Wp/isv/Hej, slovjani

"Hej, slovjani" jest patriotična pěsnja, panslavističny himn. Himn panslavističnogo dvižeńja, sportivnogo dvižeńja "Sokol", byly državny himn Prvoj Slovačskoj republiky (1939–1945), Jugoslavije (1945–2003) i unije Srbije i Črnoj gory (2003–2006). Muzika pěsnje jest poljsky državny himn Mazurek Dąbrowskiego, ale v inom tempu.

Srbskohrvatsky tekst pěsnji, ktory pozdněje stal himnom Jugoslavije

Pěsnju stvoril slovačsky evangelijsky duhovnik Samo Tomašik v 1834 roku pod nazvoju "Hej, slovaki" (slovač.: Hej, Slováci). Poslě on izměnil slova pěsnji, da by vključiti vsih slovjanov, i ona stala izvěstnym nacionalističnym himnom slovjanov, osoblivo v Avstro-Vugriji.

Nazvy

V slovjanskyh jezykah pěsnja imaje slědne nazvy:

• běl.: Гэй, славяне
• bulg.: Хей, славяни
• češ.: Hej, Slované
• mak.: Еј, Словени
• pol.: Hej Słowianie
• srbohrv.: Хеј Словени, Hej Slaveni
• rus.: Гей, славяне
• slovač.: Hej, Slováci, Hej, Slovania
• ukr.: Гей, слов’яни

Tekst

Muzika prvogo verša pěsnji "Hej, slovjani"

Prěvod Vojtěha Merunky na medžuslovjansky:

Hej, slovjani, ješče naša
slovjanska rěč žije.
Hej, slovjani, ješče srdce naše
za naš narod bije!

Žije, žije duh slovjansky,
bude žiti věčno.
Grom i peklo, neprijaznj,
pobědimo močno!

Prěvod Aleksěja Bernata na medžuslovjansky:

Hej, Slovjani, ješče žive
Naše rodno slovo
Naše sŕdce za nje bije
Dėnj za dnjem nanovo

Žive žive duh slovjańsky,
Věčno bųde žiti
Vaše peklo my bųdemo
Bystro poběditi

Dar języka nam davaje
Bog naš Gromovladny
Pri njem vśaky vrågy člověk
Cělkom jest bezvladny

Prěvelika, strašna burja
Nehaj jest nad nami
Dųb padaje, zemja gori
Niščena gromami

Naša sila kako kamenj
Bystrosť kako voda
Mati Zemjo ubij togo
Kto jest vråg naroda/Kto jest věrolomnik