Wp/arq/سطيف

< Wp‎ | arqWp > arq > سطيف

سطيف هي مدينه ف شمال شرق لجازاير، هي عاصمة الـولايه بنفس لـسم و عدد السكان تاعها 239,195 حسب التعداد تاع عام 1998. لمدينه عندها طابع فرنساوي.

ولاية سطيف هيا ثاني أهم ولايه بعد دزاير الـعاصيمه، ب قريب من مليون ونص عبد. العلو تاعها 1,096 ميطره فوق لبحر، و هدا يخليها تاني، ثاني اعلا عاصمة ولايه فل جازاير.

سطيف موصوله ب باقي لـمضارب فل جازاير ب سكات تع لـحديد و ب شبكة الـطرق مع الـأوطوروت الوطاني الرايسي الي تـبنا جديد طريق سريع شرق غرب. لولايه تاع سطيف تتميز على لولايات نتاع دزاير فكوتي تاع تجارة.هدي لمدينة بعيدة على لعاصمه ب270 كيلو ميتر فلجيهة شرقيه ، و65 كيلو ميتر بنسبا لبرج بوعريريج ، و132 كيلو ميتر بنسبا لقسنطينه. جاية فلهضاب لعالية فلجنوب تاع لقبايل لكبرى. لمدينة اصلها من لمملكه لقديما بربارية تاع نوميديين ، وممبعد ولات ثاني عاصمه ااع الاماره رومانيه. من هاذي لمدينه انطالقت مجزرة لولة وبعدها جات لمضاهرات تاع ثمنية ماي 1945، قبل متبدا لحرب نتاع دزاير اناذاك.

سطيف كانت نوميدية قبل ما تحتلها لرومان،ولاصل تاع اسمه اسطيف،ماهوش لاتيني راهو جاي من اسم بربري زديف لي يعني (لرض لحكلا) باش يعبرو عل خصوبة تاع لاراضي نتاعها. عندها مركز استراتيجي (باب دخلا تاعها من جيهة لغربية تاع لهضاب لعليا من جيهة قسنطينة)،وعندها نقطة مهمة بزاف لي هي انهم يقولو عليها غنية بلينابيع لي جاية ملبحيرات جاية فلمدينة هدي تحت لجبل وعلى سهول تتميز بلوساع نتاعها.سطيف مع كل لاجابيات وصوالح لملاح لي فيها زيد عليها هي نقطة لي لاستراطيجية لي تربط بين لجانب شرقي ولجانب لغربي تاع دزاير

الموقع الجغرافيEdit

لمدينة جاية في شرق دزاير،300 كيلو شرق لعاصمه ،65 كيلو على برج بوعريريج، و 123 كيلو على قسنطينه.هدي لمدينة تتمركز في لهضاب لعليا جنوبان، يبلغ ارتفاع نتاعها على لبحر 1100 ميترا.يبلغ عدد سكان نتاعها 461 288 نلف نسما ، على هدا راهي مكلاصيا ثامنة فدزاير، وهاكذاك لمدينة نتاع سطيف فيها بزاف عباد بعد دزاير لعاصمه . تقع لمدينه على لهضاب لعليا دزيرية عندها كليمة وجو مليح ، بارد ف شتا و سخونه ف اصيف.

لكرطيات ولقرى Edit

-لمدينه فيها بزاف كرطيات لي هما :

  • طانجة (يحياوي)
  • عين بوواروا
  • عين دروج
  • عين موس
  • عين سفيحة
  • عين طريق
  • بومارشي
  • لاسيتي 1 نوفمبر (دلاس)
  • لاسيتي 150 سكن (تلايت)
  • لاسيتي 20 اوت 1955 (1000سكن)
  • سيتي 5 معدومين
  • سيتي عين تبنينت
  • سيتي بلير
  • سيتي بوسكين
  • كارطي تاع لڨار
  • فيلاج لبرارما
  • لجنان

