De Sudetendeitscha underschieda siech noach Mundoart, Herkunft on regionaler Kultur entsprechend dann angrenzenden deitscha Regionalbevölkerunga dar Aaltbaiern, Franka, Obersachsa (Thüringer) on Schläsinger. Se sproacha nordbairische, au vum Fränkischa beeinflusste Urtsdialekte eim nordwestlichen Egerland, schläsche Urtsdialekte ei Nordmähra on bairische Urtsdialekte eim Süda on Südwesta des Landes. De verschiedena sudetendeitscha Dialekte lassen siech ei fünf Mundoartlandschofta underteela:
- Mittelbairisch (Südmähra, underer on mittlerer Böhmerwald, Schönhengstgau, de Sproachinseln vun Budweis, Wischau, Brünn on Olmütz).
- Nordbairisch oder Oberpfälzisch (Westböhmen, Iglauer Sproachinsel).
- Ustfränkisch (kleenste Sproachlandschoft; se reichte vum Erzgebirge ieber Nordwestbiehma bis ei de Gegend vun Bamberg on woar au noo eim Schönhengstgau on eim mittleren Nordmähra vertreten).
- Schläsch (Ustbiehma, Nordmähra).
- Thüringisch-Obersächsisch (Nordbiehma on oals Mischdialekt mit damm Nordbairischen ei dar Iglauer Sproachinsel).
Weblinks
edit- Schlesische Gedichte verfasst in Wallsteiner Mundart
- Hofer Mundart (Hof in Mähren, bimsch: Dvorce u Bruntálu)
