Wikimedia Incubator

Wb/nia/Korindro II/3

< Wb | nia | Korindro II
Wb > nia > Korindro II > 3

Amaedola

edit

I. 1 Hadia, mabörötaigö zui wamaduhu'ö ya'aga? Moguna khöma zura wamaduhu'ö, nifa'ohe'ö khömi, ba ma nifa'ohe'ömi, si mane ba danö bö'ö ösa?[1] 2 Surama ami, nisura ba dödöma bakha, si no aboto ba dödö niha fefu, nibaso-basora.[2] 3 No oroma, wa sura Keriso ami, nisurama, halöŵöma; tenga taŵa wanura ya'ia, Eheha Lowalangi sauri andrö wanura ya'ia, tenga ba gara wanura andrö, no ba kara nagole, ba dödö.[3] 4 Ba no so khöma wanötöna si manö, moroi khö Keriso, ba khö Lowalangi; 5 tenga sa taŵa'ö tola manö ndra'aga, na moroi khöma, ba wamaböbö tödöma hadia ia, hulö na tödöma manö; hadia zi tola ndra'aga, ba no moroi ba Lowalangi,[4] 6 si no manolo göi ya'aga, ena'ö tola enoni ndra'aga ba gamabu'ula li si bohou andrö, tenga ba dandra zura andrö, no ba khö Geheha; famunu sa dandra zura andrö, ba Eheha andrö, ba sangorifi.[5]

Fa'atohude gamabu'ula li si bohou

edit

II. 7 Ba na no molakhömi halöŵö ba wamunu andrö, ba dandra zura andrö, nisura ba gara, na no tobali tebai latöngö mbawa Moze Iraono Gizeraeli andrö, ba wa'amohaga mbawania, si taya sa atö;[6] 8 ba tenga mendrua manö molakhömi halöŵö ba khö Geheha andrö? 9 Na molakhömi sa'ae halöŵö ba wanibo andrö, ba mendrua manö, wa no a'oi so lakhömi halöŵö ba wangatulö andrö?[7] 10 Tobali si lö mufolakhömi sa "nifolakhömi" andrö, ba da'ö, börö lakhömi andrö, si no a'oi so. 11 Na molakhömi sa'ae zi taya andrö, ba mendrua manö molakhömi zi lö tebulö andrö.[8] 12 Ba me no so khöma wanötöna si manö, ba no a'oi so wa lö aiŵö ndra'aga. 13 Ba tenga si mane Moze, sombalugö bawania, fa böi lafaigi Iraono Gizeraeli andrö gamozua zi taya andrö.[9] 14 Ba no mu'abe'e'ö dödöra; irugi ma'ökhö andre, ba lö saheta mbalu-balu andrö, ba wombaso sura gamabu'ula li si föföna andrö, lö muheta, me ba khö Keriso aheta ia.[10] 15 Ba irege ma'ökhö andre, na labaso zura Moze andrö, ba no so mbalu-balu ba dödöra. 16 Ba na lafuli ira khö Zo'aya, ba aheta mbalu-balu andrö.[11] 17 Ba So'aya Geheha andrö; ba ba zi so Eheha Zo'aya andrö, ba da'ö so wangefa.[12] 18 Ba ya'ita fefu, ba ta'ila-ila lakhömi Zo'aya andrö, lö balu-balu mbawada; hulö na ba zörömi, ba tobali ita, i'ohia'ö wamaedo da'ö, tedou lakhömi safuria moroi ba lakhömi si föföna, moroi khö Geheha Zo'aya andrö.[13]

Famotokhi ba gahe

edit
  1. ↑ Faigi 5:12; 11:13 b.t.
  2. ↑ Faigi 7:3
  3. ↑ Yer 31:33; Hes 11:19; Heb 8:10
  4. ↑ Fil 2:13
  5. ↑ Faigi 5:18; Yoh 6:63; Rom 7:10
  6. ↑ MozII 34:1; 29:30
  7. ↑ Faigi 5:19–21; Gal 3:10
  8. ↑ Heb 7:21 b.t.
  9. ↑ MozII 34:33 b.t.
  10. ↑ Rom 11:25; Yes 6:10; 29:11,12
  11. ↑ Rom 11:23
  12. ↑ KorI 15:45; Yoh 4:24; 8:36
  13. ↑ KorI 13:12; Rom 8:29

Fabaliŵa lala

edit

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/3&oldid=6229797"