Subota jest šesty denj v sedmici, denj medžu petkom i neděljeju. V krajah, kde suprotiv standarda ISO 8601 prvym dnjem sedmice jest obyčajno nedělja, subota jest 7. denj v sedmici. Subota jest obyčajno prvy denj odpočinka v krajah s 5-dnjevnoju rabotnoju sedmiceju.
V pravoslavju subota jest denj Bogorodice i vsih svetyh, i v tuty denj jim posvečajut razne molitvy. V judaizmu šabat počinaje se s zahoda solnca v petku i prodolžaje se do zahoda solnca v subotu. V Izraelju v subotu sut zatvorene vse državne institucije i večinstvo biznesov.
V slovjanskyh jezykah ime suboty proizhode od hebrejskogo "šabat", ktoro prišlo v njih črěz hristijanstvo (běl.: субота; bulg.: събота; češ.: sobota; mak.: сабота; pol.: sobota; rus.: суббота; srbohrv.: subota; slovač.: sobota; sloven.: sobota; ukr.: субота). V romansskyh i germanskyh jezykah ime suboty proizhode od slov "denj planety Saturna". V inyh jezykah subota često imaje nazvu "6. denj", jestli sčitati od ponedělka, ili "7. denj", jestli sčitati od nedělji.
Vněšnje linky
edit- Tutoj članok imaje prěvod iz članka "Saturday" v Vikipediji na anglijskom (spis avtorov; dozvoljeńje CC BY-SA 4.0).