Wikimedia Incubator

Wb/nia/Korindro I/13

< Wb | nia | Korindro I
Wb > nia > Korindro I > 13

Moguna sibai wa'omasi

edit

I. 1 He fehede niha ba fehede mala'ika wehedegu, ba na lö khögu fa'omasi andrö, ba hulö garamba soli ba hulö riti-riti ndra'odo.[1] 2 Ba he no so khögu wama'ele'ö, ba he no u'ila fefu zi no tobini andrö, awö wa'aboto ba dödö andrö fefu, ba he no a'oi so khögu wamati andrö, ba wamawu'a hili, ba na lö khögu fa'omasi andrö, ba faya ndra'odo.[2] 3 Ba he ahori ube'e balazo zi numana zi so khögu, ba he ululu mbotogu, ena'ö latunu auri, ba na lö khögu fa'omasi andrö, ba lö gunania.[3]

Amuata wa'omasi

edit

II. 4 Fa'omasi andrö, ba no sebolo tödö, no sebua tödö; fa'omasi andrö, ba lö i'afökhöi tödö nawönia, lö isuno ia, lö mohokha.[4] 5 Lö ilau zi lö moadu, lö i'alui dana khönia; lö mofönu ia; lö itanö ba dödönia zi lö sökhi;[5] 6 lö omuso dödönia ba zi lö atulö, ba omuso dödönia awö zi duhu. 7 Fefu hadia ia zi falukha ia, ba itaha dödönia; fefu hadia ia, ba faduhu dödönia; fefu hadia ia, ba idöna-döna, fefu hadia ia, ba itaögö.[6]

Fa'omasi lö aetu

edit

III. 8 Si lö mamalö-malö wa'omasi andrö; he fama'ele'ö sa, ba tebato dania, ba he ngawalö li, ba tebato, ba he fa'aboto ba dödö andrö, ba tebato dania. 9 Sambö-ambö sa wa'aboto ba dödöda andrö, ba sambö-ambö wama'ele'öda andrö. 10 Ba na so zo'ahonoa andrö, ba tebato zambö-ambö andrö.

11 Me iraono ndra'odo, ba no fehede ndraono wehedegu ba tödö ndraono dödögu ba era-era ndraono gera-eragu, ba me no tobali ira matua ndra'odo, ba uböhöli nifolau ndraono.

12 Ha sa dahö-dahö ni'ilada iada'e, ba zörömi, ba ba da'ö dania, ba fa'ila bawa. Iada'e ambö-ambö wa'aboto ba dödögu, ba ba da'ö dania, ba u'ila, si mane fangila ya'odo andrö.[7]

13 Ba me si manö, ba si lö tebulö wamati ba fanötöna ba fa'omasi, si tölu andrö, ba sebuara, ba fa'omasi andrö.[8]

Famotokhi ba gahe

edit
  1. ↑ Faigi 14:6–9
  2. ↑ Faigi 12:8–9; Mat 7:22; 17:20
  3. ↑ Mat 6:1 b.t.; Dan 3:28; SinSeb 8:7
  4. ↑ Yak 3:17
  5. ↑ Faigi 10:24; Fil 2:4
  6. ↑ Rom 15:1; Amaed 10:12
  7. ↑ MozIV 12:8; KorII 3:18; 5:7; Faigi 8:3; YohI 3:2
  8. ↑ TesI 1:3; Heb 10:22–24; Kol 3:14

Fabaliŵa lala

edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/13&oldid=6229791"