Wp/arq/تيزي وزو

< Wp‎ | arqWp > arq > تيزي وزو

تيزي وزو بلقبايلية تيفيناغ , و بلعربية تيزي وزو ,و هي بلدية دزايرية تاع تيزي وزو ، جاية 100كلم شرق لكابيتال دزاير و 125 كلم غرب بجاية و 30 كلم جنوب لبحر متوسط. , فيها 105088 ساكن و هي الولاية القبايلية الزاوجة مور بجاية.

تيزي وزو
تيزي وزو
الايسم
ايسم بل عربية : ثيزي وزو
ايسم بل القبايلية : ⵝⵉⵣⵉ ⵡⴻⵣⵣⵓ
الايدارة
البلاد : تيزي وزوFlag of Algeria
الولاية : تيزي وزو
الكود البوسطال : 15000
الكود تاع التيليفون :026
الديموغرافيا
جنتيلي : قبايليين/قبايليات
السوكان : 2481788 سوكان فل (2008[1])
الجوغرافييا
الايحداثييات :

لموقعEdit

لحالةEdit

لبلدية تاع تيزي وزو جاية في لوسط لغربي تاع ولاية تيزي وزو , لبلديات لمجاورة لتيزي وزو ,دراع بن خدة وتيرميتن مالغرب ,معتكس من لجنوب لغربي ,سوق لثنين و اث عيسى ميمون من لشمال شرقي.

 لمساحة تاعها  236 10 هكتار  .

تيزي وزو جاية بعيدة ب 88 كيلو من شرق لعاصمة و ب 93 من غرب بجاية ,ب 52 شرق بومرداس و بقريب 39 كيلو من شمال لبويرة.[2]

تضاريس ، هيدروغرافياEdit

تيزي وزو جاية قريبة لواد  سباعو , دايرن بيها لجبال  . هي عالية ب 200 متر.

لباراج تاع تاكسبت تمتد لمساحة تاعو 550  هكتار, بعيد على شرق لولاية تيزي وزو  ب 10  كيلو متر في واد عيسي ( يعني لواد تاع ايت عيسي ).

هذا لباراج يقدر يرفد 175 مليون متر مكعب لتر , و قادر يلحق حتى 181 مليون في حالة كي تكون لامطار غزيرة . تستفاد منو ولاية تيزي وزو ب 000 20 متر مكعب في نهار واحد, زيد عليها ولايات وحدوخرين كيما دزاير, بليدة و بومرداس.

طقسEdit

تتميز هاد لولاية بمناخ لبحر لابيض لمتوسط , علا جال كي دايرين بيها بزاف لجبال . كل عام يطيح لثلج فشتا مابين ديسمبر فل بلايص لعاليين (600 و +). و فيفري فل بلاييص لهابطيين . فصيف تكون سخانة مغمومة علاجال لجبال , ميخلوش لهوا تع لبحر يوصل للمدينة.[3]

النقلEdit

 
Abrid Ajdid n Tizi wezzu

تمتاز تيزي وزو بشبكة تاع طرقان قاوية , فيها بيريفريك لي يدور على لمدينة.

لخرجات تاع روكاد لجنوبي ( لي تدي لدزاير و بجاية );

لخرجة 1 : تيزي-لجنوب لغربي /تالا علام / بويرة /بوغني/ذراع لميزان .

لخرجة 2 : تيزي -بد خالد خوجة /وسط لمدينة / بني زمنزر/بوهينون .

لخرجة 3 : تيزي - لمدينة لجديدة / تيزي-لاقار مولتي مودابل كاف نعجة / جامعة حسناوة /معتكس.

لخرجة 4 : تيزي - شرق / تيزي-باتوار/بني دوالة .

لخرجة 5 : بجاية / عزازقة / مكلة/ لربعة ناثي راثن /ايت يني /واذيا /ايرجن /باراج تاكسبت .

لجيهة شمالية تاع لبيريفيريك ;لي تخرج ف تيقزيرت/ ماكودا /واقنون ,راهم فيها لي ترابو درك .

هاد لولاية متصلة بدزايير, بجاية, بليدة ,وهرن ,بويرة , و بزاف بلايص تاع لقبايل بشبكة تاع طريق , فيها لاقر و ليني تاع نقل يروحو ربع خطرات فسمانة للولايات تاع لجنوب ;حاسي مسعود , ورقلة ,غرداية, لغواط ,جلفة, بوسعادة .

بلايص لمحليينEdit

بلدية تيزي وزو فيها بلايص بزاف:

بوخلفة , تالا علام , ايرجاون (رجوانا )تالبور , ايرجاون (رجوانا )تالتحشت, بوهينون , تالا منصور, سيدي اقاد ,ازيب ناحمد , تاعزييت , تادرت تاموكرانت , ايت منصور, ايت حسان, اومادن , تاسادورت , عين مزياب , ايكمودن, زرقون , بيامران, تادارت اوفالا, امازداتن, تاعركوبت, اغيل اوبرواك , تيغيلت اوحمزة , تيمزاز لوغبار , تالا عثمان ,سيخ اومدور, ايرحالن رحاليا ,تازملت نالكاف , تازملت ابيد تاشملال ,و كاف لحمار .

