Jerman (töi resmi Republik Federal Jerman) no sambua negara si so ba danö Eropa. Tanö ba gatumbukha fa'ola ia ba negara Belanda, tanö ba gaekhula ba negara Polandia ba ba negara Cekia. Ibu kotania so ba Berlin. Jerman no negara fondrege oya zowanua khönia ba Uni Eropa (töra 84 juta, 2023). Ba hiza tenga ha ebolo danönia ba oya zowanua khönia, Jerman no göi sambua negara fondrege abölö ekonominia ba Eropa ba negara nomoro tölu wa'ebua volume ekspor ba impor ba gulidanö.
Ato niha ba Danö Niha si no murasoi wanolo moroi ba Jerman, he la'ila ia ba he lö'ö. Börö i'otarai 1865 no so ato falito moroi ba Jerman ba Danö Niha, ba mböröta falito Protestan, ba furinia falito Katolik. Eluahania no oya Gereja, omo zekola ba omo zofökhö (li Indonesia rumah sakit) ba tanöbö'önia nifasindro faoma fanolo moroi ba Jerman. Simanö göi ato niha si no manema fanolo ena'ö tola sekola ira he ba SD-SMA ba he ba sekola sabölö alaŵa. Itaria lö la'ila da'a ya'ira andrö börö me fanolo andrö itörö institusi simane fanolo moroi ba Gereja btn.
Wikibuku no halöŵö nifalului zato.
Tolo Wikibuku khöda ba wanohugö wanura ya'ia, na so khöu onönöta nösi. Saohagölö.