Wp/arq/بغرير

< Wp‎ | arqWp > arq > بغرير

بغرير ولا لغريف ولا لغرايف يخدموه في بلدان المغاربة (تونس جزاير مروك). هو عجينة تنصنع من اسميد.خميرة و ملح . ينتكل سخون و مسقي بزبدة و لعسل . يسموه بشاوية خرينقو.ادرنان.ثريقن . ثوفيست و بفرونسي يقولولو الف ثقبة . بغرير يطيب غير على جيهة وحدة و فوقت طياب تولي تبان وحد ثقبات صغيرا تاع واحد ولا زوج ميليمتر ملجيهة لفوقانية.

طبسي تع بغرير
بغرير ب سكر
بغرير 3

سمياتوEdit

فبلاد لمغاربة هادو لفطاير يدو بزاف اسامي . يقولولو خرينقو بلوهرانية في لجيهة شمالية لغربية مدزاير. يسميوه ثاني حنية تيبواجاجات ولا تعريفن عند لقبايل . يتسمى كورسة فقسنطينة و سكيكدة . غرايف ولا غريف فشرق لجزائري( عنابة.جيجل.ميلة.سكيكدة و سطيف)

كيفاه يتكلEdit

فدزاير ينتكل بغرير حلو وّلا مالح .ينتكل حلو مع لاتاي و لقهوة على حساب لمنطقة. .فالجزاير لعاصمة يتسقى بسيرو تقليدي بلما ورد و لقرفة . فقبايل يترش بزيت زيتون و سكر . و فبلايص لخرين بغرير يكون بزبدة و عسل .فقبايل و غرداية كاين وين ينتكل بغرير مالح . تنحط فطيرة فوق ختها و ينحط في وسطهم بصل و طوماطيش و لحم .

لوصفة تاع لبغريرEdit

كاين زوج طرق تاع لبغرير وحدة تقليدية و وحدة جديدة ،التقليدية يديرو فل لعجينة السميد (لي رقيق ) على حساب ما تبغي و يزيدو الملح و الخمارة تاع لخبز و يلمو لعجينة بالماء و كي تتلم يدلكوها مليح و يزيدولها الماء بشوية و يعاودو يدلكوها حتى تولي عجينة جارية شوية .

و البغرير لي لوصفة تاعو جديدة يڨولولو لبغرير تاع لميكسور (الخلاط الكهربائي) لقيباش لعجينة ما يلموهاش ب ليد يخلطوها غير بل ميكسور و يجي بغرير خفيف و هايل و نقدرو نديروه بلخف .يديرو ف لعجينة تاعو 3 كيسان سميد و مغرف كبيرة فرينة ،مغرف صغيرة خمارة تاع لخبز و 2 خمارة تاع ڨاطو ،مغرف صغيرة سكر و 4 كيسان ماء و اذا كانت لعجينة ماشي جارية بزاف نزيدو كاس ماء و من بعد نخلطوها بل ميكسور ربع ساعة حتى تتطلع رغوة من لعجينة و نخلوها شوية تريح و نطيبوها .[1]

 
بغرير 1
 
بغرير
 
عجينة تاع لبغرير
 
بغرير بلعسل
 
بغرير رولي

لي سورسEdit

  1. طريقة عمل غريف - 42 وصفة غريف سهلة وسريعة