Famasao edit
Kamus Nias-Jerman (li Jerman, Niassisch-deutsches Wörterbuch) no sambua kamus nifa'anö Heinrich Sundermann, samösa falito Protestan ba Danö Niha soroi ba danö Jerman. Mohalöŵö ia ba Danö Niha i'otarai ndröfi 1875 irugi 1910. Götö we'asonia andrö i'ali Zura Ni'amoni'ö ba li Niha (Amabu'ulali Siföföna 1911, Amabu'ulali Sibohou 1892), ifa'anö nifotöi goi-goi li Niha ba li Jerman (Niassische Sprachlehre, 1913) awö kamus Nias-Jerman andre (Niassisch-Deutsches Wörterbuch, 1905).
Börö me kamus andre tefa'anö ba ginötö te'ali Zura Ni'amoni'ö ba li Niha, oya wehede satua si so bakha ba da'ö, si lö sa'ae te'oguna'ö ma'ökhö. Andrö wa moguna sibai kamus andre tobali umbu ba wangalui eluaha ngawalö wehede sambö ta'ila eluaha bakha ba Zura Ni'amoni'ö.
Ena'ö aoha khöda wangalui ngawua wehede, andrö wa uhalö ginötö ba wamazökhi versi digital. Töra ha'uga waŵa mohalöŵödo ba wamazökhi ya'ia (mangoguna'ö wakake nifotöi scanner, aefa da'ö te'oguna'ö optical character recognition (OCR) ba wombali'ö gambara tobali hurufo, ba awena aefa da'ö mutafi'ö ia ba wangehaogö oi zi fasala).
No irai sa ufairö versi digital andre ba nahia bö'ö fatua lö na sa so Wiki Nias[1], bahiza ufuli ufalemba ia ba da'a ena'ö aoha wamakhai ya'ia ba Wikipedia ba ba Wikikamus.
Talifusömi
So zinangea öfa'ema sanandrösa ba kamus andre?
Höndrögö ba da'a ba wanura ya'ia!
Angolifa Nösi edit
A •B •C •D •E •F •G •H •I •J •K • L •M •N •O •P •Q •R •S •T •U •V •W •X •Y •Z
Khai-khai baero edit
- ↑ Faigi Nias Dictionary