महाराष्ट्र (मराठी : महाराष्ट्र/𑘦𑘮𑘰𑘨𑘰𑘬𑘿𑘘𑘿𑘨) भारतके एगो राज्ज हे जे भारतके पच्छिमी प्रायद्वीपीय क्षेत्रमे स्थित हे । एकर गिनती भारतके सबसे धनी आउ समृद्ध राज्जमे करल जाहे । महाराष्ट्र सब्द संस्कृतके हे जे दु सब्दद्वारा मिलके बनल हे 'महा' आउ 'राष्ट्र' जेकर अर्थ होवहे महान देस । ई नाम हिँयाके सन्तके देन हे । एकर राजधानी मुम्बई हे जे भारतके सबसे बड़नगर आउ देसके आर्थिक राजधानीके रूपोमे जानल जाहे। हिँयाके पुनेयो नगर भारतके बड़महानगरमे गिनल जाहे जे भारतके छठा सबसे बड़नगर हे ।
महाराष्ट्रके जनसङ्ख्या २०११ मे ११,२३,७२,९७२ हलै, बिस्वमे खाली इगारह ऐसन देस हे जेकर जनसङ्ख्या महाराष्ट्रसे बेसी हे । ई राज्जके निर्माण १ मई, १९६० के मराठीभाषी लोगके माङ्गपर करल गेलीहल । हिँया मराठीभाषा अधिक बोलल जाहे । मुम्बई, अहमदनगर, पुने, औरङ्गाबाद्, भोकरदन, कोल्हापुर, नासिक, नागपुर, ठाने, सिर्डी, मालेगाँओ, सोलापुर, अकोला, लातुर, उस्मानाबाद्, अमरावती आउ नान्देड महाराष्ट्रके मुख्यनगर हे ।
सम्बन्धित लेख edit
सन्दर्भ edit