Wikimedia Incubator

Wp/arq/رمضان

< Wp | arq
Wp > arq > رمضان

رمضان [3],[4]هو شهٞر تاسع [5] [6] من لتاريخ لّهجري [4] [7].

رمضان
لّبدايه تاع شهر رمضّان تكون مبازياعلى كي ينشاف لهلال تاع لقمر لجديد
يشوفوه  : لّمسلمين
نّوع  : إسلامي ، ثقافي
لادات 2016 : من 06 جوان حتّى 05 جوّيي [1].
لادات 2017 : من 26 ماي حتّى 26 جوان [2]
مربوط ب  : لّعيد صّغير ، ليلة لّقدر

رمضان هو شّهر لّي مذكور ف لّقرآن [8] ، [9] وهو بنسبة لل٘مسلمين شّهر مقدّس و الّفضيل پاسكو هو شهر صّيام [10] وفيه ليلة الّقدر .

فهاذ شّهر، لّمسلمين لي يكونو بالغين سن صّيام ما ياكلوش وما يشربوشوما يدخنوش،وما يتعطّروش و لازم يحافظو علا لّعلاقات لّجنسية فيما بيناتهم من الّفجر حتّا غروب شّمس [11]. [4] فلّ فرونسي و لونڨلي, نستعملو كلمة رمضان باش نبيّنو شّهر الّمعظم للّمسلمين و ككناية ، صيام هو واحد ملأركان تاع الاسلام [12] الخمس.

نهار لاول ماشهر الي وراه، لي هو 1 شوال هو مناسبة باش نحتافلو با لعيد صغير ولي بيه نكسرو صيام.

شهر رمضان هو شهر الخير كي يكمل يلزم علا كل واحد يدفع زكاة الفطر ،وهو فان شهر لي صرات فيه شحال من حادثة مهمة مالتاريخ تاع الاسلام.

لّأصل

edit

قبل مايجي لإسلام ,خرجو لكلمة تع رمضان فشّهر اتاسع فلعالم لعربي , وهذي لكلمة هي بحد ذاتها جاية من ر.م.ض , لي مشكلة من را, ميم و داد ومعنتها سخانة تع صيف .فلكالوندريي تع شهور القمرية لي كان قبل لإسلام , بيٞن فيهم " م پليسنر ", بلي رمضان يتيح فصيف. ربي ذكر فلقرآن بلي صيام نكتٙب علا لمسلمين كيما نكتب علا لي كانو قبلهم لي هما ل[[ياهود ولي عندهم نهار يصوموه هو يوم كيبور [13] ولآ ية تڤول " كٝتب عليكم صيام كماكٝتب على الذين من قبلكم لعلكم تتقون" 2 –183 سورة البقرة ف1929 شيلومو دو ڥ چۊات , درس لإقتراح لي جاي من أصل ياهودي ,علا رمضان روماركا بلي كاين شبه بين وجه محمد عليه صلاة وسلام ووجه موسا, تڶقاو القانون في يوم المغفرة ,بنسبة ليه صيام لاول ڤعد 10 يام من صيام لي قبل يوم تع المغفرة. لبحوث تع ذروك ربطو لولادة مع سياق سرياني وبعض لباحثين شافو بلي لعوايد كيما صيام تع رمضان جا من لإستخدام المسيحي اسرياني. وفان بنسبة للمؤرخ "فيليپ جانكا" رمضان جاي من زيور تع صيام لكبير فلكانيسات سريانية.وهدا صيام لكبير هو پيريود فيها ربعين يوم صيام ,خرجت فلقرن رابع وبدات ب٘لاربعا تع رماد [14].

لكالوندريي

edit
 
كالوندريي يواريلنا لبداية تع رمضان من 1938 حتا ل 2038( ومن 357 حتا ل1460 بالهجرية)

لكالوندريي يورّي لّبداية تاع شهر رمضّان ، ولكالوندريي تاع لمسلمين هو كالوندريي قمري ،كلّ شهر يبدا مورلّقمر جّديد لازم لّقمر يبان و لازم ينشاف قبل ما يدرڨ فالافق فالوهاج تاع الشفق عند الغروب تاع الشمس،وكيما الكالوندريي تع لمسلمين يحسب 11-12 يوم علا لأقل من الكالوندريي شمسي ، رمضان يتحول كل عام و يتبدل بشوية من موسم لوحداخر . التواريخ المڤربة للبداية ولنهاية تاع شهر رمضان ففرانسا ، بنسبة للپاريود من 2011-2020 علا النحو الباين ،يوم واحد ولا يومين علا حساب الملاحضات فليالي شك لبداية و نهاية شهر لقمري . عصر البلاد البدية و التكميلة

لّميلادي هجري دّيبي فان
2011 1432 [15] 1 أوت 29 أوت
2012 1433 [15] 20 جوّيي 19 أوت
2013 1434 [15] 10 جويي 8 أوت
2014 1435 29 جوان 28 جوّيي
2015 1436 [16] 18 جوان 17 جوّيي
2016 1437 6 جوان 5 جوّيي
2017 1438 [2] 27 ماي 24 جوان
2018 1439 16 ماي 14 جوان
2019 1440 6 ماي 4 جوان
2020 1441 24 افريل 23 ماي
التواريخ المقربة تاع رمضان 2011-2020.

لأغلبية تاع المسلمين يصٞرو علا المراقبة تاع الداخل , للهلال باه يشوفو البداية تاع شهر رمضان ،بصح واحداخرين يصرو علا حساب القمر الجديد و لا البيان تاع السعودية، باش يحدو البدا ية تاع شهر لاقيباش لهلال لول مورا القمر الجديد ما ينشافش في كل پلاصا فنفس الوقت و التواريخ تاع لبداية و نهاية مشهر تعتمد علا شاهو الي باين في كل پلاصا ،علا هاذاك المواعيد تتبدل مبلاد لوحداخرا، بصح لأكثرية يوم واحد برك،و هذي هيا النتيجة تاع الدوره تاع القمر. كل عام شمسي [17] ،يبدا شهر رمضان يبدا 10-12 يوم قبل العام الي فات .كامل التوقعات تاع الفلك الي تعطي شكل مقرب للبداية تاع شهر رمضان راهي شغالة [18]..

ليلة القدر

edit

ليلة القدر هي ليلة مقدسة و معظمة فلعام ،هي احياء باين فنهار من 10 يام توالة تع شّهر، و انو فهاد لِّيلة القرآ ن الكريم نزل علا النبي محمد صلا الله عليه و سلم بالواسطة تاع الملك جبريل ،علا أساس القرآن،هاذ الليلة بنسبة للمسلمين هي خير من الف شْهر ،مالصلاوات ،الحسنات ،الحج ،وقيام الليل بصلاة فهاذي ليلة فيها ثواب صلاة 1000 شهر ،علا هاذا بزاف ملمسلمين يجوزو جزء صغير ولا ڤاع الليلة علا بعضاها فصلاة وقراءة القرآن .مناحية السنة هاذي الليلة 21 ،23 ،27 ،29 مشهر ،بصح مناحية الشيعة هاذي الليلة هيا 19، 21 ،23 مشهر، بصح التاريخ الحقاني مستحيل باش يتحدد. لأصل السرياني تاع شي كلمات الي مستعملين فسورة 97 ،ولي تهدر علا ليلة القدر تسمح باش يتعرفو علا النص -شهر-معناه وقفة احتجاجية ليلية بسريانية ،وهاد شي جا من المجال تاع شعاير السريانية الي يقدسو عيد الميلاد .وبنسبة لي كيريستوف لوكسنبارڤ،هاذي السوره راهي تثير نزول تع المسيح قبل ما تتفسر في نزول القرآن .

لعيد اصغير

edit

يحتافلو المسلمين بلعيد الصغير المبارك 1 شوال ، لي يمثل نهاية تاع فترة صيام و فليوم لاول تاع شهر لي موراه, مورا ما شافو القمرالجديد،لعيد يجي بعد 29 ولا 30 يوم مصيام ،عيد صغير يعني لحفلة بيكتمال صٞيام يعني هو مناسبة للإحتفلات [19]. ، غير يكمل صيام ،يروحو المسلمين للجوامع فصباح ،يلبسو لبسة شابة لي عندهم لصلاة لولا تاع العيد و يعطو كادوات لذراري و يديرو خرجات وزيارات للقراب و لفميلة و لصحاب ،و يعطو صدقة للفقراء، زكاة الفطر يستافدو المسلمين من هاذ العطلة و يروحو يزورو حبابهم .بعض المسلمين يظنو بلي الحفل لازم تدوم 3ايام، علا هاذا يشدو فية 3 ايام كيما بغاو ،الصلاة هيا ركعتين برك و هي علا حساب الاختيار عكس الصلاوات الخمسة المقررة . و مورا الشهر الجاي شوال يتشجعو المسلمين و يصومو 6 ايام معروفة بالاسم تاع الستة البيض.

احداث وحداخرا

edit

رمضان هو الشهر الي صرات فيه بزاف صوالح مهمة فالتاريخ تاع الاسلام ولي منها:

لّعبادات

edit

صّيام

edit
 
مثال علا سحور قبل ما تطلع اشمس

اهم حاجة فهاذ الشهر هو صيام لي هو واحد من لاركان الخمسة تاع الإسلام ،فهاذ شهر المسلمين ينوضو يتسحرو ياكلو قبل الفجر ويحبسو قبل ماياذن للصلاة الصبح.ولازم يحبسو ا لماكلة وشريب قبل ما يأذن ،و ياكلو عند المغرب ،البداية تاع الصيام فالصح هي البداية تاع الشفق تاع الفلك ،و صيام يكمل كي تغرب ڤاع شمس.يكملو المسلمين ياكلو و يشربو بعدما تغرب شمس (لإفطار) حتا يأذن للصلاة تاع الفجر غدوة منذاك و تعاود تبدا عملية جديدة لنهار جديد .

 
وجبات يكسرو بيها صيام في (مصر)

رمضان هو من جهة مناسبة باه نذكرو ربي فيها بالقرآ ن بما أنو هو شهر لي القرآن نزل فيه هدا للناس وهذي لأية 185 من سورة البقرة، وهاذ صيام ربي أمرنا بيه[20] و لازم علا مسلمين يديرو ڤاع طاڤتهم باه يتبعو شتڤال الإسلام ويإيڥيتو ڤاع تصرفات وسلوكات لي جاية عكس شتايڤول دين.الخدايم الجنسية فسوايع تع صيام حرام.صيام هو فعل يتطلب الإيمان اشخصي وفيه المسلمين يحوسو باه يتقربو من ربي سبحانو.روح لمسلمة عرفت جانب تاع تزهد و طهارة، وهو متعد كيما تضحية. كيما كاين شروط مزيرة فنهار تع صيام ، لمسلمين يقدرو يريحو فليل بعد لفطور ولأئمة نلقاوهم غير يعلمو فناس باه مايرڤدوش نهار كومپلي وباه يبقاو فاطنين في سوڤتهم ولازم يإيڥيتو ڤاع تجاوزات كي تبدا شمس تغرب ،وهذا شي ڤاع باه نبقاو محافظين علا صيام وفان نتحكمو في مشاعرنا ونتقربو من ربي سبحانو.زيد فان لمسلمين لازم يبقاو خفاف باه يقدرو يصلو صلاة تراويح لي هي ماهيش فرض بصح علماء الفقهه وصاو بيها.


و زيد الكبار الشوابين ،و المرضا ،و المهابل معفيين مصيام مع انو زوج مجموعات اللوالا ,لازم عليهم يخلصو في بلاصة صيامهم، و حتا النسا الي يكونو بلحمل ولا الي تكون مريضة بالعادة شهريةولا لي تكون نافسة مالازمش عليهم يصومو ،و معا هاذا نلقاو العلما رايهم يتبدل الا اسكو هاذ المجموعتين لازم يعاودو يردو صيامهم ولا يعوضو يماتهم بإطعامهم لناس لي معاندهاش .وصيام ماهوش اجباري فصغر، نلقاو بزاف ملولاد يحبو يصومو يامات يوجدو رواحهم للمستقبل ،و فتالي المسافرين حتا هوما معفيين و الله غالب عليهم بصح ممبعد لازم عليهم يراتراپو ليامات لي كلاو فيهم.وناس لي كبار ومعاوقين ولا يسوفرو من كاش مرض لي معاندهم حتا أمل باه يبراو منو ،يقدرو يخلصو الفطور في بلاصت ناس لي معاندهمش كيما يقدرو فان يعرضو ناس لديارهم ويفطروهم عندهم في رمضان وهاذ شي يديروه باه يعوضو يماتهم لي مصاموهمش. و فاني قادر اي واحد يفطر بالغلط و هاذالشي بسبت الرقابة و الصيام الصحيح ،بصح ما لازمش نتمو فالماكلة بالعكس نتمو الصيام ،و يقولو واحد الي تكسر صيامه بالغلط ربي الي غذيه. الشخص الي يشوف رمضان بشكل صحيح كامل ذنوبه رايحة تنغفر .وكي يجي رمضان لبيبان تاع سما تتفتح و ينغلقو بيبان جهنم و شواطين تتسلل . نلقاو رقابة من ناحيةالصيام في البلدان تاع المسلمين بحيث أنو لابوليس يشوفو الا القواعد تاع صيام راهي تتنفذ و لا لالا ،و يعتبرو اي سلوك يشكو فيه من ناحية صيام جريمة، لخاطر راهو فشارع و يتحاكمو علا هاذ شي، كيما ف أكتوبر 2008 المحكمة تاع بسكرة فلجزاير حكمت ستة لمدة 4 سنين وزيد فان خبطوهم ببروسي [21].

صّلاة ولّقرايه تاع لّقرآن

edit
 
لمخلصين يصالو فتراويح في ساحة تع الجامع لكبير تع لقيروان (تونس) في رمضان تع 2012

لّمومنين يصلو صلاة التراويح في ساحة الجامع الكبير في القيروان تونس في شهر رمضان عام 2012 .وزيد علا ذاك فصيام ، يتشجعو المسلمين باش يقراو القرآن كامل و التلاوة زيادة علا ذاك بالصلاة الفردية ،الصلاة تكون في الجامع كل ليلة و يقراو اجزاء ملقرآ ن و فالتالي يكملو و يختمو الكتاب فشهر رمضان . رمضان هو فاني وقت للمسلمين باش ينقصو الخدمة تاع كل يوم و يركزو علا باش ما يجهدوش الذات ،و يطهرو نفوسهم و انشاء صلة بينهم و بين الله عزوجل بصلاة و الدعا و الصدقة و ظرافة و لمعاونة علا الناس لخاطر هاذ الشهر شهر المحبة و المشاركة بين المسلمين فلماكلة، ولا كادوات للفقراء و المحتاجين الي ما يقدروش علا داك الشي و هاذ الصدقة قادرة تكون لبسة ،ماكلة ،ولا دراهم و كاين حتا العرضة للفطور .

جوانب

edit

لّجوانب تاع رّوح

edit
 
فنانيس تع رمضان فلقاهرة في مصر
 

ماهو رمضان إلا صيام عادي وهاد تمرين روحاني ماهو٘ا إلا سبة باه نتدبرو في خلق الله و نبينولو إخلاصنا ليه. كيما ڤال لمسلم لمدين البايحاقي تع لقرن 11 بٙلي " رمضان هو شهر ص٘بر وثواب هاد صبٙر هو الجنة ,هو شهر العطاء لي يزيد فيه كل خير ،هو شهر لي بيدايتو رحمة ووسطه مغفرة واخره عتق من نار .

لّجانب لّاجتماعي و لّاقتصادي

edit

اذا كان رمضان هو وقت خاص لتقوا،هو فان وقت لي لبٝعد لمجتمع فيه [22] عندو علاقة ببعض تجاوزات لي متعلقة بلحفلات لي كاينة في عقول الناس الغير مسلمين, ولكلمة تاع رمضان تحولت مع توالي تع القرن 19 ورجعت يسموها "رمادام" الي معنتها "لحاس كبير" او "صخب" و صيام هو مناسبة للإحتفلات وهاد شي خلا لمصروف يزيد بحيث في مصر سعر مفروشات تاعهم زاد من ٪50 الى ٪100[23].و ٪30 في فرنسا [24] ، معٙا أنو الماكلة لمفيدة تتاشرا وتنقاص بلا ما يستهلكوها.هاد شهر يتماشا مع تسواڤ بصفة خاصة[25] وهاد لإستهلاك لقاوي يرافقو زيادة فلمراض تع القلب ولاوعية دماوية وفان تع الجهاز لهضمي تع عضلةالقلب ولا تع سكة ديماغية[23], [26]..

في واحد المقالات المصرية الي نشروها في رمضان الي تهدر على الدعارة والعياذ بالله [27].، قالو بلي ارتفعت نسبة الدعارة في مصر اكثر من ٪200 [28] في شهر رمضان.وكاين لعاهرات لي ما يبغوش يخدمو في رمضان [29]. نشوفو بزاف في رمضان كاين تخفيضات في الانتاج، وهادا بسبب العطل المرضية ولغيابات وغيرها لا هاد تراجع صعيب باه نبينو طبيعتو في لأسئلة تأجيل لمشروع’ فنقص ربح فلبلدان لي عندها قوة فتطبيق تلحق ٪20 .وهاد تهواد يتعدل بشوية بإعادة ربح لإستهلاك.[30].

فلقرن تاسع عشر، وعلا حساب ما ڤال لمؤرخ فرونسوا جيورجيو "اخطار التدفق لي نربطت بحاجة ترك شعب ليعبر ما بداخله" نعرفو وأخذتها بعين لإعتيبار سلطات العثمانية.وإدا لعنف ماهوش معروف فهادي لمناسبة,لحاس لي مرتبط بترفيه وصخبات معناتو موثوقة توثيقا جيدا.هذا لعنف موثق دايمن ف لبلدان المسلمة [31] بحيث " كل عام في رمضان لمداڤات يرجعو أموال جارية في طرڤان تع ماروك ويكملو دايمن بحاجة ماشي مليحة" [32] . وهذا العنف يسبب لاتونسيون من لعيا وصيام بصح فان لإرادة تع بعض لمسلمين باه يفرضو دينهم[33]. وكاين فان سبايب وحداخرين كيما اضطراب فرڤاد,وكاين تاني تكون بسبة أنوب ميشربوش القهوة ولا الشاي و الي هي المحرك تاع الجسم بحيث يفقدو السيطرة.في دراسة لي داروها ف 2005 ،علا لعنف فمملكة لعربية سعودية في شهر رمضان , صابو بلي كامل السرقات و الهجومات انخفضت و خاصة الجرايم الي متعلقة بالالكول ولا الشراب.[34] بنسبة للجيوپوليتولوڤ فڔڊريك اونسال ، ڤال بلي فترة رمضان، هي فترة مناسبة للابتعاد عن اللانفعالات و الاعتداءات و السعي للجهاد[35],[36]،و في 2016 ،كاينة منظمة ارهابية لي الدولة لإسلامية طالبت باه تكون نشطة في هاد الفترة عل جال الجهاد و الشهيد.[37].


في شهر رمضان المبارك ،ظهرت تاني المسلسلات و الافلام في التلفاز العربي، خاصة مع لحشية من جيت وقت لفطور،واذا كان لإختيار تع لبرامج حاجة لازم منها فليشان تع لعربية هذا لأنو ليغوسات لي نديروهم في ليشهار انتشرت بسرعة في هاد الشهر. و القنوات المشهورة في التلفاز تاعنا، هي تاع الارانيين ولي هي ام بي سي MBC هادي قناة من اصل سعودي لي تبث من دبي، و قالو تكلفهم اكتر من 12104 دولار في هاد الشهر المبارك، و خلال العام كامل تكلفهم حوالي 4450 دولار، معناتها ثلاث خطرات من سومتها لاولة.[38].

شوف ثاني

edit

(en)هاد لاغتيكل جاي نوصو ولا ڤاع من لاغتيكل تع ويكيپيديا بلونڤلي ولي يسموه « Ramadan»

(en)هاد لاغتيكل جاي نصو ولا ڤاع من لاغتيكل تع ويكيپيديا بلونڤلي ولي يسموه « ( Ramadan (calendar month»

بيبليوڨرافي

edit
  • (en) دخلة «رمضان » في جون إ.كامپو, لونسيكلوپيديا تع لإسلام [ « لونسوكلو پيدي تع لإسلام» ] , نيويورك , ڤاع لحاقيقات فليدوسيي , لاصقة ,« حقيقات علا لمكتبة تع دين و لأسطورات  » , فيفري 2009, لپاجة 750-XlVIII
  • لوي ڤارڊ , «رمضان» , فديكسيونار تع لإسلام, دين ولحضارة, لونسيكلوبيديا لعالمية , 2016 , زوج مقاطع

لمقالات لي عندهم علاقة

edit

ليانات خارجيه

edit

لمراجع

edit
  1. ↑ لادات تع بداية تع رمضان تع 2016 لي تفيكسا بلثنين 6 جوان في فرنسا, نشافت ف 6 جوان 2016.
  2. ↑ 2.0 2.1 لكالوندريي تع لإسلام 1438, نشاف ف 5 أكتوبر 2016. Cite error: Invalid <ref> tag; name "Ramadan 2017" defined multiple times with different content
  3. ↑ رمضان ،نشاف ف 29 جويي 2016. .
  4. ↑ 4.0 4.1 4.2 [[ |url=http://www.larousse.fr/dictionnaires/francais/ramadan/6632 ]] ]] [نشاف ف29 جويي 2016].
  5. ↑ لاروس أونسوكلوپيدي يهدر علا رمضان ، رمضان.
  6. ↑ (en ) http://www.oxfordreference.com/view/10.1093/acref/9780192800947.001.0001/acref-9780192800947-e-5941 [نشاف ف29 جويي 2016].
  7. ↑ (en) https://web.archive.org/web/20160818101317/http://oxfordindex.oup.com/view/10.1093/oi/authority.20110803100402763 [نشاف ف29 جويي 2016].
  8. ↑ لقرآن, II, 185.
  9. ↑ سوسيولوڤ تع رمضان ، فرونسوا جورجو.
  10. ↑ l=https://web.archive.org/web/20080822075059/http://fr.encarta.msn.com/encyclopedia_761559768/ramadan.html%7Cpage%3D1/2%7Csite%3D%7C%5B%D9%86%D8%B4%D8%A7%D9%81 ف29 جويي 2016]
  11. ↑ en lang|en|An Idiot's Guide to رمضان ( BBC .
  12. ↑ =http://orientxxi.info/mots-d-islam-22/ramadan,1359%7Ctitre=Ramadan%7Cauteur=Akram
  13. ↑ .en Šelomo D. Goyṭayn, en|Studies in Islamic history and institutions, éd. E. J. Brill, Leyde, .
  14. ↑ https://books.google.fr/books?id=WTak55pG-_IC&pg=PA417&lpg=PA417&dq=ramad+ash+wednesday&source=bl&ots=5SZW25MK82&sig=4YRYWTxuI9x2kwLo7dJIFfPdeok&hl=fr&sa=X&ved=0ahUKEwj6r5e0xpbNAhUFWBQKHdJ1DxQQ6AEISzAF#v=onepage&q=ramad%2520ash%2520wednesday&f=false
  15. ↑ 15.0 15.1 15.2 سعودية
  16. ↑ رمضان, "https://web.archive.org/web/20140217032935/http://www.le-ramadan.com/", نشاف في 5 أكتوبر 2015.
  17. ↑ en Questions sur le ramadan (رمضان).
  18. ↑ en Observation du croissant de lune (Comité pour l'observation du croissant).
  19. ↑ [[Lien https://web.archive.org/web/20080902005621/http://fr.encarta.msn.com/encyclopedia_761559768_2/ramadan.html نشاف ف 26 جويي 2016
