Wp/mag/दक्खिनभारत

दक्खिनभारत (दक्षिणभारत) भारतमे प्रायद्वीप दक्कन पठारके दक्खिनीभागके कहल जाहे । एकरामे भारतीयराज्ज आन्ध्रप्रदेस, कर्नाटक, केरल, तमिल्नाडु आउ तेलङ्गानाके साथे-साथे केन्द्रसासितप्रदेस लक्षद्वीप आउ पुदुचेरी शामिल हे । एकरा प्रायद्वीपभारतके रूपोमे जानल जाहे । एकरामे भारतके कुल क्षेत्रफलके १९.३१% (635,780 कि॰मी² या 245,480 वर्ग मील) भूभाग शामिल हे । एकरामे देसके २०% जनसङ्ख्या निवास करहे । ई पूरुदन्ने बङ्गालके खाड़ी, पच्छिदन्ने अरबसागर आउ दक्खिनदन्ने हिन्दमहासागरसे घिरल हे । ई क्षेत्रके भूगोल बिविध हे जेकरामे दु पर्बत शृङ्खला शामिल हे । एकर मुख्य पठारीभूमिके सीमा पच्छिमी आउ पूर्बीघाटसे लगहे । हिँया जलके गैर-बारहमासी स्रोतके रूपमे गोदावरी, कृष्णा, कावेरी, तुङ्गभद्रा आउ वैगै नदी हे । ई क्षेत्रके सबसे बड़का नगरीक्षेत्र चेन्नै, बेङ्गलूरु, हैदराबाद्, कोयम्बतूरु, कोच्चि आउ बिशाखपटनं हे ।