تاريخEdit

ادارةEdit

تعليمEdit

عندها بزاف ليسيات :ليسي رمضان عبان , ليسي لالة فاطمة نسومر; (لاسم تاع لبطلة تاع لمقاومة لقبايلية 1851-1857) ,ليسي لقديم تاع لمدينة ليسي تاع لكولونال عميروش ايت حمودا ; (ليقولولو ليسي بوليفالو), تكنيكوم تاع لمدينة لجديدة , ليسي رابح سطمبولي , ليسي لخنصة , ليسي بوخلفة , ليسي 20 اوت 1956 (سوق) , ليسي حمقي ايدير لي فتحوه ف 2015 , كاين بزاف ليسيات بريفي تابعيين للمدينة لجديدا .

لجامعاتEdit

تيزي وزو من اهم لولايات لي فيهم جاميعات فلبلاد ,جاميعة لمدينة "جاميعة مولود معمري",باستوس ,حسناوا,(لمدينة لجديدا), بوخلفا,واد عيسي و تامدا , تستقبل قريب 50000 واحد

الصحةEdit

تيزي وزو فيها سياشو تبنى في فيفري 1986, فيه 2 وحدات اساسيات, فيهم 900 سرير و 3487 خدام .

اقتصادEdit

شركاتEdit

شريكات كبار جايين في ولاية تيزي وزو ,فلمنطقة لصناعية ايدير عيسات (واد عيسي) جايا بعيدا ب 10 كيلو متر من شرق تيزي وزو , وفريحا ب 30 كيلو متر .

- لابوراتوار : نوبو نورديسك ; شريكة صيدلية دانيماركية , منطقة صناعية ,ايدير عيسات (واد عيسي) .

- انيام : شريكة وطنية , تاع لانتاج ليلكتروميناجي ,م.ص,ايدير عيسات (واد عيسي).

- فريقو : شريكة جازايريا .تاع لانتاج لصغير و لكبير ليلكتروميناجي ,م,ص,ايدير عيسات (واد عيسي).

- لعجين تاع تيزي : يصنعو لصباقيتي;م;ص,تيزي وزو.

سياحةEdit

شرق بلدية تيزي وزو ب 40 كيلومتر , كاين غابة يكورن , معروفا بزاف بلي يجوليها لزوار من كامل لولايات و من خارج لبلاد تاني .

رياضةEdit

"جي اس كا " هو لنادي لرياضي تاع ولاية تيزي وزو (يمثل كامل لقبايل) , هوا لنادي لي نجح بزااف ف لرياضة لجازايريية (14 شومبيونا و 5 تاع ليكوب دالجيري), و هوا من بين افضل 9 نادي افريقي (6 القاب قارية) .

"جي اس كا " هوا لنادي لرسمي تاع لقبايل لكبيرة ,لبيجي تاعو فلاعوام 2007/2008 كان ما بين 250 مليون دينار و 2 ملايين اورو , هوا مابين لناوادي لمرفهين في افريقيا.

في عام 1946 , ديسيداو لشباب لقبايليين باش يكريو هاد لنادي , في هاداك لوقت لاكابيل لكبيرا كان عندها نادي 'اولمبي تيزي وزو' نادي استعماري لي كانت ادعمو لادارة لفرنسية. و في عام 1956 , هاد لنادي ولا عندو اسم كيما لفرق وحدوخرين تاع لجازاير .

شخصبات عندهاعلاقة بهاد لبلديةEdit

-محمد بلحسين , زاد نهار 13 جويلية 1826, في دشرة تالا علام ,و مات نهار 12 نوفمبر 1972, كان لقايد تاع بني زمنزر; من 1922 حتا 1934; في وقت لاستعمار.

-سعيد سليماني , زاد في عام 1850, في دشرة بوهينون ,و مات في شهر مارس 1924 , كان مستشار تاع لمجلس لبلدي تاع تيزي وزو .

- صالح بن ناصر , زاد نهار 06 جويلية 1900, في لدشرة تاع جمعة صحاريجي , كان عضو في مجلس لشيوخ تاع تيزي وزو , من عام 1957 حتا 1961 , يعني وقت لاستعمار لفرنسي.

- يوسف عاشور , زاد نهار 7 سبتمبر 1914 فتيزي وزو , و كان تاني عضو في مجلس لشيوخ تاع دزايير , من عام 1959 حتى 1962 , في وقت لاستعمار لفرنسي .

-محمد زميرلي , فنان فرسم , زاد نهار 18 فيفري 1909 .

-يوسف دريس , زاد نهار 25 اكتوبر 1945 في عين لحلوف ; جايا في اعالي تيزي وزو , كاتب و صاحافي قديم , كتب بزاف كتابات و قصص تاع لاطفال لصغار و فاني لحياة تاع لحاج قروابي .

- مصطفى بوشاشي , زاد 1954 , محامي و جاميعي .

ملاحظات و مراجعEdit

  1. https://web.archive.org/web/20130927232532/http://www.ons.dz/IMG/armature2008-%20FINAL%281%29.pdf
  2. [1]لمسافة
  3. [2]لطقس