZin 2:41; 5:15
  9. ↑ Faigi 15:7; 16:23
  10. ↑ YohI 5:14-15
  11. ↑ Faigi 15:10; YohI 5:3
  12. ↑ Faigi 14:26
  13. ↑ YohI 5:6
  14. ↑ Mat 28:20
  15. ↑ Faigi 16:16; Hos 6:2
  16. ↑ Faigi 17:23 b.t.
  17. ↑ Ayati 15
  18. ↑ Efes 3:17 b.t.
  19. ↑ Faigi 7:16 b.t.
  20. ↑ Faigi 15:26; 16:14; Fil 1:9-11
  21. ↑ Faigi 16:33; Rom 5:1; Fil 4:7
  22. ↑ Faigi 10:29; Fil 2:6 b.t.
  23. ↑ Faigi 13:19
  24. ↑ Faigi 12:31; Luk 22:53
  25. ↑ Faigi 10:18

Fabaliŵa lala

edit

Olayama Zura Yohane: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yohane/14&oldid=6229726"