Wt/zea/AB-borretje

Zeêuws

Etymologie

Uut A, B en borretje, verkleinwoôrd van bord.

Omschrievienge

AB-borretje o

1. ouwerwes schoolborretje, bestaende uut 'n 'outere plankje mee 'n plaetje van 'oôrn en de letters d'rop geplekt; nae de negentienden eêuw allêne bekend uut 't onderstaende riempje
2. baksel in dien vurm, vroeger mee sinterklaos gegete mae noe nie meêr bekend

Uutspraek

[ɑˈbeːˌbɔrəçə ~ ...ˌbʌrəçə]; in 't riempje: [ˈɑ.ˈbeːˈbɔrəçə, ...ˈbʌrəçə]

Verbugienge

AB-borretjes meêrvoud

Riempje

AB-borretje,

De meêster eit 'n snorretje

(de meêster eit 'n sik,

af/of bin ik)

Variaoties bin d'r t'over, dikkels mee woôrden die op d'r eige gin beteikenisse è:

• AB-blik, de meêster eit 'n sik
• AB-baerd, de meêster eit 'n staert
• AB-bot, de meêster dien is zot

Vergliekt ok 't Nederlandse riempje ikke pikke porretje.

Aore spelliengen

• A-B-borretje Woordenboek der Zeeuwse Dialecten
• ab-borretje

Opmerkienge: de Nederlandse spelliengsregels, daerat de Noe-spellienge van uutgaet, bin nie glad dujelijk over de spellienge van woôrden mee letters; 't zou nog kunne dat de spellienge mee kleine letters de juuste is.

Vertaeliengen

±borretje om te lêre lezen

• Latijn: abcdarium o (Middeleêuws Latijn)

• Limburgs: laesplank m
• Nederlands: leesplankje o

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 1