Wikimedia Incubator

Wb/nia/Korindro II/1

< Wb | nia | Korindro II
Wb > nia > Korindro II > 1

Fangowai

edit

I. 1 Faulo zanura da'e, sinenge Keriso Yesu andrö, moroi ba wa'omasi Lowalangi, ba Timoteo, talifusö andrö, ba mbanua Lowalangi andrö, si so ba Gorindro, awö ni'amoni'ö andrö fefu, si so ba danö Nakhaya ma'asagörö.[1] 2 Yafalukha ami wa'ebua dödö ba fa'ohahau dödö, khö Namada, Lowalangi ba khö Zo'aya ya'ita, Yesu Keriso![2]

Isuno Lowalangi Faulo

edit

II. 3 Nisuno Lowalangi Zo'aya ya'ita, Yesu Keriso, Amania, Ama wa'ahakhö dödö andrö, Lowalangi wondrara dödö, fefu,[3] 4 sondrara tödöma, ba wa'afökhö andrö fefu, khöma, ena'ö ma'ila marara dödö zi göna fa'afökhö hadia ia ngawalö, moroi ba wondrara dödö andrö, si falukha ndra'aga khö Lowalangi.[4] 5 Hulö si mane famakao andrö khö Keriso, si no fahöna khöma, si manö göi wondrara dödö andrö, fahöna zi falukha ndra'aga khö Keriso.[5] 6 Ba he si göna fa'afökhö ndra'aga, ba ba wondrara tödömi ba ba wangorifi ya'ami, ba he nirara tödö ndra'aga, ba ba wondrara tödömi, si möi fangabölö ba wanaha tödö, na göna ami famakao andrö, si göna ndra'aga göi. Ba no abe'e dödöma, wanötöna, ba khömi andrö, 7 me no ma'ila, faoma mo'urakha ami, hulö si mane ba wamakao andrö, si manö göi ba wondrara dödö andrö.

8 Ba lö edöna mabini'ö khömi, ya'ami ira talifusö, ba wa'afökhö andrö khöma, si no göna ndra'aga ba Azia, irege no abölö-bölö sibai, irege tebai mataha sa'ae, tobali lö'ö sa'ae madöna-döna auriga.[6] 9 Na ba dödöma sa, ba no maŵa'ö si mate ndra'aga, ena'ö lö madöna-döna ba khöma, ena'ö ha ba Lowalangi andrö, sanusugi si mate, madöna-döna. 10 No i'efa'ö ndra'aga ba wa'amate si manö, ba i'efa'ö na dania; ba khönia madöna-döna, wa itohugö na wangefa'ö ya'aga.[7]

11 Me no sanolo ya'aga göi ami, fangandrö, ena'ö ato göi zangandrö saoha gölö ba wa'ebua dödö andrö, ni'andrö zato khöma, börö ndra'aga.[8] 12 Da'ö sa khöma, na masuno ndra'aga, wa ifaduhu'ö khöma tödöma, no ohau-hau ndra'aga, wanörö lalama ba guli danö andre, ba mendrua manö ba khömi andrö, lö si fabaya hadia ia, ibe'e Lowalangi, tenga dali wa'atua-tua nösi niha, dali wa'ebua dödö Lowalangi.[9] 13 Lö'ö sa masura khömi mbö'önia, ha nibasomi andrö ba si no aboto ba dödömi; ba udöna-döna aboto ba dödömi irugi gamozua; 14 si mane fa'aboto ba dödömi ösa ndra'aga, wa no börö wanunomi ya'ami ndra'aga, si mane ya'ami khöma, na baŵa Zo'aya ya'ita, Yesu.[10]

Itunö wa möi ia khöra mena'ö

edit

III. 15 Ba me no so khögu wanötöna da'ö, ba möido mena'ö khömi föna, ena'ö samuza tö falukha ami wa'ebua dödö.[11] 16 Ba utörö ena'ö ami, we'amöi ba Makedonia, ba na u'otarai Makedonia, ba möido zui khömi, ba ena'ö mifasao ndra'odo ba Yudaia. 17 Ba hadia, me edönado da'ö hadia, no nifolau zambö era-era nilaugu? Ma na uhonogöi hadia ia, hadia tödö niha dali wangohonogöigu ya'ia, ena'ö itaria "ya'ia" ba itaria "tenga", ba khögu.[12] 18 Ba lö faröi Lowalangi, fa böi faoma lima khömi, he si no "ya'ia" ba he si "tenga".[13] 19 Ono Lowalangi andrö sa, Yesu Keriso, ni'ombakha'öma ba khömi, ya'odo ba Siliwano ba Timoteo, ba no tenga faoma, he si no "ya'ia" ba he si "tenga", no ba khönia so wa "ya'ia".[14] 20 Ha wa'oya sa gamabu'ula li Lowalangi, ba no ba khönia so wa "ya'ia", andrö wa moroi ba khönia göi wamaduhu'ö andrö, sumange Lowalangi khöma. 21 Ba sangabe'e ya'aga ba ya'ami, ba khö Keriso, ba ya'ia Lowalangi, si no mamayoini ya'ita göi;[15] 22 si no manga'aro'ö göi ya'ita, si no mame'e we'e-we'e dödö andrö, Eheha andrö, ba dödöda.[16] 23 Ba u'angaröfi Lowalangi, ba nosogu andre, wa no börö wa alimagö ami khögu, wa lö si möido sa'ae khömi ba Gorindro.[17] 24 Tenga sa laŵa'ö amatöröŵama wamatimi andrö, ba no sanolo ndra'aga ena'ö falukha ami wa'omuso dödö; noa sa abe'e ami wamati.[18]

Famotokhi ba gahe

edit
  1. ↑ KorI 1:1; 16:10,11; Fil 1:1
  2. ↑ Gal 1:3
  3. ↑ FetI 1:3
  4. ↑ Faigi 7:6; Sin 94:19
  5. ↑ Kol 1:24
  6. ↑ KorI 15:32; HalZin 19:23 b.t.
  7. ↑ TimII 3:11; 4:18
  8. ↑ Faigi 4:15; Rom 15:30
  9. ↑ Heb 13:18; KorI 2:4,13; TesI 2:10
  10. ↑ Faigi 3:2 b.t.; Fil 2:16; 4:1
  11. ↑ KorI 16:5 b.t.
  12. ↑ Yak 5:12
  13. ↑ KorI 1:9
  14. ↑ TesI 1:1; Fam 3:14
  15. ↑ YohI 2:27
  16. ↑ Faigi 5:5; Efes 1:13,14
  17. ↑ Faigi 12:20,21
  18. ↑ Faigi 4:5; FetI 5:3; Fil 1:25

Fabaliŵa lala

edit

Olayama Zura Korindro II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_II/1&oldid=6229795"