केरल (केरळ; मलयालम्: കേരളം, केरळम्) भारतके एगो राज्ज हई। एकर् राजधानी तिरुवनन्तपुरम् (त्रिवेन्द्रम्) हई। मलयालं एहाँके मुखभासा हई। हिन्दु आउ मुसलमानके अतिरिक्त एहाँ ईसाईयो बड़सङ्ख्यामे रहहथिन्। भारतके दक्खिन-पच्छिमी सीमापर अरबसागर आउ सह्याद्रि पर्बत श्रृङ्खलाके मध्ध एगो सुन्दर भूभाग स्थित हई, जकरा केरल नामसे जानल् जाहई। इराज्जके क्षेत्रफल ३८,८६३ बर्गकिलोमीटर् हई आउ एहाँ मलयालभासा बोलल् जाहई। अपन सन्स्कृति आउ भासा-वैशिष्ट्यके चलते पहचाने जाए बाला भारतके दक्खिनमे स्थित चार राज्जमे केरल प्रमुख स्थान रखहई। एकर् पड़ोसी राज्ज तमिल्नाडु आउ कर्नाटक हई। पुदुच्चेरी (पाण्डिचेरि) परदेसके माहि नामसे जानल् जाए बाला भूभागो केरल राज्जके अन्तर्गत स्थित हई। अरबसागरमे स्थित केन्द्रसासितपरदेस लक्षद्वीपोके भासा आउ सन्स्कृतिके दृष्टिसे केरलके साथे अटूट सम्बन्ध हई। स्बतन्त्रता प्राप्तिसे पहेले केरलमे राजाके रियासत हलई। जुलाई १९४९ मे तिरुविताङ्कूर आउ कोच्चिन रियासतके जोड़के 'तिरुकोच्चि' राज्जके गठन करल् गेलई। उबेरा मालाबारपरदेस मद्रासराज्ज (बर्तमान तमिल्नाडु) के एगो मण्डल मात्र हलई। नबम्बर १९५६ मे तिरुकोच्चिके साथे मलाबारोके जोड़ल् गेलई आउ इतरह बर्तमान केरलके स्थापना होलई। इप्रकार 'ऐक्य केरलम्' के गठनके द्वारा इभूभागके जनताके दीर्घकालीन अभिलासा पूरा होलई।
सम्बन्धित लेख Edit
सन्दर्भ Edit