Nordbiemsch (deitsch: Nordböhmische deutsche Mundarten) wurden eim Norda vo Biehma bis zerr Vertreibung dar Sudetadeitscha noach 1945 gesprocha. Anne Zeit lang warn se noo bei'na ieber Deitschland un suste wo zerstreuta Vertriebena fortlaba. Gänzlich vum Aussterba bedroht ies oaber under diesen Mundoarta blußig doas Schläsche, denn de iebriga warn (zim wingsta ei siehr ehnlicher Furm) ei a oangrenzenda Gegenda Deitschlands gesprucha.
Eim einzelna hoot's ei Nordbiehma vier Dialekte gehoat:
- Egerländisch — ei dar Gegend vo Karlsbad, verwandt miet dam Oberfränkischen/Oberpfälzischen
- Erzgebergisch — zwischa Komotau un Teplitz-Schönau, eim wesentlicha wie ei Deitschland um Annaberg-Buchholz
- Äberlausitzisch — zwischa Tetschen un Gablonz, ähnlich wie ei Deitschland um Zittau
- Schläsch — bei Trautenau, ähnlich wie eim Sieda des (itze zu Pula geheerenda) Niederschläsing
Zu diesa Hauptdialekta gab is Misch-, Iebergangs- un Sonderforma, wie u.a. die Mundoarta des Elbtals eim Raum Teplitz-Aussig-Tetschen, oder doas "Niederländische" (genannt noach dem su genannten "Niederland" - doas ies de Gegend vo Warnsdorf-Rumburg).
