لغواط [1]هي ولاية و مدينة جاية في دزاير[2] و هي سونتر تاع نفس لولاية لغواط,الاغواط ,و لا ارواط عل حساب ما سماوها اللاتنيين[3] في بكري, هدي تسمية شعرية اصل تاعها مطبيعة و من صورتها.
| لغواط | |
 | |
| لّإسم | |
| لّإسم لّعربي : لغواط | |
| الايدارة | |
البلاد :  لجازاير
| |
| ولاية : لغواط لّعاصيمه تاع لّولايه | |
| دايره : لغواط | |
| كود أ ن س : 0301 | |
| الديموغرافيا | |
| سّكان : 747 144 ساكن (2008) | |
| كاثافة تاعها : 362 ساكن/كم² | |
| الجوغرافييا | |
| ألتيتيود : 1400 م | |
| مساحة تاعها : 37713 كم² | |
| خط طّول (لوݼيتيود) :5.527222 | |
| خط لّعرض (لاتيتيود) : 22.786944 | |
| لمواقع | |
| لّموقع لّݼغرافي تاع لّبلديه لغواط في لّولايه تاع لغواط | |
 | |
| لّموقع لّݼغرافي تاع لّبلديه لغواط في لّجازاير | |
 | |
| السيت تاعها : http://laghouat-dz.org/ | |
اصل لكلمة
editكاين فرضيات بزاف على جال اسم تاع هاد بلدية بصح اسم للي صحيح هو اغوات للي معناه جبل سن منشار ف تمازيغت و هاد راجع لجبال للي دايرة بهاد لمدينة شابة تاع قبيلة تمازيغية بني لروات زناتة[4] هاد اسم تاني من كلمة عربية ايوات للي معناها جنينة و هاد راجع لبزاف واحات تاع لمنطقة بصح هاد مدينة رفدت هاد اسم من بكري للي خلى هاد لفرضية مشي صحيحة ميا ب ميا
- كاين فاني فرضية وحداخرا لي ذكرها إبن خلدون على أن أصل السمية جا من إسم قبيلة أمازيغية إسمها بني لقواط «(وأما لقواط) وهم فخذ من مغراوة أيضا فهم في نواحي الصحراء ما بين الزاب وجبل راشد، ولهم هنالك قصر مشهور بهم» و هادي لي عدها أكتر إحتيمال باش تكون صحيحة باسكو لي يسكنو البلاصة مازالو يسميو لغواط ب لقواط
بداية النشأة تاعها
editمن المعروف أن لغواط[1] كانت كاينة كيما البلدة الأمازيغية[5] حتى قبل الرستميين[6] لهذا فهي عندها تاريخ قديم ماهوش معروف بالضبط وينتا تأسست. تتميز المدينة بطابعها العربي الأصيل اللي يعود للعرب الهلالين اللي دخلوها في العصور الوسطى في القرن ال11 م، مي المستعمر الفرنسي قرر باه يخليها منطقة ذات حكم عسكري فاكتفى ببناء الثكنات ولم يتدخل في المعمار كثيرا عدا منطقة الغربية.
اصل لولاية
editلغواط[1] جاية من قبيلة أمازيغية إسمها مغراوة لي تكون فخذ من فخوذ قبيلة زناتة
الألقاب تاوعها
editلقبو المدينة والمنطقة ككل ببزاف ألقاب منها عاصمة السهوب ، بوابة الصحراء[7]، لغواط المعلوم ، عروس الأطلس الصحراوي...
لموقع لجغرافي تاعها
editلغواط هي مدينة جاية ف الجنوب تاع جزاير[7] و تجمع قاع لجبال لاطلسية صحرا[7] ولحجر صحراوي ولواحات للي تصنع منظر هايل وترفد اسم بوابة الصحرا[7] لحالة تاعها لغواط هي مدينة جزايرية جاية ف لجنوب بعيدة علا جزاير عاصمة ب 400 كلم
لمناخ تاعها
editلغواط مناخها قاري جاف و حرارتها ف شتا توصل لحتى 8 دقري و ف صيف لحتى 27 دقري نقل لغواط عندها مطار ربع طيران ف سمانة لدزاير لحد ثلاثا خميس و سبت رحلة واحدة ف سمانة لقسنطينة ب سبت و ب ثلاثا لوهران ورحلات تاوعها بضمانة تاع طيران جزايري مدينة لغواط فيها نقولة وطاكسيات لي تدي للمدن كبيرة كيما دزاير وهران قسنطينة سطيف تيزي وزو تبسة أدرار غرداية تيارت جلفة بشار تامنغاست سكة تاع تران بين حاسي مسعود لغواط ولغواط جلفة بصح مازال هاد مشروع ماسلكش لما للي فيها: ماتطيحش فيها نو كل مرة وتوصل لنسبة تاعها حتى 180 م ف لعام وخطراش يصرالها جفاف وتاني يصرى فيها بزاف زوبعات تع رمل لي تصنع بلايص عاليين م رمل ف لجهة تع شمال ومنبعد قلعة هاد لبلايص ودارو فيهم سكاني وأمور تاع لإدارة وباه يحافظو على هاد لبنيان لازملهم يغرسو شجر ف وقت قريب ف لجهة تاع شمال ولجهة شمالية لغربية ولما للي يشربو منو يجيبوه م باراج سموه جموت واد مزي للي هو أكبر براج ف أفريقيا بصح لناس مايخدموش بيه وولى حاجة واعرة وقادرة تدير فيضان وهو من عهد فرنسا مازال كاين
