Wikimedia Incubator

Wb/nia/Korindro I/6

< Wb | nia | Korindro I
Wb > nia > Korindro I > 6

Ha'ökhö möi mangadu

edit

I. 1 Hadia, so ba khömi zi lö ata'u, na so hadia ia nifadöninia khö naŵönia, ifahuku'ö ba niha si lö atulö, ba tenga ba ni'amoni'ö?[1] 2 Ma lö mi'ila, wa sangohuku niha guli danö dania ni'amoni'ö andrö? Ba na sanguhuku niha guli danö ami, ba hadia, lö tola mihuku ngawalö hadia ia, zide-ide sibai?[2] 3 Hadia, lö mi'ila, wa sanguhuku mala'ika dania ita? ba tenga mendrua manö tola ba mbalazo?[3] 4 Ba na so nifadöni balazo, ba hadia, mifataro sanguhuku ni'ositengagö mbanua niha Keriso?

5 Ba wangailasi ya'ami uŵa'ö da'ö; Hadia: tobali samösa lö satua-tua ba khömi, sangila manguhuku hadia ia ba zi fatalifusö? 6 Hadia, i'adugö dalifusönia sotalifusö, ba ba zi tenga samati na i?

7 Noa sa'ae sala sibai ami, me so wamadönimi khö nawömi. Hana wa lö mitaha manö dödömi, na lafatörö khömi zi lö atulö? Hana wa lö mitaha, na la'alani ami?[4] 8 Ba ya'ami zamatörö si lö atulö, ba mi'alani nawömi, ba talifusö na i.[5]

9 Ma lö mi'ila, wa tebai tefa'amöi ba mbanua Lowalangi zi lö atulö? Böi elungu ami, he sohorö, ba he samosumange adu, ba he sohoröni donga zodonga, ba he sombuyutö, ba he sohoröni ira matua,[6] 10 ba he sanagö, ba he somasi ana'a, ba he si mabu-mabu, ba he sanandraŵaisi awönia, ba he sorabu, ba tebai tefa'amöi ba mbanua Lowalangi andrö.

11 Ba no si manö ösa ami föna. Ba no musasai ami, no mu'ohau-hau'ö, no atulö ami, iŵa'ö Lowalangi, moroi ba döi Yesu Keriso, So'aya, ba moroi ba Geheha Lowalangida andrö.[7]

Fangelama ba wohorö

edit

II. 12 Fefu hadia ia, ba tola ulau, ba so zi lö guna. Fefu hadia ia, ba tola ulau, ba lö utehe i'osawuyu ndra'o hadia ia.[8] 13 Ö andrö, ba ba mbetu'a nahania, ba betu'a andrö, ba no naha gö. Ba faoma iheta dania Lowalangi. Ba boto, ba böi ba wohorö, no khö Zo'aya, ba So'aya, ba ba mboto.[9]

14 Ba no isusugi Zo'aya Lowalangi, ba isusugi göi ita dania fa'abölönia andrö.[10]

15 Hadia, lö mi'ila, wa no ndroto-ndroto Keriso mbotomi andrö? Ba hadia, uhalö ndroto-ndroto Keriso, ba ube'e ndroto-ndroto zohorö? Böi si manö.[11] 16 Ma lö mi'ila, wa ha sambua boto ira, na so zorudu ba zohorö ira alawe? noa sa muŵa'ö, "ha sambua ösi zi darua andrö."[12]

17 Ba na so zi olembai So'aya, ba ha sambua Eheha ira.[13]

1812 Mi'angelamaisi wohorö andrö. Fefu ngawalö horö, nifazökhi niha, ba baero mboto, ba sohorö, ba ba mbotonia ifazökhi horö.[14] 19 Ma lö mi'ila, wa no osali Geheha ni'amoni'ö andrö, si so ba dödömi, nibe'e Lowalangi khömi, mbotomi andrö, awö wa tenga khömi ami?[15] 20 Noa sa ebua mege hölimi; ba mifosumange Lowalangi ba mbotomi andrö.[16]

Famotokhi ba gahe

edit
  1. ↑ Mat 5:40
  2. ↑ Dan 7:22; Mat 19:28
  3. ↑ FetII 2:4
  4. ↑ Mat 5:39 b.t.
  5. ↑ TesI 4:6
  6. ↑ Ga 5:19 b.t.; Efes 5:5; Fam 21:8; 22:15
  7. ↑ Tit 3:3 b.t.; FetI 4:3 b.t.; HalZin 22:16; Fam 1:5; 7:14
  8. ↑ Faigi 10:23
  9. ↑ Mat 15:17; TesI 4:3–5
  10. ↑ Faigi 15:15–20 b.t.; TesI 4:14; Rom 8:11
  11. ↑ Faigi 12:27
  12. ↑ MozI 2:24
  13. ↑ Yoh 17:21–22
  14. ↑ Faigi 10:8; KorII 7:1
  15. ↑ Faigi 3:16 b.t.
  16. ↑ Faigi 7:23; FetI 1:18–19

Fabaliŵa lala

edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/6&oldid=6229784"