Wb/nia/Korindro II/9

Famarou tödö ba dolo-tolo andrö

I. 1 Ba dolo-tolo andrö sa ba ni'amoni'ö andrö, ba alakha lö'ö sa'ae usura khömi hadia ia. 2 Noa sa u'ila wa'aoha gölömi, ba nisunogu ya'ami, ba mbanua Makedonia, wa no aoha gölö mbanua Nakhaya, me ndröfia sa'ae; ba no möi famarou dödö zato wa'owölö-ölömi. 3 Ba no ufatenge dalifusö andrö, fa böi tobali faya wanunoma ya'ami, ba da'ö; ena'ö itörö niŵa'ögu, ena'ö aoha gölömi. 4 Ena'ö lö aila ndra'aga — me no madöna-döna da'ö, na möi awögu mbanua Makedonia, ba na lö aoha gölömi la'ila. 5 Andrö wa no uŵa'ö tödögu, moguna u'andrö ba dalifusö andrö, ena'ö mowaö-waö ira ba khömi, ba wangasiwai howu-howu andrö khömi, si no awai tefabu'u, ena'ö awai, ba ena'ö howu-howu, ba böi si hulö wa'atali. 6 Ba da'ö niŵa'ögu: Na so zangatalisi tanömö, ba lö oya-oya ibasi, ba na so zi lö alimagö tanömö, ba oya göi ibasi dania. 7 Ba balazi dödö zamösana; böi abu dödö, ba tenga niforege; si no aoha gölö fame'e, da'ö sa zomasi Lowalangi. 8 Ba no abölö Lowalangi, ba wangöhöna khömi fefu ngawalö wa'ebua dödö, ena'ö lö mamalö-malö wa a'oi so khömi fefu hadia ia, ba ena'ö so zi töra, ba wolau si sökhi, hadia ia fefu. 9 Si mane si so ba zura: "No ifazaewe, no ibe'e ba zi numana, lö mamalö-malö wa'atulö dödö andrö, khönia, irugi zi lö aetu."

Hadia gunania

II. 10 Ba same'e tanömö ba zanaru ba ibe'e göi gö ni'a ba i'oya'ö mbua zinanömi, ba idou'ö lua-lua wa'atulö dödömi andrö. 11 Ena'ö fahöna khömi fefu, hadia ia, ba wanolo andrö fefu, famasugi wangandrö saoha gölö khö Lowalangi; sama'ema ndra'aga. 12 Tolo-tolo andrö, ame'ela andrö, ba tenga ha famönökhi sambö ba ni'amoni'ö andrö, mohare sibai göi, me ifasugi wangandrö saoha gölö khö Lowalangi, ba zato andrö, 13 na lasuno Lowalangi, me no si ndruhu wanolo andrö, ba wolo'ömi andrö, wa lö mi'osilö'ögö duria somuso dödö andrö khö Keriso, ba ba wa'ebua dödö andrö, me no mihalö noro dödömi göi zabu dödöra ba sabu dödö zato fefu. 14 Ba ba wangandröra, salahimi, me no humulu dödöra khömi, börö wa'ebua dödö Lowalangi andrö khömi, si no fahöna. 15 Ba nisuno Lowalangi, ba mbualania andrö, si tebai taŵa'ö fa'ebua.

Famotokhi ba gahe

Fabaliŵa lala

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö