Wb/nia/Yohane/11

< Wb‎ | nia‎ | Yohane
Wb > nia > Yohane > 11

Fanusugi Lazaro

edit

I. 1 Ba so zofökhö, Lazaro, banua Mbetania, banua ndra Maria Marata, talifusönia.[1] 2 Ba Maria zamayoini So'aya fanikha samohua, solosi ahe Zo'aya bunia; talifusö da'ö, Lazaro, zofökhö.[2]

3 Ba lafatenge khö Yesu ira talifusönia alawe, lamane: He Tua, faigi, somasi ndra'ugö andrö, ba no mofökhö.

4 Ba me no irongo da'ö Yesu, ba imane: Tenga fökhö ba wa'amate wökhö andrö, fökhö famolakhömi Lowalangi, ena'ö tefolakhömi Nono Lowalangi ba da'ö[3]

5 Ba no omasi Yesu Marata andrö ba talifusönia ba Lazaro andrö.

6 Ba me no irongo mofökhö ia, ba dua wongi na ia ba zi so ia.

7 Aefa da'ö, ba imane khö ndra nifahaö: Datafuli ita ba Yudaia.

8 Lamane khönia ira nifahaö: He samahaö, ha mega no, ba labunu ndra'ugö mena'ö niha Yehuda, latebu kara ndra'ugö mena'ö, ba öfuli möi ba da'ö?[4]

9 Itema lira Yesu: Tenga felendrua za zi ma'ö-ma'ökhö? Na so zofanö ba zi ma'ökhö, ba lö manendre ia, me i'ila haga andrö ba guli danö.[5] 10 Ba na so sofanö bongi, ba manendre, me lö khönia haga andrö.[6]

11 Da'ö niŵa'önia; ba me aefa da'ö, ba imane khöra: No mörö Lazaro andrö, si fahuwu khöda, ba möido mususugi ia.[7]

12 Ba lamane khönia ira nifahaö: He Tua, na mörö ia, ba abe'e.

13 Ba fa'amatenia niŵa'ö Yesu, ba lawai si ndruhu femörö niŵa'önia.

14 Awena iŵa'ö khöra Yesu, lö ibini'ö: No mate Lazaro. 15 Ba omuso dödögu, börö ami, me lö ya'o ba da'ö, ena'ö faduhu dödömi. Ba mitabu khönia.

16 Ba imane Toma andrö, nifotöi si faero, ba nawönia nifahaö: Damöi ita göi, ena'ö mate ita awönia.[8]

17 Ba me irugi Yesu, ba irongo, no öfa bonginia ba lewatö. 18 Ba ahatö ba Yeruzalema Mbetania andrö, so dua mbadu fofanö.

19 Ba no ato niha Yehuda, si möi khö ndra Marata Maria, ba wondrara tödöra, ba khö dalifusöra andrö.

20 Ba me irongo Marata so Yesu, ba ifaondragö, ba dumadao yomo Maria.

21 Ba imane Marata khö Yesu: He Tua, ena'ö na no so ndra'ugö ba da'e, ba lö mate mena'ö dalifusögu andrö.[9] 22 Ba iada'e göi, ba u'ila, hadia ni'andröu khö Lowalangi, ba ibe'e khöu Lowalangi.[10]

23 Imane khönia Yesu: Maoso dania dalifusöu andrö.

24 Imane khönia Marata: U'ila sa, maoso ia dania, ba wemaoso andrö na luo sa furia[11]

25 Imane khönia Yesu: Ya'odo wemaoso ba fa'auri, samati khögu, ba auri, he ŵa'ae mate ia.[12] 26 Ba dozi sauri, samati khögu, ba lö mate, irugi zi lö aetu. Hadia, faduhu dödöu ba da'ö?[13]

27 Imane khönia: E, Tua, mamati sa'ae ndra'o, wa Keriso andrö ndra'ugö, Ono Lowalangi, si möi ba guli danö.[14]

28 Ba aefa iŵa'ö da'ö, ba möi ia muhede khö dalifusönia, Maria, nibini'ö, imane: No so zamahaö, ba muhede ia khöu.

29 Ba ya'ia, me irongo da'ö, ba i'alio'ö ifazaŵa ia, ifaondragö.

30 Ba lö'ö na nirugi Yesu banua, ba zi fakhamö Marata khönia mege so ia na.

31 Ba me la'ila niha Yehuda, si so khönia yomo ba da'ö, sondrara tödönia, i'alio'ö wamazaŵa ya'ia Maria ba möi, ba la'o'ö ia, lawai sa möi ia ba lewatö, ba wege-ege ba da'ö.

32 Ba me irugi Maria ba zi so Yesu, me i'ila ia, ba ituhi danö fönania, imane khönia: He Tua, ena'ö na no so ndra'ugö ba da'e, ba lö mate mena'ö dalifusögu andrö.[15]

33 Ba me i'ila Yesu, mege-ege ia, ba mege-ege niha Yehuda andrö si fao khönia, ba mofönu ia ba dödönia, ba ifatalikhö ia.[16] 34 Ba imane: Heza labe'e ia?

Lamane khönia: Ae faigi, Tua.

