मलयाल या मलयालम् (മലയാളം, मलयाळम्) एगो द्राबिड़ीयभासा हई जे भारतीयराज्ज केरल आउ केन्द्रसासितपरदेस लक्षद्दीप आउ पुडुचेरी (माहे मण्डल) मे मलयाली लोगद्वारा बोलल् जाहई। इ भारतके २२ अनुसूचित भासामे से एक हई। मलयालम् के २०१३ मे "भारतके सास्त्रीयभासा" नामित करल् गेलीहल्। मलयालके केरल, लक्षद्दीप आउ पुडुचेरी (माहे) मे अधिकारिक भासाके दर्जा प्राप्त हई, आउ भारतमे ३.४ करोड़ लोगद्वारा बोलल् जाहई। मलयाल पड़ोसी राज्जोमे भासायी अल्पसङ्ख्यक द्वारा बोलल् जाहई; कर्नाटकके कोडगु आउ दक्खिन कन्नड मण्डल आउ तमिल्नाडुके कन्याकुमारी मण्डलमे बड़ा सङ्ख्यामे बक्ताके साथे। इ बिस्वभरमे मलयाली परवासीयो द्वारा बोलल् जाहई, बिसेसरूप से फारसी खाड़ीके देसमे, ओहाँ मलयाली परवासीके बड़ा जनसङ्ख्याके चलते। मुम्बई, बेङ्गलुरु, दिल्ली, कोलकाता, पुने आदि सहित भारतके प्रत्तेक नगरमे महत्वपूर्न जनसङ्ख्या हई।