Wikimedia Incubator

Wb/nia/Korindro I/10

< Wb | nia | Korindro I
Wb > nia > Korindro I > 10

Fangelama ba wangisö andrö

edit

I. 1 Lö'ö sa ubini'ö khömi, ya'ami ira talifusö; no a'oi barö lawuo andrö so ndra tuada, no a'oi latörö nasi,[1] 2 no ahori tebayagö idanö ira, ba khö Moze, ba lawuo andrö ba ba nasi andrö, 3 ba no ha sambalö gö moroi yaŵa la'a.[2] 4 Ba no ha sambalö moroi yaŵa labadu; moroi ba gara andrö, moroi yaŵa, si fao khöra, labadu-badu, ba kara andrö, ba ya'ia Keriso.[3] 5 Ba sato andrö, ba lö omasi Lowalangi, noa sa tefakiko ira ba danö si mate.[4]

6 Ba duma-duma khöda da'ö, wa si manö, fa böi ta'isö zi lö sökhi, si mane fangisöra andrö.[5] 7 Ba böi göi mi'ame'e adu, si mane ya'ira ösa, niŵa'ö ba zura: "Mudadao niha manga ba mamadu hadia ia, ba maoso ira molaya."[6] 8 Ba böi göi mohorö ita, si mane ya'ira ösa, me mohorö, ba mate zi dua wulu a tölu ngahönö niha, ha ma'ö-ma'ökhö.[7] 9 Ba böi göi tatandraigö Zo'aya, si mane ya'ira ösa, me latandraigö, ba ibunu ira ulö.[8]

10 Böi göi mikökö-kökö, si mane ya'ira ösa, me kumökö-kökö, ba ibunu ira samakiko andrö.[9] 11 Ba duma-duma da'ö, wa göna ira zi manö, ba famangelama ya'ita, wa tebe'e ia ba zura, ya'ita si fakhamö amozua götö danö andre.[10] 12 Andrö, na so zanguma'ö tödönia sizizio ia, ba yamufaigi, fa böi alau ia.[11]

13 Lö'ö na si göna ami fanandraigö, ha fanandraigö ba niha; ba lö faröi Lowalangi, lö ibe'e tetandraigö ami, si tebai mitaha, awö wanandraigö ifaigi göi wa'awai, ena'ö tola mitaha.[12]

Fangelama ba wame'e adu

edit

II. 14 Andrö, ya'ami somasi ndra'o, mi'angelamaisi wame'e adu andrö.[13] 15 Fehede ba zatua-tua wehedegu; mitimba tödömi niŵa'ögu.[14]

16 Mako famahowu'ö andrö, nifahowu'öda, hadia, tenga famo'urakha ba ndro Keriso? Roti andrö, nibobotoda, hadia, tenga famo'urakha ba mboto Keriso?[15] 17 Me ha sambua roti, ba ha sambua boto ita, ya'ita sato; a'oi sa mo'urakha ita ba roti andrö, si ha sambua.[16]

18 Mifaigi Ndraono Gizeraeli andrö, si ndruhu madou Yakobo. Hadia, tenga no faböbö ba naha wame'e sumange zi manga zumange andrö?[17] 19 Ba hadia niŵa'ögu? Hadia, soboto zumange nadu andrö, ba ma adu andrö, hadia, soboto?[18] 20 Tenga si manö. Hadia zumange, nibe'era, ba ba mbekhu labe'e, tenga khö Lowalangi. Ba lö omasido, na ba mbekhu faböbö ami.[19] 21 Tebai faoma mibadu, he ösi mako andrö khö Zo'aya, ba he ösi mako mbekhu. Tebai faoma mo'urakha ami, he ba wemanga andrö khö Zo'aya, ba he ba wemanga ba mbekhu.[20] 22 Ma edöna ita ta'andrö wönu Zo'aya? Hadia, sabölö moroi khönia ita?[21]

Yaböi lafobörö wangala ba nawö

edit

III. 23 Fefu hadia ia, ba tola, ba so zi lö guna. Fefu hadia ia, ba tola, ba so zi lö möi fanga'azökhi.[22] 24 Böi yamu'alui zoguna khönia zamösana, soguna khö nawönia yamu'alui.[23] 25 Fefu hadia ia ni'amawa ba onga, ba mi'a, böi mizofu-zofu, ba dödömi andrö.[24]

26 Khö Zo'aya sa danö, awö nösi guli danö.[25] 27 Ba na so zogaoni ya'ami tome, si tenga samati, ba na edöna möi ami, ba fefu hadia ia nibe'e ömi, ba mi'a, böi mizofu-zofu, ba dödömi andrö.[26] 28 Ba na so zanguma'ö khömi; Sumange nadu da'e, ba böi mi'a, börö zangombakha andrö ba tödö andrö. 29 Tenga tödö nifangelama andrö niŵa'ögu, tödö danö bö'ö; hana sa wa ihuku zi tola khögu tödö danö bö'ö?[27]

30 Na u'andrö saoha gölö, na mangado, ba hana wa latandraŵaisi ndra'o ba ni'andrögu saoha gölö?[28] 31 Ba he si manga ami, ba he samadu hadia ia, ba ma hadia nilaumi, ba ba wamosumange Lowalangi milau ia fefu.[29]

32 Böi mifobörö wangala, he ba niha Yehuda, ba he ba Ndrawa Heleni, ba he ba mbanua Lowalangi;[30] 33 hulö si mane ya'o, me no ugo'ö-go'ö khöra fefu, ha niha ira, me lö u'alui zoguna khögu, me ha soguna ba zato u'alui, ena'ö te'orifi ira.[31]

Famotokhi ba gahe

edit
  1. ↑ MozII 13:21; 14:29; Sin 78:13–14
  2. ↑ MozII 16:4; Sin 78:24 b.t.; Yoh 6:49
  3. ↑ MozII 17:6; MozV 32:4–18
  4. ↑ MozIV 14:22; 23:30–32; Heb 3:16 b.t.
  5. ↑ MozIV 11:4; Sin 78:18 b.t.
  6. ↑ MozII 32:6
  7. ↑ Faigi 6:13 b.t.; MozIV 25:1–9
  8. ↑ MozIV 21:5–6; Sin 106:14 b.t.
  9. ↑ MozIV 14:2–37
  10. ↑ Rom 15:4; Heb 4:11; 9:26
  11. ↑ Rom 11:20
  12. ↑ Faigi 1:9; TesII 3:3; FetII 2:9
  13. ↑ YohI 5:21
  14. ↑ Faigi 14:37
  15. ↑ Faigi 11:24 b.t.; Mat 26:27; HalZin 2:42
  16. ↑ Faigi 12:27
  17. ↑ MozIII 7:6; 15:16
  18. ↑ Faigi 8:4 b.t.
  19. ↑ MozIII 17:7; Fam 9:20
  20. ↑ KorII 6:15; Mal 1:7
  21. ↑ MozV 32:21
  22. ↑ Faigi 6:12; 8:1 b.t.
  23. ↑ Faigi 13:5; Rom 15:2
  24. ↑ Rom 14:2 b.t.
  25. ↑ Sin 50:12
  26. ↑ Faigi 8:7
  27. ↑ Faigi 8:8 b.t.
  28. ↑ MozV 8:10; TimI 4:4
  29. ↑ Kol 3:17
  30. ↑ Rom 14:13; Faigi 9:22
  31. ↑ Faigi 8:13; 9:19 b.t.

Fabaliŵa lala

edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/10&oldid=6229788"