السونطرEdit

  • سونطر تاع لمدينة هو كيما ڨاع سونطرات تاع لمدن لخرين لكن شكل نتاع مدينة سطيف يختلف شوية عندو شكل خادمينو لكولون ،ينقاسم لبزاف بنايات وطرڨان عريضة وواسعة فيها بزاف شجر كبيرة وقديمة شابة بزاف من ساعة لاستعمار لفرنسي.
  • معنى اسم سطيف: لسم نتاع لمدينة جايبينو من عند عرب تاع بكري (برباريين)، لي معناه يرجع ويعود على لالوان تاع لحقول و ثلج صاب عليها، وبلاتينية يقولولها سيتيفيس لي معناه الاراضي الكحلة

لقتصادEdit

لمنطقة معروفة بديناميكية ف تجارة ،حاكمة بزاف مشاريع مهمة كيما (لمطار ، محطات تاع طرڨان وسكك لحديدية و طرامواي....). صناعة فيها تتميز اكثريتها ف صناعة لبلاستيك وصوالح تاع الكتروميناجي و شيميك. فلكوتي تاع الزرعة يعتابروها من اهم لمناطق لفلاحية تاع لبلاد . سطيف هي لمركز تاع تجارة فدزاير، حتلت لمركز زاوج ف لمغرب عربي في سبتمبر 2015، لوزير لول عبد لمالك سلال دار بزاف بروجيات فلولايه. فيها ثلاث وحدات في لميدان تاع تجارة.وكذا تعتبر لوحدة لاساسيا لتصنع لخيطات تاع تريسيتي ولمواد لمعقدة.

التاريخEdit

في وقت نوميديين: لمدينة اصلها نوميدي، كانو دايرينها هيا لعاصمه نتاعهم قبل ميخطار يوبا زاوج شرشال. يوغرطا شهد في هدي لمدينه حرب في ماريوس. -في وقت رومانيين: في وقت رومانيين لمنطقه كانو مسميينهاتامانونه لمدينه نتاع سطيف مانت مندامجا في هذاك لوقت مع موريطانيا سيزارية مالا حتى رجعو يڨولولها موريطانيا سطايفيه. يوغرطا كتب سيتيفيس،مدايينها من لمملكه تاع موريطانيا . لموقع نتاع هدي لمنطقه استراتيجي ومليح بزاف، نورفاامير نتاع رومان اهتم ب سيتيفيس وقعد فيها حتى 96(مستوطنة تارفينية اوڨوتا مارتيليس). كلاود لي هو لامير ارابع تاع ارومان قسم لفروفانس تاع الرومان علا زوج خطرات ، لولة ربط سطيف مع موريطانيا جديدة (سيزارية) ،عاصمه سيزارية هي شرشال حاليا. وفي الفين وتسعين(290)، سطيف ولات هي لعاصمه تاع موريطانيا السطايفية( لي راهي ضروك دزاير اشرقية). مترابطة مع موريطانيا سيزارية ،اذن لبروفانس جديدة مترابطة مع لادارة نتاع افريقيا وحكام تاع طاليان. لمدينه كانت هي لمخزن نتاع لقمح للروم لقديمة،كابوت صلتوس هورييوم(ضروك رهي يسموها عين زادا). كي طاحت وخسر لحرب رومان اشرقي في 476 ، دارو الشعب لالماني جديد يعيطولهم لي فودالتحت حاكم سموه جان سيريك(427_جانفي477)، ومبعد فاتو مسبانيا حتى لافريقيا في 429 محتاجين ويحوسو على حاكم روماني، لكونت بونيفاص حارب ضد الامارة تاع فالونتين. طريق تاع لي فوندال في افريقيا جازت من تينڨي نحو قرطاجة و فاتو على ستيفيسيس (سطيف) وقيلا حسب تواريخ حبسوو حتى 430. ربح بونيفاصلحرب تاع فالونتين، وجان سيركحول لمملكة تاعو لقرطاجة في 439. لمدينة حافظت على بزاف اثار بزاف ومنهم: لسوار، معابد ولكانيس وين كانو يمارسو طقوس تاعهم، سيركات، وضريح يسموه(سيبيون). صنعو في جبالها و حجارها بزاف نقوش مختالفة ومنحوتة وحافظو عليها في متاحف سبيسيال للاثار فلمدينة. في وقت لبيزنطيين: في وقت اسلام: في وقت لحرب تاع دزاير:

