Wikimedia Incubator

Wb/nia/Korindro I/12

< Wb | nia | Korindro I
Wb > nia > Korindro I > 12

Lö faoma mbuala Geheha

edit

I. 1 Ba lö omasido, lö mi'ila watahögö, ya'ami ira talifusö, ba mbuala Geheha andrö.[1] 2 Lö solifu ami: me luo niha baero ami, ba ba nadu si lö hede andrö misaŵa, nidöni ta'io.[2]

3 Andrö u'ombakha'ö khömi: lö i'elifi Yesu sihede moroi ba Geheha Lowalangi, ba tebai faso'aya khö Yesu niha, na tenga moroi ba Geheha ni'amoni'ö.[3] 4 Ba no faehu mbuala fa'ebua dödö andrö, ba ha sambua Geheha,[4] 5 ba no faehu halöŵö, ba ha samösa Zo'aya,[5] 6 no faehu wa'abölö, ba ha sambua Lowalangi, sanga'asogö fefu hadia ia, ba dödö zi no ato andrö fefu.[6]

7 Ba ena'ö ba zato moguna, andrö tebe'e wama'ele'ö Geheha andrö ba zamösana.[7] 8 Ba zi samösa, ba tebe'e moroi ba Geheha daroma li fa'atua-tua, ba ba zi samösa, ba taroma li fangaboto ba dödö, moroi ba Geheha da'ö göi;[8] 9 ba ba zi samösa, ba buala ba wamadöhö fökhö, moroi ba Geheha si ha sambua andrö;[9] 10 ba ba zi samösa, ba famazökhi sahöli-höli dödö; ba ba zi samösa, ba fama'ele'ö; ba ba zi samösa, ba fangila amuata Geheha; ba ba zi samösa, ba oya ngawalö li; ba ba zi samösa, ba famotokhi li andrö.[10]

11 Ba fefu hadia ia zi manö, ba oi Eheha da'ö, si ha sambua, zanga'asogö; ifosasi, ibe'e ba zamösana zomasi ia.[11]

Amaedola ndroto-ndroto khö niha Keriso

edit

II. 12 Hulö mbotoda andrö, si ha sambua, ba no oya ndroto-ndroto, ba tobali ha sambua boto ndroto-ndroto mboto andrö, ha wa'oya ira, si manö göi khö Keriso.[12]

13 Ha sa sambua Geheha, me tebayagö idanö ita fefu, ena'ö ha sambua boto ita, he niha Yehuda, ba he Dawa Heleni, he sawuyu, ba he si tenga sawuyu; ba ha sambua Geheha nifabadugö khöda.[13]

14 Botoda andrö sa göi, ba tenga ha sambua ndroto-ndroto, no oya. 15 Na iŵa'ö ena'ö ahe: Me tenga tanga ndra'odo, ba tenga si faböbö ba mboto ndra'o, ba no tenga börö da'ö, wa tenga si faböbö ba mboto ia. 16 Ba na iŵa'ö ena'ö talinga: Me tenga hörö ndra'odo, ba tenga si faböbö ba mboto ndra'o, ba no tenga börö da'ö, wa tenga si faböbö ba mboto ia.

17 Hadia na ha sambalö hörö mboto, ba heza dögi dalinga? Ba na ha sambalö tögi dalinga, ba hezo dögi nikhu? 18 Ba noa sa ifonaha ndroto-ndroto andrö Lowalangi, no ifasambua ba mboto, balazi zomasi ia.[14] 19 Ba na ha sambua ndroto-ndroto ena'ö, ba heza so mboto?

20 Ba iya'e ba noa sa oya ndroto-ndroto, ba ha sambua boto. 21 Ba tebai iŵa'ö hörö ba danga: Lö gunau khögu. Ba tebai göi iŵa'ö högö ba gahe: Lö gunami khögu. 22 Tobali sa moguna khöda ndroto-ndroto mboto andrö, niŵa'öda sambö fa'abölö. 23 Ba niŵa'öda ni'ositengagö ba mboto andrö, ba no abölö tafosumange, ba si lö moadu khöda, ba abölö tafoadu; 24 ba zoadu khöda, ba lö moguna. Noa sa ifa'anö mboto andrö Lowalangi, no abölö ifoadu zide-idenia, 25 ena'ö lö fa'afabali ba mboto andrö, ena'ö faoma larorogö nawöra ndroto-ndroto andrö.

26 Ba na so zafökhö ba zi sambua ndroto-ndroto, ba oi afökhö ba ndroto-ndroto fefu, ba na so nifosumange, ndroto-ndroto, ba oi zara, omuso dödö ndroto-ndroto bö'ö andrö göi.[15] 27 Ba ya'ami, ba boto Keriso, ba no ndroto-ndroto zamösana.[16]

28 Ba so nifataro Lowalangi, ba mbanua: si föföna, ba sinenge, ba fanete, ba sama'ele'ö, ba fanete, ba samahaö, awena zahöli-höli dödö andrö, awena mbuala ba wamadöhö fökhö, ba fanolo ba famatörö, ba soya ngawalö li.[17]

29 Hadia, a'oi sinenge ira? Hadia, a'oi sama'ele'ö? Hadia, a'oi samahaö? Hadia, oi dozi so khöra zahöli-höli dödö andrö? 30 Hadia, oi dozi so khöra mbuala andrö, ba wamadöhö fökhö? oi dozi so ngawalö li? oi dozi ira zamotokhi?

31 Miforege wangalui buala si sökhi andrö. Ba u'oroma'ö na khömi lala si sökhi moroi ba da'ö.[18]

Famotokhi ba gahe

edit
  1. ↑ Faigi 14:2
  2. ↑ Faigi 6:11
  3. ↑ Mar 9:39 b.t.; Yoh 13:13; YohI 4:2–3
  4. ↑ Rom 12:6
  5. ↑ Faigi 12:28; 8:6
  6. ↑ Efes 4:6
  7. ↑ Faigi 14:26
  8. ↑ Faigi 13:2
  9. ↑ Faigi 14:1; 5:24–29; YohI 4:1
  10. ↑ Faigi 14:1–5; 24:29; YohI 4:1
  11. ↑ Rom 12:3
  12. ↑ Rom 12:4 b.t.
  13. ↑ Faigi 10:2–4
  14. ↑ Faigi 15:38
  15. ↑ Rom 12:15
  16. ↑ Rom 12:5
  17. ↑ Faigi 12:8–10; Efes 4:11–12
  18. ↑ Faigi 14:1 b.t.

Fabaliŵa lala

edit

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/12&oldid=6229790"