मलयाल या मलयालम् (മലയാളം, मलयाळम्) एगो द्राबिडीयभाषा हे जे भारतीयराज्ज केरल आउ केन्द्रसासितप्रदेस लक्षदीप आउ पुदुच्चेरी (माहे मण्डल) मे मलयाली लोगद्वारा बोलल जाहे । ई भारतके २२ अनुसूचित भाषामे से एक हे । मलयालके २०१३ मे "भारतके सास्त्रीयभाषा" नामित करल गेलीहल । मलयालके केरल, लक्षदीप आउ पुदुच्चेरी (माहे) मे अधिकारिकभाषाके दर्जा प्राप्त हे, आउ भारतमे ३.४ करोड़ लोगद्वारा बोलल जाहे । मलयाल पड़ोसी राज्जोमे भाषायी अल्पसङ्ख्यकद्वारा बोलल जाहे; कर्नाटकके कोडगु आउ दक्खिनकन्नड मण्डल आउ तमिल्नाडुके कन्याकुमारी मण्डलमे बड़का सङ्ख्यामे बक्ताके साथे । ई बिस्वभरमे मलयाली प्रवासीयोद्वारा बोलल जाहे, बिसेसरूप से फारसी खाड़ीके देसमे, ओहाँ मलयाली प्रवासीके बड़ा जनसङ्ख्याके चलते । मुम्बई, बेङ्गलुरु, दिल्ली, कलकाता, पुने आदि सहित भारतके प्रत्तेक नगरमे महत्वपूर्ण जनसङ्ख्या हे ।