Wikimedia Incubator

Wb/nia/Korindro I/11

< Wb | nia | Korindro I
Wb > nia > Korindro I > 11

Amuata wangandrö

edit

I. 1 Mibe'e tulada khömi ndra'odo, si mane ya'o, me no ube'e tulada khögu Keriso.[1] 2 Ba usuno ami, me itörö-törö tödömi ndra'o, gofu hadia nilaumi, ba me mi'o'ö gamakhoita andrö, si mane nifa'emagu khömi.

3 Ba omasido na mi'ila; högö ndra matua fefu, ba ya'ia Keriso, ba högö ndra alawe ndra matua, ba högö Keriso Lowalangi.[2]

4 Na so ndra matua sangandrö, ba ma sama'ele'ö, si so balu-balu högö, ba i'o'aya högönia.[3] 5 Ba ira alawe, ba i'o'aya högönia, na lö balu-balu högö, na mangandrö ia, ba ma na mama'ele'ö ia, faoma sa ira zi no mutöwö.[4] 6 Na lö'ö sa ibalugö ia ira alawe, ba yamufatöwö'ö göi ia. Ba na aila ndra alawe, ifaguti'ö mbunia, ba ma ifatöwö'ö, ba yamubalugö ia. 7 Akha sa lö ifobalu-balu högönia ira matua, me no duma-duma Lowalangi ia ba me no lakhömi Lowalangi; ba ira alawe, ba no lakhömi ndra matua.[5]

8 Tenga sa soroi ba ndra alawe ndra matua, no moroi ba ndra matua ndra alawe.[6] 9 Tenga sa göi ira alawe mbörö, wa tefazökhi ndra matua, no ira matua mbörö, wa tefazökhi ndra alawe.[7]

10 Andrö lö tola lö so ba högö ndra alawe dandra, wa no barö mbawa ia, börö mala'ika andrö.[8] 11 Ba tenga ha ira alawe, lö ira matua, ba tenga ha ira matua, lö ira alawe, ba khö Zo'aya. 12 Hulö da'ö sa, wa no moroi ba ndra matua ndra alawe, si manö göi, wa no moroi ba ndra alawe ndra matua, ba fefu hadia ia, ba no moroi ba Lowalangi.[9]

13 Mitimba tödömi, ha ya'ami. Hadia, moadu ba ndra alawe, na mangandrö ia khö Lowalangi, lö balu-balu högö? 14 Hadia, tenga no to'ua manö göi oroma khömi, wa lö moadu ba ndra matua, na anau mbunia,[10] 15 awö wa no lakhömi ndra alawe mbu sanau? me no salahi mbalu-balu khönia, wa no mube'e khönia mbu andrö.

16 Ba na so zomasi fagua-gua ba da'ö, ba tenga huku ba khöma zi manö, ba tenga göi huku mbanua Lowalangi misa.[11]

Femanga ni'amoni'ö

edit

II. 17 Ba me itörö ligu da'ö, ba tebai usuno gowuloami, me tenga ba wanga'azökhi, me no ba wa'awuwu. 18 Si föföna ua, ba urongo, lö ha sara dödömi, na owulo mbanua, ba no faduhu dödögu, si duhu ösa.[12] 19 Lö'ö sa tola lö so zi faehu era-era ba khömi, ena'ö oroma zi faduhu dödöda, ba khömi.[13] 20 Ba na owulo ami, ba tobali tenga ba wolau femanga andrö, khö Zo'aya. 21 Ihönagö i'a gönia zamösana, ba wemanga andrö, ba no olofo zi samösa, ba ibusi ia agu si samösa.

22 Hadia, lö khömi omo, ba wemanga ba ba wamadu hadia ia? Ma lö ba dödömi mbanua Lowalangi andrö, ba mi'ailasi zi lö ba danga? Ha uŵa'ö khömi? Hadia, usuno ami? Ba da'ö lö usuno ami.[14] 23 Ya'odo sa, ba no khö Zo'aya utema, nifa'emagu khömi göi: So'aya ya'ita, Yesu, me bongi andrö, me te'a mbölinia, ihalö roti,[15] 24 ba i'aohasi gölö Lowalangi, ba iboboto roti ba imane: Botogu da'e, salahimi, mitörö-törö tödömi ndra'o ba zi mane. 25 Si manö göi mako, me no aefa manga ira, ba imane: Amabu'ula li si bohou mako andre, ba ndrogu. Gofu ha me uga mibadu da'e, ba mitörö-törö tödömi ndra'odo.[16] 26 Ha me uga mi'a roti andrö sa, ba ha me uga mibadu nösi mako andrö, ba mi'ombakha'ö wa'amate Zo'aya, irugi so ia.[17]

27 Tobali, na so zi manga roti andrö, ba ma samadu ösi mako andrö, khö Zo'aya, si tenga si nangea, ba mosala ia ba mboto Zo'aya andrö ba ba ndronia.[18] 28 Ba yamusekhegö dödönia zamösana, ba awena yamu'a wöfö roti andrö ba yamubadu wöfö nösi mako andrö.[19] 29 Si manga sa ba samadu, ba i'a khönia huku ba ibadu khönia, na lö ifaehusi mboto andrö.[20]

30 Andrö ato ba khömi zambö fa'abölö ba sofökhö, ba tenga si lö ato zi no mate. 31 Ba na ya'ita zanguhuku ya'ita, ba lö tehuku ita ena'ö.[21] 32 Ba na tehuku ita, ba ni'otu'ö ita, khö Zo'aya, ena'ö lö tetibo ita, awö niha guli danö.[22]

33 Andrö, ya'ami ira talifusögu, na owulo ami ba wemanga, ba yamubase'ö nawönia zamösana. 34 Na so zolofo, ba yomo yamanga, fa böi mifobörö khömi huku, na owulo ami. Ba hadia ia danö bö'ö, ba uŵa'ö li, na sodo.[23]

Famotokhi ba gahe

edit
  1. ↑ Faigi 4:16; Fil 3:17
  2. ↑ Faigi 3:23; Efes 5:23
  3. ↑ Faigi 14:1
  4. ↑ Faigi 14:34
  5. ↑ MozI 1:27; 2:22 b.t.
  6. ↑ TimI 2:13
  7. ↑ MozI 2:18
  8. ↑ MozI 24:65
  9. ↑ Yoh 15:1
  10. ↑ SamII 14:26
  11. ↑ TimI 6:3–5
  12. ↑ Faigi 3:3 b.t.
  13. ↑ Mat 18:7; YohI 2:19
  14. ↑ Yak 2:5–6
  15. ↑ Gal 1:12; Mat 26:26 b.t.
  16. ↑ Luk 22:20
  17. ↑ MozII 12:26–27; Mat 26:29
  18. ↑ Faigi 10:21
  19. ↑ KorII 13:5
  20. ↑ Faigi 10:16–17
  21. ↑ Sin 32:5
  22. ↑ Heb 12:5–6
  23. ↑ Faigi 16:5

Fabaliŵa lala

edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/11&oldid=6229789"