35 Me'e Yesu.[17]

36 Ba lamane niha Yehuda: Hiza wa'omasinia ia. 37 Ba so ba khöra zanguma'ö: Hadia, lö i'ila i'orifi da'ö göi mena'ö samokai hörö zau'a andrö?[18]

38 Ba mofönu zui Yesu ba dödönia, ba irugi lewatö. Ba tögi narö gara lewatö andrö, nifolagö gowe.[19]

39 Ba imane Yesu: Mifazaŵa gowe andrö.

Imane khönia talifusö zi mate andrö, Marata: He Tua, aböu sa'ae; no öfa bonginia ae.

40 Imane khönia Yesu: Tenga no uŵa'ö khöu, na faduhu dödöu, ba oroma khöu lakhömi Lowalangi?[20]

41 Awena lafazaŵa gowe andrö. Ba ifaöga hörönia Yesu, ba imane: He Ama, saoha gölöu, me no öfondrondrongo ligu![21] 42 Ba u'ila, lö mamalö-malö, wa öfondrondrongo ligu, ba börö niha sato andre, samasui ya'o, wa uŵa'ö, ena'ö faduhu dödöra, wa no ya'ugö zamatenge ya'o.[22]

43 Ba me aefa iŵa'ö da'ö, ba i'ebua'ö linia we'ao, imane: He Lazaro, ae baero!

44 Möi baero zi mate, no mu'olohuni gahenia ba tangania lembe ba lewatö, ba bawania, ba nibalugö lembe folosi mböböi. Ba imane khöra Yesu: Mitoto'ö khönia ba mifofanö ia.[23]

45 Ba ato zamati khönia niha Yehuda, si no möi khö Maria, me la'ila nilau Yesu.[24]

46 Ba so ösa khöra, zi möi ba warizaio, la'ombakha'ö khöra hadia nilau Yesu.

Famagölö ndra ere

edit

II. 47 Ba lafalukha'ö zalaŵa rafe sebua sangila amakhoita ba farizaio ba lamane: He tawisa? Oya sa ifazökhi tandra niha andrö.[25] 48 Na tatehe manö khönia zi manö, ba ahori mamati ira khönia, ba möi dania Ndrawa Roma ba la'okhögö danöda, fabaya niha.[26]

49 Ba imane khöra awöra si samösa, Kayafa, ere sebua zi döfi andrö: Lö mi'ila watahögö hadia ia, ba lö mifatou-tou, 50 wa mohare ita, na mate zamösa niha, salahi mbanuada andre, fa böi tekiko mbanuada andre ma'afefu.[27]

51 Ba tenga moroi khönia, wa iŵa'ö da'ö, me no ere sebua ia zi döfi andrö, ba mama'ele'ö ia; mate sa dania Yesu salahi mbanuara andrö.[28] 52 Ba tenga ha salahi mbanuara, ena'ö i'owuloi göi nono Lowalangi andrö, sizaewe, ena'ö orudu[29]

53 I'otarai luo da'ö, ba mamagölö ira sa'ae, ba wamunu ya'ia.[30]

54 Ba lö'ö sa'ae i'oroma'ö ia Yesu ba niha Yehuda, mofanö ia ba da'ö, isaŵa danö ba zinga danö si mate, banua andrö, sotoi Eferayi, ba da'ö soso ia, awö nifahaönia.

55 Ba no ahatö wasa andrö, ba niha Yehuda. Ba ato zi möi misi yaŵa ba Yeruzalema, moroi ba da'ö, föna wasa andrö, ba wangehao ya'ira.[31] 56 Ba la'alui Yesu, ba faoma lamane khö nawöra, me so ira ba gosali: Hadia ba dödömi, wa lö möi ia ba gowasa?[32]

57 Ba no labe'e goroisa ira ere sebua ba farizaio, na so zangila, heza so ia, ba i'ombakha'ö, ena'ö lara'u ia.[33]

Famotokhi ba gahe

edit
  1. Luk 10:38–39
  2. Faigi 12:3; Mat 26:7 b.t.
  3. Faigi 9:3
  4. Faigi 10:31
  5. Faigi 9:4–5
  6. Faigi 12:35
  7. Mat 9:24; KorI:15–20
  8. Faigi 20:24 b.t.
  9. Ayati 32
  10. Faigi 9:31–33
  11. Luk 14:14; Faigi 5:25; HalZin 24:15
  12. Faigi 3:36–5; 26:6; 40:54
  13. Yoh 8:51
  14. Faigi 6:69
  15. Ayati 21
  16. Mar 8:12
  17. Luk 19:41
  18. Faigi 9:6–32
  19. Mat 27:60
  20. Faigi 11:4–23
  21. Faigi 17:1
  22. Yoh 12:30
  23. Luk 8:49 b.t.; 7:11 b.t.
  24. Faigi 7:31
  25. Mat 26:3 b.t.; Luk 16:31
  26. Faigi 12:19
  27. Faigi 18:14
  28. Amaed 16:1–10; SamI 1:17
  29. Faigi 10:16
  30. Mat 21:38
  31. Faigi 6:4; Nga'ötII 30:17
  32. Faigi 7:11
  33. Faigi 9:22

Fabaliŵa lala

edit

Olayama Zura Yohane: 123456789101112131415161718192021

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö