गुजरात (गुजराती: ગુજરાત; /ˌɡʊdʒəˈrɑːt/) पच्छिमी भारतमे स्थित एगो राज्ज हई। एकर् उत्तरी-पश्चिमी सीमा जे अन्तर्राष्ट्रीयो सीमा हई, पाकिस्थानसे लगहई। राजस्थान आउ मध्धपरदेस एकर् क्रमशः उत्तर आउ उत्तर-पूरुदने स्थित राज्ज हई। महाराष्ट्र एकर् दक्खिनदने हई। अरबसागर एकर् पच्छिमी-दक्खिमी सीमा बनावहई। एकर् दक्खिनी सीमापर दादर आउ नगरहबेली आउ दमन आउ दीव हई। इराज्जके राजधानी गान्धीनगर हई। गान्धीनगर, राज्जके प्रमुख ब्यवसायिककेन्द्र अहमदाबाद् के भीरु स्थित हई। गुजरातके क्षेत्रफल १,९६,०२४ किलोमीटर् हई।
भूतकालमे एकरा गुर्जरत्रापरदेस (गुर्जरत्राप्रदेश) के नामसे जानल् जाहलई।
कच्छ, सौराष्ट्र, काठियावाड, हालार, पाञ्चाल, गोहिलवाड, झालावाड एकर् परदेसिक सन्स्कृतिक अङ्ग हई। इनखर् लोकसन्स्कृति आउ साहित्तके अनुबन्ध राजस्थान, सिन्ध आउ पञ्जाब, महाराष्ट्र आउ मध्धपरदेसके साथे हई। बिसाल सागरतटबाला इराज्जमे इतिहास जुगके आरम्भ होबेसे पहलहीँ अनेक बिदेशी जाति थल आउ समुद्रमार्गसे आके स्थायीरूपसे बसल् हथिन्। एकर् उपरान्त गुजरातमे अट्ठाइस आदिबासी जाति हई। जन-समाजके ऐसन् बैविध्यके चलते इपरदेसके भाँति-भाँतिके लोक सन्स्कृतिके लाभ मिललैहे।
सम्बन्धित लेख Edit
सन्दर्भ Edit