مجزرة سطيف 08 ماي 1945Edit

النقلEdit

لولاية نتاع سطيف دارت ڨار ف راية تاع لحديد رابطة بين دزاير لعاصمه فلجيهة لغربية ، وعنابة فلجيهة شرقيه.

ودارت ثاني مطار عالمي جاي فلجيهة لغربية بعيد على لمدينة تقريب وحد 12 كيلو ، راهم دشنوه ف2006.

لمدينة يعڨب عليها طريق سريع شرق غرب فلجيهة لجنوبية و فيها طريق لوطني رقم 5 جاي فلوسط نتاعها.

لمدينه دارت بروجي تاع طرامواي ف2010 ووجد ف2017. فيها بزاف خطوط تاع محطات ونقل. فيها زوج خطوط تاع طرامواي كاين لي مزال مكملوهش. مطار عالمي تاع 8 ماي 1945 جاي في عين ارنات 12كيلو متر على لغرب تاع سطيف.

بلديات سطيفEdit

عين عباسه ،عين ارنات ، عين ازال ، عين لگبيره ، عين لحجر ، عين ولمان ، عين روا، عين اسبت ، عين نوال مزادا ، عين تيزي ، عموشه، بابور، بازر سكرة، بيضا برج، بلاعه، بني عزيز، بني شبانة، بني فودا، بني حوسين، بني موحلي، بني ورتيلان، بير لعرش، بير حداده، بوعنداس، بوڨاعه، بوسلام، بوطالب، داهمشه، جميله، دراع كبيله، لعلمه، لولجه، لوريسيه، ڨلال، لڨلته ازرڨة، قصر لبطال، معاويه، موكلان، مزلوڨ، واد لبارد، واد عدوان، واد زابور، ولاد اسي حمد، ولاد تبان، ارصفه، صالح باي، سرج لغول، سطيف، تاشودا، تايفاصن، طايا، تله، تيزي نبشار.

سبورEdit

مدينة سطيف عندها ايكيب تاع كرة لقدم يقولولها وفاق سطيف ويدلعوها حكلة وبيضا ،نشأت في 1958، هو فريق ماجور فلفوت بال دزيرية دا بزاف القاب وطنية (8 مرات لاكوب تاع دزاير و 7 مرات شومبيوونا وهو افضل كوبا تاع دزاير ولائيا ووطنيا). فيها مسبح مائي صنعوه ف 2014. دارو فيها لدورة لعالمية لسيباق لدراجات بحيث دراجين يجرو في لمدينة ثلاث دورت باش يلحقو لمجموع تاع 346 كيلو متر.

ترفيهEdit

فيها بارك يسموه لمول جاي في قلب لمدينة فتحوه ف 2016. حديقة تاع حياوانات جاية حتى فلقلب تاع لمدينة وفي نفس لوقت مكان نتاع سياحة. وفيها جميلة لي يديرو فيها لحفلات في صيف.

اهم شخصياتهاEdit

عمار لمختار شلال (1946_2016) هو كاتب. بلامري رابح كاتب (1946_1994). هانري دونو (1828_1999)، مكتشف لكروة روج. فرحات عباس (1899_1985) ، كان رئيس جمهورية دزيرية. كاتب ياسين (1989_1946) ، كاتب. رشيد باي(1946_2011)، كاتب. كمال بن شيخ(1953)،كاتب. بوزيد ساعل (1919_1945)،راح ضحية مجزرة تاع سطيف وڨالمة ف 8 ماي1945.

لبوليتيكEdit

باتريماوانEdit

لمصادر ولمراجعEdit