Wp/mag/आन्ध्रप्रदेस
आन्ध्रप्रदेस (आन्ध्रप्रदेश; तेलुगु: ఆంధ్ర ప్రదేశ్; सङ्क्षिप्त आ॰प्र॰) भारतके दक्खिन-पूरुबी तटे स्थित राज्ज हे । क्षेत्रफलके अनुसार ई भारतके सतमा सबसे बड़का आउ जनसङ्ख्याके आधारपर पचमा सबसे बड़का राज्ज हे । राज्जके राजधानी अमरावती आउ सबसे बड़कनगर बिसाखपट्नं हे। भारतके सब राज्जमे सबसे लम्बा समुद्रतट गुजरातमे (१६०० कि॰मी॰) होवित, दुसरा स्थानपर ई राज्जके समुद्रतट (९७२ कि॰मी॰) हे ।
आन्ध्रप्रदेस १२°४१' आउ २२°उ॰ अक्षान्स आउ ७७° आउ ८४°४०'पू॰ देसान्तर रेखान्सके बीचे हे आउ उत्तरदन्ने महाराष्ट्र, छत्तीसगढ़ आउ उड़ीसा, पूरुदन्ने बङ्गालके खाड़ी, दक्खिनदन्ने तमिल्नाडु आउ पच्छिदन्ने कर्नाटकसे घिरल हे । इतिहासिकरूपसे आन्ध्रप्रदेसके "भारतके धानके कटोरा" कहल जाहे । हिँयाके फसलके ७७% से बेसी भाग चौर हे । ई राज्जमे दू प्रमुख नदी, गोदाबरी आउ कृष्णा बहहे । पुदुच्चेरी (पाण्डीचेरी) प्रदेसके यनम मण्डलके छोट अन्तःक्षेत्र (३० बर्गकि॰मी॰) ई राज्जके उत्तर-पूरुबमे स्थित गोदाबरी डेल्टामे हे ।
सम्बन्धित लेख
editसन्दर्भ
edit