  20. ↑ , نشاف ف 13 جويي 2016.  : http://www.universalis.fr/encyclopedie/ramadan/
  21. ↑ en « [[lang|en|Algerians jailed for breaking Ramadan fast}} », 7 أكتوبر 2016.
  22. ↑ http://www.lefigaro.fr/actualite-france/2009/08/21/01016-20090821ARTFIG00011-le-ramadan-seduit-de-plus-en-plus-les-jeunes-.php%7C نشاف ف8 جوان 2016
  23. ↑ 23.0 23.1 =http://www.courrierinternational.com/article/2009/09/17/les-exces-du-ramadan%7Csite%7C نشاف ف 26 سپتمبر 2009
  24. ↑ http://www.lemonde.fr/vous/article/2012/07/19/le-caddie-moyen-d-une-famille-qui-fait-le-ramadan-augmente-de-30_1735558_3238.html%7C نشاف ف9 چوان 2016
  25. ↑ http://www.lefigaro.fr/conso/2014/06/28/05007-20140628ARTFIG00099-consommation-le-ramadan-un-vrai-business.php نشاف ف9 چوان 2016
  26. ↑ http://www.ladepeche.fr/article/2010/08/09/886670-jeune-ramadan-consequences-sante-precautions-.html%7Csite%7C نشاف ف 9ڇوان 2016
  27. ↑ http://www.lemonde.fr/afrique/article/2008/09/29/jours-de-ramadan-a-tetouan_1100804_3212.html%7C نشاف ف 9 چوان 2016
  28. ↑ http://www.courrierinternational.com/breve/2009/09/04/le-ramadan-entraine-t-il-une-baisse-de-la-productivite%7C نشاف ف8 چوان 2016
  29. ↑ http://www.france24.com/fr/20130320-tunisie-prostitution-islam-predicateur-bahrein-maison-close نشاف ف9 جوان 2016
  30. ↑ http://www.20minutes.fr/economie/1207755-20130807-20130807-ramadan-a-t-il-impact-economique نشاف ف9 جوان 2016
  31. ↑ http://www.bladi.net/casablanca-crime-ramadan.html نشاف ف9 چوان 2016
  32. ↑ http://www.huffpostmaghreb.com/2016/06/08/ramadan-maroc_n_10352228.html نشاف ف9 چوان 2016
  33. ↑ |http://www.lexpress.fr/actualite/societe/fait-divers/une-serveuse-frappee-a-nice-parce-qu-elle-servait-de-l-alcool-lors-du-ramadan_1799968.html%7C نشاف ف9 چوان 2016
  34. ↑ http://www.nauss.edu.sa/En/DigitalLibrary/ScientificTheses/Documents/Master_1425-1426_PS_ps26en.pdf%7Cformat=PDF%7C نشاف ف23 مارس 2011
  35. ↑ http://www.bfmtv.com/societe/frederic-encel-pour-les-islamistes-c-est-pendant-le-ramadan-qu-il-faut-frapper-897695.html نشاف ف8 جوان 2016
  36. ↑ http://www.dw.com/fr/le-ramadan-p%25C3%25A9riode-de-paix/a-19310618%7Csite=Deutsche نشاف ف9 جوان 2016
  37. ↑ http://www.metronews.fr/info/nouvelles-menaces-de-daech-le-ramadan-periode-a-risques-pour-les نشاف ف8 جوان 2016
  38. ↑ http://tvmag.lefigaro.fr/le-scan-tele/etranger/2015/06/19/28007-20150619ARTFIG00387-ramadan-le-mois-o-le-monde-musulman-regarde-le-plus-la-television.php نشاف ف 29 جويي 2016
Retrieved from "https://incubator.wikimedia.org/w/index.php?title=Wp/arq/رمضان&oldid=5293694"