Wikimedia Incubator

Wb/nia/Korindro I/16

< Wb‎ | nia‎ | Korindro I
Wb > nia > Korindro I > 16

Hewisa wangozaragö tolo-tolo edit

I. 1 Ba ba dolo-tolo andrö, ba ni'amoni'ö andrö, ba mi'o'ö hadia nifakhoigu ba mbanua misa ba Galatia.[1] 2 Ero migu mibe'e yaŵa ma'ifu ba da'ö, dozi ami, balazi wa'ebua nisöndra zamösana; fa böi awena la'ozaragö, na so ndra'o.[2]

3 Ba na sodo, ba ufatenge zi tola niŵa'ömi, ufa'ohe'ö zura, ba wolohe tolo-tolomi andrö ba Yeruzalema.[3] 4 Ba na si nangea möi ndra'odo göi, ba ndramöi awögu.

5 Ba awena möido khömi, na no utörö Makedonia. Utörö sa Makedonia;[4] 6 ba ba khömi, ba ta'ila na arado, ma ubase'ö göi wa'aefa mbaŵa deu, ena'ö fao ami khögu, heza möido.[5] 7 Lö'ö sa edönado iada'e ha ba wanörö u'ila ami, udöna-döna sa, arado ma'ifu ba khömi, na itehe So'aya.[6]

8 Ba ba Nefeso sodo irugi luo wendrakose. 9 Noa sa ebua mbawandruhö si teboka khögu ba halöŵö, ba no ato zi fa'udu.[7]

Helawisa na tohare Dimoteo edit

II. 10 Ba na so Dimoteo, ba mifaigi, ena'ö lö ada'u-da'u ia ba khömi; halöŵö Lowalangi sa ihalö, si mane ya'o göi.[8] 11 Andrö, böi yamu'ositengagö ia niha, ha niha ia; ba mifasao ia, böi mibusi dödönia, ena'ö möi ia khögu; udöna-döna sa ia, awö dalifusö andrö.[9]

12 Ba ba khö Afolo andrö, talifusö andrö, ba no uforege wangandrö khönia, ena'ö möi ia khömi, awö dalifusö andrö; ba lö'ö manö edöna ia möi iada'e, ba möi sa dania, na isöndra lala.[10]

Fango'ozui zura edit

III. 13 Böi miförö, mi'abe'e'ö ami wamati, si mane ira matua, ya'abölö ami![11] 14 Fefu hadia ia khömi, ba moroi ba wa'omasi milau.[12]

15 Ba u andrö khömi, ya'ami ira talifusö: no mi'ila ndra Sefana andrö, samba omo ira, wa no böröta ira ba Nakhaya, awö wa no möi ira enoni ni'amoni'ö andrö;[13] 16 ena'ö mifondrondrongo li zi manö, awö li zi no manolo ba halöŵö, fefu, si no erege tödö göi.

17 Ba omuso dödögu, me no so Zefana ba Fotunato ba Akha'iko, me no salahi ira ba zi lö ya'ami.[14] 18 Noa sa la'okafui dödögu ba tödömi. Andrö, böi zi lö aboto ba dödömi zi manö.[15]

19 La'owai ami banua andrö ba Azia misa. I'owai sibai ami Akila ba Ferikila, ba khö Zo'aya, awö zowulo andrö yomo khöra.[16]

20 La'owai ami talifusö andrö fefu. Faoma mi'owai nawömi fa'agosa bawa andrö ni'amoni'ö.[17]

21 Fangowaigu da'e, tangagu zanura, tanga Waulo andre.[18] 22 Na so zi lö mangomasi'ö So'aya andrö, ba ya anatema (ni'elifi); maranata (so dania Zo'aya).[19] 23 Yafalukha ami wa'ebua dödö Zo'aya ya'ita, Yesu![20] 24 No falukha ami fefu wa'omasigu, ba khö Keriso Yesu.

Famotokhi ba gahe edit

  1. ↑ KorII 8:1 b.t.; Rom 12:13; HalZin 11:29
  2. ↑ HalZin 20:7; Fam 1:10
  3. ↑ KorII 8:16-19
  4. ↑ KorII 1:16; HalZin 19:21
  5. ↑ HalZin 20:2 b.t.
  6. ↑ Faigi 4:19
  7. ↑ HalZin 14:27
  8. ↑ Faigi 4:17; Fil 2:19-20
  9. ↑ TimI 4:12
  10. ↑ Faigi 3:5-6
  11. ↑ Faigi 15:34,58; HalZin 20:31; Mat 25:13; Efes 6:10
  12. ↑ Kol 3:14
  13. ↑ Faigi 1:16
  14. ↑ KorII 11:9
  15. ↑ KorII 7:13; TesI 5:12-13
  16. ↑ Fam 1:4-11; HalZin 18:2 b.t.
  17. ↑ Rom 16:16
  18. ↑ Kol 4:18
  19. ↑ Gal 1:8
  20. ↑ Rom 16:24

Fabaliŵa lala edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/16&oldid=6229794"