تاريخ تاعها
editمدينة لغواط زادت مع لبديا تع لقرن18 بصح بن خلدون خلاها تبان ف لقرن14 هيا مدينة ولا قرية داير بيها حيط مبني بلحجر باه يحميها م غزوات هاد قبيلة معروفة باسم تاع لغواط كسل بقاو منها غير زوج شعبات ولاد سرغين ولاحلاف وبزاف ناس م لغواط كسل راحو وهجرو للغرب لبلايص في جبل كسل ولاية تاع البيّض وقبايل وحداخرين سكنو ف لمدينة كيما عرب هيلاليين لربعا وتاني قبيلة رحمان ولا مخاليف واصلهم م شريفيين ادرسيين رحالة لربعا جاو للجنوب وحتلوها و مبعد هيلاليين خلاو هاد لمنطقة ف لقرن 17 وكان أصلهم م ربع قبايل معامريين حجاج ولاد زيد ولاد صالح و مبعد فاتو على جبل بوكحيل و توحدو مع رحمانيين وفاتو على جبل عمور ولاد يعقوب زرارا ف لغواط[8] 1368:سلطان بو حمو تاع زيانيين خرجو سلطان تع لمرينيين فاس 1698 لمربوط سيدي لحاج عيسى مات ف 1737 لي يحكم ف لمدينة وقعد ف لغواط لاحتلال م لمروك وترك 1708 سلطان تاع لمروك مولاي عبد لمالك خيم ف لغرب تاع مدينة واسس قبيلة للي ما بغاتش تخلص دينها 1727 لغواط كانت ف يد عثمانيين 1741 لباي تاع تيطري حتل لمدينة معا لجيش تاعو ورجع طريق لمدية 1785لباي تاع دزاير امر لباي تاع وهران باش يفرض عقاب على ناس لغواط مابغاوش يخلصو دين 1829 شيخ موسى بن حسان لمصري للي تولد ف دمياط ف 1787وقعد ف لغواط واسس شدهيلية دزاير فرنسيا: 1831:شيخ موسى بن حسان لمصري دار حرب مع لجيش تع فرنسا وبدا ف لمقاومة حتى كملت بالموت تاعو ف 1848 ومبعد لمعركة تاع زعاطشة جا شيخ بوزيان مربوط وقعد ف لغواط 1852:ومبعد تلاتة جنرالات مع جيش فيه 6000 عسكري حتلو لمدينة تع لغواط يوسف وغابريال بوسكن ف 21 نوفمبر ف نفس لعام ف 4 ديسمبر لغواط صرات فيها قتيلة ولموتى كانو فيها بزاف
تقاليد تاعها
editلغواط معروفة ب مضيافتها وماكلها بنان وكيما كامل مناطق تاع دزاير يبقى كسكس هو لماكلة معروفة لمردود للي معروف عند ناس لغواط كيما قاع مناطق صحراوية ف شهر رمضان لكسكس يقولولو مسفوف وياكلوه مع كاس تاع حليب و ف حلوى كاين زلابية وهيا حلوى تاع زيت وتترمد ف عسل وكاين تاني بغرير للي يديرو فوقو شوية زبدة مع عسل ويشربو معاه كاس اتاي الفن لغواط معروفة ب لوحاتها رمليا مع اول صالون تاع فن رمل ف 2011 ولات عاصمة لجزاير تاع لفن ف سمانة ف اكتوبر 2016 ف لمهرجان وطني تاع ثقافة ولفن بلاستيكي حضرو تقريبن 60 رسام,لفنانين اصليين تاع لغواط و موسيقيين ملحنين سليم دادا و امين سوفاري
المراجع
edit
- ↑ 1.0 1.1 1.2 [1]هي بلدية ومدينة الجزائر عاصمة الولاية التي تحمل الاسم نفسه. الأغواط ، الأغوات أو العروات حسب النسخ اللاتينية المستخدمة في أوقات مختلفة في تاريخ المدينة ، هو تسمية شاعرية مستمدة من طبيعة وتكوين المنطقة.
- ↑ [2]هي دولة في شمال إفريقيا جزء من المغرب العربي ، ومنذ عام 1962 ، وهي دولة سميت بشكل طويل من جمهورية الجزائر الديمقراطية الشعبية
- ↑ [3]يشير مصطلح اللاتين إلى السكان الأتليين في منطقة لاتسيو خلال العصور القديمة الرومانية ، والمتحدثين بلغة الهندو أوروبية ، اللاتينية.
- ↑ « » [archive], sur Algeriaspace, 2008 (consulté le
- ↑ [4]هي مجموعة عرقية أصلية في شمال إفريقيا. معروف في العصور القديمة تحت أسماء الليبيين ، ماسيس ، مور ، غيتوليس ، جارامانتس أو نوميدس
- ↑ [5]هي سلالة أباضية حكمت في وسط المغرب (الجزائر) 2،3 من طاهر.
- ↑ 7.0 7.1 7.2 7.3 [6]إن المحاور العابرة للصحراء بين ممالك القرون الوسطى (روستيميين ، حماديين ، زيانيين ...) والمساحات الساحلية ( ، حلقة النيجر ) تجعل هناك علاقة فضفاضة ، في ذلك الوقت ، بين الصحراء وهذه الممالك في الشمال. ثم تقع بعض المناطق الصحراوية في نطاق تأثير ممالك معينة
- ↑ إيميلي دارمونقام، باريس قيليمارد، 1960، ص 120.