Wikimedia Incubator

Wb/nia/Korindro II/6

< Wb | nia | Korindro II
Wb > nia > Korindro II > 6

Yalahalö tulada khöra Waulo

edit

I. 1 Ba ma'andrö khömi, ya'aga sanolo ba halöŵö andrö, böi saekhu ba danö, me no falukha ami wa'ebua dödö Lowalangi andrö.[1] — 2 Noa sa imane: "No ufondrondrongo khöu, me baŵa si sökhi, ba no utolo'ö, me luo wangorifi. "Hiza, iya'e mbaŵa si sökhi, hiza, iya'e luo wangorifi andrö.[2] — 3 Lö'ö sa mafobörö wangala hadia ia, gofu ha ökhö, fa böi te'o'aya halöŵö andrö. 4 Fefu hadia ia nilauma sa, ba no amuata genoni Lowalangi gamuatama, ba wanaha tödö, si no a'oi so, ba ba wa'afökhö, ba ba wa'atosasa, ba ba wa'ata'u dödö,[3] 5 ba na labözi ndra'aga, ba na lakuruga, ba na molaŵa niha, ba ba wa'erege dödö, ba ba wa lö mörö, ba ba wa lö si manga,[4] 6 ba ba wa'ohau-hau, ba ba wa'aboto ba dödö, ba ba wa'ebolo dödö, ba wa'asökhi dödö, ba ba khö Geheha ni'amoni'ö, ba ba wa'omasi andrö, si lö famini tödö, 7 ba daroma li fa'aduhu andrö, ba ba wa'abölö Lowalangi andrö, moroi ba wangöna fa'atulö dödö andrö, he ba gambölö, ba he ba gabera;[5] 8 He falukha zumange, ba he fango'aya, he laböbögö zi lö sökhi, ba he lasuno ndra'aga; hulö zamaelungu, ba no si duhu; 9 hulö zi lö aboto ba dödö niha, ba noa sa aboto ba dödö niha bö'ö; hulö zi mate, ba hiza, ba sauri ndra'aga; hulö ni'otu'ö ba lö'ö sa mubunu;[6] 10 hulö zabu tödö, ba lö'ö sa mamalö-malö wa'omuso dödö; hulö zi numana, ba ato nifo'ana'ama; hulö niha si lö'ö, ba no a'oi so khöma.[7]

Böi fahuwu ba zi lö mamati

edit

II. 11 No alua baeha lima khömi, ya'ami banua Gorindro, no ibologö ia tödöma. 12 Lö ambö nahami ba dödöma ba no ide-ide dödömi. 13 Ba misulöni — hulö wehede ba ndraono wehedegu khömi — mi'ebolo'ö dödömi göi. 14 Böi mitolo ba nilau zi lö mamati andrö. Hadia, faböbö ira wa'atulö wa lö atulö? Ba hadia, awö haga zogömi-gömi?[8] 15 Hadia, no faudu ira Keriso Mbeliali? Ba hezo zi faoma mo'urakha ira, zamati zi lö mamati?[9] 16 Hadia faböbö ira gosali Lowalangi nadu? Osali Lowalangi sauri sa ami, si mane niŵa'ö Lowalangi: "Ba khöra ube'e nahagu, ba udörö-döröi ira, ba Lowalangira ndra'o, ba banuagu ira.[10] 17 Andrö miheta ami khöra, mifabali ami, iŵa'ö So'aya, ba böi mibabaya zi ra'i-ra'iö; ba utema ami,[11] 18 ba amami ndra'o, ba onogu matua ami ba onogu alawe, iŵa'ö So'aya andrö, si lö ambö fa'abölö."[12]

Famotokhi ba gahe

edit
  1. ↑ Faigi 1:24; Heb 12:15
  2. ↑ Yes 49:8; Heb 3:7,13
  3. ↑ Faigi 4:8 b.t.
  4. ↑ Faigi 11:23–27; HalZin 19:29; 21:30
  5. ↑ TimII 2:15; Rom 15:19
  6. ↑ Faigi 4:10,11; Sin 118:17,18
  7. ↑ Faigi 12:10; 8:9; Kor 3:21
  8. ↑ Efes 5:11
  9. ↑ RazI 18:21
  10. ↑ KorI 3:16; MozIII 26:11,12
  11. ↑ Yes 52:11; Fam 18:4; MozIV 16:29
  12. ↑ Yer 31:33; 32:38; Yoh 1:12

Fabaliŵa lala

edit

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/6&oldid=6229800"