Wb/nia/Nehemia/1

I. Irongo wa'abu dödö mbanua Yeruzalema Nehemia

1 Hikaya khö Nehemia andrö, ono Hakalia. Me baŵa Kisilewi, döfi si dua wulu, me sodo ba gödo ba Zusa, 2 ba möi khögu nakhigu Hanani, awö mado Yuda ösa. Ba me usofu khöra, he wisa ba niha Yehuda sauri andrö, si tosai ni'oloi'ö no, ba he wisa ba Yeruzalema, 3 ba lamane khögu: Si tosai andrö, si lö ahori ni'oloi'ö no, ba danö andrö, ba no numana sibai ba no si tehawu fa'aila, me no mududugö göli Yeruzalema öli kara, ba me no mutunu mbawa göli.

II. Fangandrönia khö Lowalangi

4 Ba me urongo duria andrö, ba mudadaodo tou, mege-egedo ba mangarö-ngarödo, mato dua wongi wa'ara; ba mamoni ba gö ndra'o ba mangandröngandrö ndra'o khö razo zorugo, umane: 5 "He Yehowa, Lowalangi ba zorugo, Lowalangi sebua ba sata'u ita, si lö mowu'ai fawu'usa li fa'ahakhö dödö andrö ba zangomasi'ö ya'ugö ba ba zolo'ö oroisamö. 6 Be'e mbörö dalingamö ba bokai höröu, ena'ö örongo wangandrö genoniu andre, si lö ubato khöu iada'e, bongi ma'ökhö, salahi Ndraono Gizeraeli, enoniu andrö, wangombakha khöu horö Ndraono Gizeraeli, horöma khöu; he ya'odo andre, ba ya'aga si samba omo, ba oi si no molalö khöu. 7 No tenga side-ide horöma khöu, ba lö ni'o'öma oroisamö, awö nifakhoimö, awö hukumö andrö, niŵa'öu khö genoniu Moze. 8 Törö tödöu daroma limö andrö, niŵa'öu, khö genoniu Moze, me ömane: Na molalö ami, ba ufazaewe ami ba niha baero! 9 Ba na mifalalini gera-erami, na mifuli ami khögu, ba na mibe'e ba dödömi goroisagu ba na mi'o'ö, ba he ba wondrege, ba gahe mbanua so nifazawili andrö khömi, ba u'ozaragö zui ira ba u'ohe mangawuli ba danö andrö, nituyugu, ba wamonahia töigu ba da'ö. 10 Noa sa ato enoniu ira ba banuau, ni'orifimö mege, ba wa'abölöu andrö, tangau sabe'e andrö. 11 He So'aya, be'e mbörö dalingau ba wangandrö genoniu andre ba ba wangandrö genoniu sato, somasi mangata'ufi töimö andrö: tolo, ena'ö mofozu nilau genonimö andre ma'ökhö, ba ena'ö falukha ia wa'ahakhö dödö razo andrö!" Ba ya'odo, ba same'e yomo gö khö razo.

Famotokhi ba gahe

Fabaliŵa lala

Olayama Nehemia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö