Wp/mag/आन्ध्रप्रदेस
आन्ध्रप्रदेस (आन्ध्रप्रदेश; तेलुगु: ఆంధ్ర ప్రదేశ్; सङ्क्षिप्त आ॰प्र॰) भारतके दखिन-पूरबी तटपर स्थित राज्ज हे। क्षेत्रफलके अनुसार ई भारतके सतमा सबसे बड़का आउ जनसङ्ख्याके आधारपर पचमा सबसे बड़का राज्ज हे। राज्जके राजधानी अमरावती आउ सबसे बड़कनगर बिसाखपट्नं हे। भारतके सब राज्जमे सबसे लम्बा समुद्रतट गुजरातमे (१६०० कि॰मी॰) होवित, दूसरा स्थानपर ई राज्जके समुद्रतट (९७२ कि॰मी॰) हे।
आन्ध्रप्रदेस १२°४१' आउ २२°उ॰ अक्षान्स आउ ७७° आउ ८४°४०'पू॰ देसान्तर रेखान्सके बीचे हे आउ उत्तरदने महाराष्ट्र, छत्तीसगढ़ आउ उड़ीसा, पूरुदने बङ्गालके खाड़ी, दखिनदने तमिल्नाडु आउ पच्छिदने कर्नाटकसे घिरल हे। इतिहासिकरूपसे आन्ध्रप्रदेसके "भारतके धानके कटोरा" कहल जाहे। इहाँके फसलके ७७% से बेसी भाग चौर हे। ई राज्जमे दु प्रमुख नदी, गोदाबरी आउ कृष्णा बहहे। पुदुचेरी (पाण्डीचेरी) प्रदेसके यनम मण्डलके छोटा अन्तःक्षेत्र (३० बर्गकि॰मी॰) ई राज्जके उत्तर-पूरबमे स्थित गोदाबरी डेल्टामे हे।
सम्बन्धित लेख Edit
सन्दर्भ Edit