Wb/nia/Nehemia/2

I. Itehe khö Nehemia we'amöi ba Yeruzalema razo

1 Ba me baŵa Nisana, me no alua sara ambö dua wulu fakhe razo Aretazasa, me so fönania nagu, ba uhalö nagu andrö ba u'oro'ö khö razo ba lö ufa'ila'ö khönia ena'ö, wa lö sökhi-sökhi dödögu. 2 Ba imane khögu razo: Hana wa no afusi mbawau, ba tenga sa ato sofökhö ndra'ugö. 3 Ba ata'u sibai ndra'o. Ba umane khö razo: Ya anau manö noso razo! Hana wa lö afusi mbawagu, na no adudu mbanua andrö, si so lewatö ndra tuagu, ba na no akhozi mbawa gölinia? 4 Ba imane khögu razo: Ba hadia ato ni'andröu? Ba mangandrö ndra'o khö Lowalangi ba zorugo; 5 ba awena umane khö razo: Na atulö khö razo, ba na si tola genoniu andre öŵa'ö —: fa öfatenge ndra'o ba danö mado Yuda, ba mbanua andrö, si so lewatö ndra tuagu, ena'ö ufuli utaru'ö. 6 Ba imane khögu razo — no dumadao ba ngainia ngambatönia — imane: Ha wa'ara ndra'ugö, na möi'ö, ha wa'ara öfuli'ö? Tobali atulö khö razo ifatenge ndra'odo; ba u'ötö khönia mbongi. 7 Ba umane na khö razo: Na atulö khö razo, ba ndramube'e khögu zura ba gumandru ba danö andrö, yefo Oifarati, ena'ö böi lataha ndra'o, balazi urugi danö mado Yuda, 8 ba sura khö Gasafo andrö, samaigi-maigi eu ba gatua khö razo, ena'ö ibe'e khögu geu balo, boha mbawa göli khögu ba mbawa göli hati andrö, ba ngai gosali, ba soguna ba göli mbanua ba ba nomo andrö nahiagu. Ba itehe khögu razo, me no itolodo tanga Lowalangigu, sebua tödö khögu.

II. Irugi, ba me no aefa ifaigi, ba ifarou dödö zatua, ba wangazökhi öli

9 Ba me urugi ndra kumandru ba danö yefo Oifarati, ba ube'e ba dangara zura razo; ba no ifatenge göi gumandra ba si fakudo razo, awögu. 10 Ba me larongo ira Sanabala, banua Horono, Tobia enoni andrö, Iraono Gamoni, ba afökhö khöra, me no so zanolo Iraono Gizeraeli, ena'ö ohahau dödöra. 11 Ba urugi Yeruzalema, ba me no tölu bongi ndra'o ba da'ö, ba maoso ndra'o, utörö bongi, 12 lö atoto nawögu, lö ni'ombakha'ögu ba niha bö'ö hadia nibe'e Lowalangigu ba dödögu fanologu Yeruzalema, ba lö u'ohe kudo, ha si sageu andrö, ba zi fakudo ndra'o. 13 Ba utörö mbawa göli ba ndraso, ba zi bongi, mitou ba gumbu naga ba ba mbawa göli golawua; ba u'amaigi'ö öli Yeruzalema si no abökha, ba bawa göli, si no akhozi. 14 Ba usaŵa mbaŵa göli ba mba'a ba baŵa razo; ba lö'ö sa'ae naha gahe kudogu, tebai itörö, barögu. 15 Ba u'osisi miyaŵa ndraso, ba zi bongi, ba u'amaigi'ö öli. Ba ba mbawa göli ba ndraso zui utörö, wangawuli miyomo. 16 Ba satua, ba lö la'ila, heza möido, ba hadia danigu, irege da'ö, ba lö ni'ombakha'ögu, he ba niha Yehuda [sato], ba he ba gere ba he ba zalaŵa ba he ba zatua ba he ba danö bö'ö fefu, sohalö-halöŵö. 17 Ba umane khöra: Mi'ila wangabu dödö andrö khöda, me no adudu Yeruzalema ba me no akhozi mbawa göli. Talabu, ta'azökhi göli Yeruzalema, fa böi sa'ae la'igi'igi'ö ita! 18 Ba awena u'ombakha'ö khöra, wa no itolodo tanga Lowalangigu, si no ebua tödö khögu, awö niŵa'ö razo khögu. Ba lamane: Talabu, talau! Ba la'abe'e'ö ira ba halöŵö si sökhi andrö.

III. Fa'udusa Zanabala andrö

19 Ba me larongo da'ö ira Sanabala, banua Horono, Tobia, enoni andrö, Iraono Gamoni ba Gesemi, Dawa Ara, ba la'o'aya ndra'aga, ma'iki ira khöma, ba lamane: Hadia da'ö khömi, nilaumi andrö? 20 Hadia, milaŵa razo? Ba utema lira, umane khöra: Lowalangi andrö ba zorugo zame'e mofozu khöma dania; ba ya'aga, enoninia andre, ba malau, ma'azökhi. Ba ya'ami, ba tenga awö ami, lö tana khömi, ba tenga si lö olifu mbanua Yeruzalema dania ami.

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö