Wikimedia Incubator

Wb/nia/Korindro II/2

< Wb | nia | Korindro II
Wb > nia > Korindro II > 2

Famarou ba wangai awö mangawuli zohorö

edit

I. 1 Ba no uhonogöi tödögu da'ö, böi ifuli abu dödögu, na möido khömi.[1] 2 Na ubusi dödömi, ba ha niha zangomosoi'ö tödögu, na tenga nibusigu tödö andrö? 3 Ba no usura da'ö khömi, fa lö abu dödögu, na möido, labe'e somuso dödögu ena'ö; me no udöna-döna ba khömi fefu, wa fa'omuso dödömi fefu wa'omuso dödögu andrö.[2] 4 Noa sa a'oi so wa'afökhö khögu, awö wa'atosasa dödögu, me ufa'ohe'ö zura andrö khömi, tenga ha ma'ifu mowöi daŵa hörögu; tenga sa ena'ö abu dödömi, ena'ö aboto ba dödömi wa'omasi andrö, si so khögu; wa no abölö omasido ami, moroi ba niha bö'ö.[3] 5 Ba na so zi no mamusi tödö nawönia, ba tenga ya'o nibusinia tödö, ya'ami fefu — fa böi abölö-bölö wanguma'ögu — ba ya'ami ösa.[4] 6 Ba no abönö ba zi manö wotu andrö, me no ato zangotu'ö ya'ia.[5] 7 Tola mibalia'ö sa'ae, mibe'e aefa khönia ba mirara dödönia, fa böi tehawu zi manö fa'abu dödö, na no abölö-bölö sibai. 8 Andrö u'andrö khömi, mifatörö khönia wa'omasi. 9 Andrö sa göi ufa'ohe'ö zura khömi, ena'ö u'ila, na tola ami, na mi'o'ö fefu hadia ia. 10 Ba na so niha ni'efa'ömi hadia ia, ba ya'odo göi, u'efa'ö göi. Ya'o sa göi, hadia ni'efa'ögu, na so ni'efa'ögu, ba börö ami, ba zanehe Keriso,[6] 11 ena'ö lö i'alani ita Satana; tenga sa fa lö aboto ba dödöda gera-erania.

Fangandrö saohagölö börö duria somuso dödö andrö

edit

II. 12 Ba me no urugi Deroa, ba wangombakha turia somuso dödö andrö khö Keriso, ba me no teboka khögu mbawandruhö ba khö Zo'aya,[7] 13 ba lö'ö sa ahono bakha dödögu, me lö usöndra Dito andrö, talifusögu; ba u'angonasi ira ba usaŵa Makedonia.[8] 14 Ba u'andrö saoha gölö khö Lowalangi, same'e möna ya'aga, si lö mamalö-malö, ba khö Keriso, sama'oroma'ögö hua wa'aboto ba dödö ia andrö, khöma, fefu gofu heza.[9] 15 Fa'amohua khö Keriso sa ndra'aga, khö Lowalangi, ba ni'orifi andrö ba ba zi tetibo andrö.[10] 16 Ba nitibo'ö andrö, ba hua soroi ba wa'auri si saŵa fa'amate, ba ba ni'orifi andrö, ba hua soroi ba wa'auri si saŵa fa'auri. Ba ha niha zogamö da'ö?[11] 17 Tenga sa si mane sato andrö, samali'ö faniaga taroma li Lowalangi andrö, ndra'aga; fehedema, ba moroi ba zi lö fabaya hadia ia, moroi ba Lowalangi, föna Lowalangi, ba khö Keriso.[12]

Famotokhi ba gahe

edit
  1. ↑ Faigi 12, 21
  2. ↑ KorI 5
  3. ↑ Faigi 7:8 b.t.
  4. ↑ KorI 5:1,2
  5. ↑ Faigi 7:11; KorI 5:5
  6. ↑ Yoh 20:23
  7. ↑ HalZin 20:6; KorI 16:9
  8. ↑ Faigi 7:5,6
  9. ↑ KorI 15:57; Efes 3:8 b.t.
  10. ↑ KorI 1:18
  11. ↑ Luk 2:34; Rom 1:16; Yoh 3:17,18
  12. ↑ Faigi 4:2

Fabaliŵa lala

edit

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/2&oldid=6229796"